1 Corintios 7:18 - Li Santil hu

¹⁸ Cui junak ac xcꞌul li circuncisión nak ta̱pa̱ba̱nk, li jun aꞌan incꞌaꞌ tixcꞌoxla xjalbal li retalil li circuncisión. Ut cui junak ta̱pa̱ba̱nk ut toj ma̱jiꞌ naxcꞌul li circuncisión, li jun aꞌan incꞌaꞌ ajcuiꞌ tento nak tixcꞌul li circuncisión.

Q'eqchi Bible

¹⁸ Ma xatxb'oq li Yos naq ak aak'ulum li sirkunsisyon? Maamuq naq aak'ulum. Ma xatxb'oq chi maji' aak'ulum? Maak'ul li sirkunsisyon.

1 Corintios 7:18 ပူးပေါင်းရင်းမြစ်များ

Hechos 15:5

Abanan cuanqueb cuib oxib laj pa̱banel aj fariseo. Eb aꞌan queꞌxye: —Eb laj pa̱banel li ma̱cuaꞌeb aj judío, tento teꞌxba̱nu li circuncisión. Tento teꞌxba̱nu li cꞌaꞌru naxye li chakꞌrab li quixqꞌue ke laj Moisés, chanqueb.

Hechos 15:28

Xcꞌul xchꞌo̱l li Santil Musikꞌej joꞌ ajcuiꞌ la̱o nak incꞌaꞌ texkapuersi chixba̱nunquil chixjunil li naxye saꞌ li chakꞌrab. Caꞌaj cuiꞌ eb li naꞌleb aꞌin tento te̱ba̱nu.

Hechos 15:24

Xkabi resil nak cuanqueb li xeꞌel arin saꞌ kaya̱nk ut xeꞌco̱eb aran saꞌ le̱ tenamit che̱chꞌiꞌchꞌiꞌinquil ut chixpoꞌbal e̱chꞌo̱l riqꞌuin li cꞌaꞌru nequeꞌxye. Abanan moco la̱o ta xotaklan reheb.

Hechos 15:19

Joꞌcan nak la̱in ninye nak incꞌaꞌ takapuersi ruheb chixba̱nunquil li naxye li chakꞌrab li ma̱cuaꞌeb aj judío li yo̱queb chixpa̱banquil li Ka̱cuaꞌ.

Colosenses 3:11

La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo.

Hechos 21:21

Ac xeꞌrabi resil nak la̱at yo̱cat chixcꞌutbal chiruheb laj judío, li cuanqueb saꞌ xya̱nkeb li ma̱cuaꞌeb aj judío, nak incꞌaꞌ teꞌxba̱nu li circuncisión reheb li ralal xcꞌajol, chi moco teꞌxba̱nu li cꞌaꞌru cꞌaynakeb xba̱nunquil laj judío.