1 Corintios 7:21 - Li Santil hu

²¹ Cui cuancat rubel xcuanquil la̱ patrón nak li Dios quixsicꞌ a̱cuu, matcꞌoxlac chirix aꞌan. Abanan cui naxqꞌue rib nak tat-e̱lk rubel xcuanquil la̱ patrón, naru nacat-el saꞌ xya̱lal.

Q'eqchi Bible

²¹ Ma wankat cho'q aj loq'b'il k'anjel naq xatb'oqe'k? Matk'oxlak. Ut us ta truuq tat-elq rub'el xwankil laj eechal aawe, chak'anjela chi us li wank cho'q aj loq'b'il k'anjel.

1 Corintios 7:21 ပူးပေါင်းရင်းမြစ်များ

Colosenses 3:11

La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo.

1 Corintios 12:13

Chikajunilo junajo riqꞌuin li Cristo usta aj judío, usta ma̱cuaꞌ aj judío, usta lokꞌbil mo̱s, usta incꞌaꞌ. Xkacꞌul li cubi haꞌ saꞌ xcꞌabaꞌ li jun chi Santil Musikꞌej ut chikajunilo cuan li Santil Musikꞌej kiqꞌuin. Joꞌcan nak junajo riqꞌuin li Cristo.

San Lucas 12:29

Joꞌcan ut nak incꞌaꞌ yo̱k e̱cꞌaꞌux chirix le̱ cua e̱rucꞌa.

1 Pedro 5:7

Checanabak saꞌ rukꞌ li Dios chixjunil li cꞌaꞌak re ru yo̱ e̱cꞌaꞌux chirix xban nak li Dios naxqꞌue xchꞌo̱l che̱rix la̱ex.

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Filipenses 4:11

Incꞌaꞌ yo̱quin chixyebal aꞌin e̱re xban nak cuan li cꞌaꞌru nacuaj. Ac xintzol cuib chi cua̱nc chi cꞌojcꞌo inchꞌo̱l riqꞌuin joꞌ nimal joꞌ chꞌinal cuan cue.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

1 Corintios 7:20

Joꞌ nak cuan junak nak quisiqꞌueꞌ ru xban li Dios, joꞌcan ajcuiꞌ ta̱cana̱k.

1 Corintios 7:22

Li ani cuan rubel xcuanquil lix patrón nak quisiqꞌueꞌ ru xban li Ka̱cuaꞌ, li jun aꞌan libre chic cuan chiru li Dios. Ut li jun li incꞌaꞌ cuan rubel xcuanquil lix patrón nak quisiqꞌueꞌ ru, lokꞌbil chic xban li Cristo chi cꞌanjelac chiru.