1 Corintios 7:22 - Li Santil hu

²² Li ani cuan rubel xcuanquil lix patrón nak quisiqꞌueꞌ ru xban li Ka̱cuaꞌ, li jun aꞌan libre chic cuan chiru li Dios. Ut li jun li incꞌaꞌ cuan rubel xcuanquil lix patrón nak quisiqꞌueꞌ ru, lokꞌbil chic xban li Cristo chi cꞌanjelac chiru.

Q'eqchi Bible

²² Xb'aan naq wi loq'b'il aj k'anjel wan wi' junaq naq xb'oqe'k xb'aan li Qaawa', a'an ach'ab'anb'il chik xb'aan li Qaawa'. Jo'kan ajwi' ani wank chi ach'ab'anb'il naq xb'oqe'k, a'an aj k'anjel chik chiru li Kriist.

1 Corintios 7:22 ပူးပေါင်းရင်းမြစ်များ

1 Pedro 2:16

Libre chic cua̱nkex. Abanan moco xban ta nak libre chic cua̱nkex nak tex-oc chixba̱nunquil li ma̱usilal. Cheqꞌuehak ban e̱chꞌo̱l chi cꞌanjelac chiru li Dios.

Filemón 1:16

Anakcuan ma̱cuaꞌ chic joꞌ lokꞌbil mo̱s nak ta̱cua̱nk a̱cuiqꞌuin. Anakcuan kꞌaxal lokꞌ chic chiru junak mo̱s xban nak anakcuan a̱herma̱n chic saꞌ xcꞌabaꞌ li Jesucristo. Raro inban la̱in, ut la̱at kꞌaxal cuiꞌchic nak ta̱ra xban nak a̱mo̱s ut a̱herma̱n ajcuiꞌ saꞌ xcꞌabaꞌ li Ka̱cuaꞌ.

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

Gálatas 5:1

Ma̱cuaꞌo chic joꞌ li lokꞌbil mo̱s xban nak moco cuanco ta chic rubel xcuanquil li najter chakꞌrab. Libre ban chic cuanco xban nak li Cristo quicoloc ke chiru xcuanquil li najter chakꞌrab. Chexcua̱nk ut chi cau e̱chꞌo̱l saꞌ le̱ pa̱ba̱l ut me̱qꞌue chic e̱rib rubel xcuanquil li chakꞌrab.

Salmos 116:16

At nimajcual Dios, relic chi ya̱l la̱in aj cꞌanjel cha̱cuu ut lin naꞌ aj cꞌanjel ajcuiꞌ cha̱cuu. La̱at xina̱col chiru li ca̱mc.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

2 Pedro 1:1

La̱in laj Simón Pedro. La̱in x-apóstol li Jesucristo ut nincꞌanjelac chiru. Nintzꞌi̱ba li hu aꞌin e̱riqꞌuin, la̱ex aj pa̱banel. Ac xetau lix chakꞌal ru li pa̱ba̱l joꞌ li kapa̱ba̱l la̱o. Li pa̱ba̱l aꞌin natauman riqꞌuin li Ka̱cuaꞌ Jesucristo laj Colol ke, li ti̱c xchꞌo̱l.

Colosenses 4:12

Joꞌcan ajcuiꞌ laj Epafras naxtakla ajcuiꞌ xsahil e̱chꞌo̱l. Aꞌan e̱rech tenamitil ut aꞌan aj cꞌanjel chiru li Cristo. Junelic yo̱ chi tijoc che̱rix re nak texcua̱nk saꞌ xya̱lal ut cauhak e̱chꞌo̱l saꞌ le̱ pa̱ba̱l chixba̱nunquil chi tzꞌakal joꞌ naraj li Dios.

Gálatas 1:10

¿Ma yal re ta biꞌ nak teꞌsahokꞌ xchꞌo̱l li cui̱nk cuiqꞌuin nak yo̱quin chixyebal chi joꞌcaꞌin? ¿Ma incꞌaꞌ ta biꞌ yo̱quin chixyebal chi joꞌcaꞌin re nak sahak xchꞌo̱l li Dios cuiqꞌuin? ¿Ma tincuaj ta biꞌ tincꞌojob xchꞌo̱leb li cui̱nk? Ma̱ jokꞌe xban nak cui ta toj nacuaj xcꞌojobanquil xchꞌo̱leb li cui̱nk ma̱cuaꞌin raj aj cꞌanjel chiru li Jesucristo.

1 Corintios 9:19

La̱in moco taklanbilin ta xban cui̱nk, abanan ninqꞌue cuib chi cꞌanjelac chiruheb chixjunileb re nak teꞌxpa̱b li Cristo inban la̱in.

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

1 Corintios 7:21

Cui cuancat rubel xcuanquil la̱ patrón nak li Dios quixsicꞌ a̱cuu, matcꞌoxlac chirix aꞌan. Abanan cui naxqꞌue rib nak tat-e̱lk rubel xcuanquil la̱ patrón, naru nacat-el saꞌ xya̱lal.

1 Corintios 9:21

Eb li ma̱cuaꞌeb aj judío moco cuanqueb ta rubel xcuanquil lix chakꞌrab laj Moisés. Nak cuanquin saꞌ xya̱nkeb aꞌan, ninba̱nu joꞌ nequeꞌxba̱nu eb aꞌan re nak teꞌxpa̱b li Cristo inban la̱in. Abanan aꞌan incꞌaꞌ naraj naxye nak incꞌaꞌ ninba̱nu li naxye li Dios. Incꞌaꞌ ninba̱nu li incꞌaꞌ us. La̱in ninba̱nu li naxye li Cristo.