1 Corintios 7:2 - Li Santil hu

² Abanan us cui ta̱sumla̱k re nak incꞌaꞌ ta̱ma̱cobk. Teꞌsumla̱k re nak li cui̱nk teꞌcua̱nk rixakil chi xju̱nkaleb ut li ixk teꞌcua̱nk xbe̱lom chi xju̱nkaleb.

Q'eqchi Bible

² Ab'an li junjunq chi winq chiwanq rixaqil ut li junjunq chi ixq chiwanq xb'eelom re naq ink'a' te't'ane'q sa' li maak.

1 Corintios 7:2 ပူးပေါင်းရင်းမြစ်များ

Efesios 5:28

Joꞌcan ajcuiꞌ eb li be̱lomej, tento nak teꞌxra li rixakil joꞌ nak nequeꞌxra ribeb aꞌan. Li ani naxra li rixakil, naxra ajcuiꞌ rib aꞌan.

Efesios 5:33

Joꞌcan nak tinye cuiꞌchic e̱re nak li be̱lomej chixrahak li rixakil joꞌ nak naxra rib aꞌan. Ut li ixakilbej chix-oxlokꞌi lix be̱lom.

1 Corintios 7:9

Ut cui incꞌaꞌ naru nequeꞌxcuy rib, sumla̱keb. Kꞌaxal us nak ta̱sumla̱k junak chiru nak yo̱k chixra̱bal ru junak re nak ta̱cua̱nk riqꞌuin chi incꞌaꞌ sumsu̱queb.

Proverbios 18:22

Li ani naxtau rixakil naxtau li us. Ut naxtau ajcuiꞌ rusilal li Dios.

1 Corintios 6:18

Me̱ba̱nu chic li ma̱usilal. Chixjunil li cꞌaꞌak re ru chi ma̱quil kꞌaxal yibru. Abanan li coꞌbe̱tac yumbe̱tac kꞌaxal cuiꞌchic yibru xban nak li ani nama̱cob chi toj ma̱jiꞌ sumsu, li jun aꞌan naxmux rib xjunes rib.

1 Timoteo 4:3

Eb aꞌan nequeꞌxye nak incꞌaꞌ us li sumla̱c ut nequeꞌxye ajcuiꞌ nak cuan li tzacae̱mk incꞌaꞌ us xtzacanquil. Abanan moco ya̱l ta li nequeꞌxye. Li Dios quiqꞌuehoc re li tzacae̱mk aꞌin re nak ta̱tzaca̱k. Ut la̱o aj pa̱banel li nakanau lix ya̱lal, nakatzaca ut nakabantioxi chiru li Dios nak quixqꞌue ke li katzacae̱mk.

Malaquías 2:14

Ut la̱ex nequeye, “¿Cꞌaꞌut nak incꞌaꞌ chic naxcꞌul li kamayej li Ka̱cuaꞌ?” chanquex. Aꞌan incꞌaꞌ naxcꞌul xban nak aꞌan naxnau nak la̱ex xekꞌet li a̱tin li quesume chak xba̱nunquil nak quexsumla saꞌ e̱sa̱jilal. Ut le̱ rixakil, aꞌan raj li tzꞌakal e̱rochben ut le̱ sum a̱tin. Abanan anakcuan xekꞌet le̱ ra̱tin li queye saꞌ li contrato li queba̱nu riqꞌuineb le̱ rixakil.

Proverbios 19:14

Riqꞌuineb li naꞌbej yucuaꞌbej naru nakacꞌul kajun cablal ut kabiomal. Abanan junak li cha̱bil ixakilbej, caꞌaj cuiꞌ li Dios naru naqꞌuehoc re.

San Mateo 5:32

Abanan la̱in ninye e̱re lix ya̱lal aꞌan. Li ani naxjach rib riqꞌuin li rixakil chi incꞌaꞌ xmux ru xsumlajic li ixakilbej, aꞌ li be̱lomej cuan xma̱c nak li ixk aꞌan tixmux ru xsumlajic. Ut li ani ta̱cꞌamok re li ixk, li ac xcanaba̱c xban xbe̱lom, li cui̱nk aꞌan naxmux ru li sumsu.

1 Corintios 7:1

Xetakla chak xpatzꞌbal cue chirix li sumla̱c ut anakcuan tinsume le̱ hu. Us raj chokꞌ re li cui̱nk nak ma̱cꞌaꞌak rixakil.

1 Corintios 7:3

Tento nak li cui̱nk ta̱cua̱nk riqꞌuin li rixakil ut li ixk ta̱cua̱nk riqꞌuin lix be̱lom joꞌ nequeꞌraj chi ribileb rib.

1 Ts 4:4

Eb laj pa̱banel tento nak teꞌsumla̱k saꞌ xya̱lal ut cheꞌxnauhak cua̱nc saꞌ ti̱quilal chi ribileb rib ut teꞌxqꞌue xlokꞌal chi ribileb rib.

Jueces 21:22

Ut cui teꞌcuulak lix yucuaꞌeb malaj ut li raseb chixyebal ke cꞌaꞌut nak xcꞌulman chi joꞌcaꞌin, la̱o takaye reheb, “Nakatzꞌa̱ma che̱ru nak te̱ba̱nu usilal reheb, ut te̱canabeb li xkaꞌal chokꞌ rixakileb. La̱o xocuulac saꞌ li ple̱t ut incꞌaꞌ xoru chixtaubal tzꞌakal li ixk re takaqꞌue chokꞌ rixakileb. Moco xekꞌet ta li contrato li xeba̱nu, xban nak moco la̱ex ta xexqꞌuehoc reheb. Yal elkꞌanbil ban xeꞌxba̱nu,” chaꞌko reheb.—