1 Corintios 7:17 - Li Santil hu

¹⁷ Li junju̱nk chicua̱nk joꞌ naraj li Dios. Us cui cuan a̱cuixakil nak xapa̱b li Cristo. Cui ma̱cꞌaꞌ a̱cuixakil, us ajcuiꞌ. Tatcana̱k joꞌ nak cuancat nak xatpa̱ban. Aꞌan aꞌin li nequebinchakꞌrabi cuiꞌ chixjunileb laj pa̱banel yalak bar.

Q'eqchi Bible

¹⁷ Li junjunq chiwanq jo' chanru k'eeb'il re xb'aan li Qaawa'; chiwanq jo' b'oqb'il wi' li junjunq xb'aan li Yos. A'an a'in li ninchaq'rab'iheb' wi' chixjunileb' li Iklees.

1 Corintios 7:17 ပူးပေါင်းရင်းမြစ်များ

1 Corintios 4:17

Aꞌan aj e nak xintakla e̱riqꞌuin laj Timoteo. Aꞌan tixjultica e̱re nak li cꞌaꞌru yo̱quin chixchꞌolobanquil chirix li Cristo, aꞌan ajcuiꞌ li yo̱quin chixba̱nunquil. Ninchꞌolob chi tzꞌakal lix ya̱lal yalak bar chiruheb chixjunileb laj pa̱banel. Laj Timoteo chanchan li cualal ut raro inban. Tzꞌakal re ru lix pa̱ba̱l saꞌ xcꞌabaꞌ li Jesucristo.

1 Corintios 7:24

Ex herma̱n, joꞌ nak cuanquex nak quisiqꞌueꞌ e̱ru xban li Dios, joꞌcan ajcuiꞌ texcana̱k.

2 Corintios 8:18

Yo̱co chixtaklanquil jun chic li herma̱n e̱riqꞌuin rochben laj Tito. Aꞌan naꞌno ru xbaneb chixjunileb laj pa̱banel yalak bar xban nak cha̱bil li cꞌanjel naxba̱nu re xchꞌolobanquil lix ya̱lal li colba-ib.

2 Corintios 11:28

Cuan chic nabal li raylal xincꞌul. Ut chirix chixjunil aꞌan, kꞌaxal cuiꞌchic nincꞌoxlac cuulaj cuulaj chirixeb chixjunileb laj pa̱banel li cuanqueb yalak bar.

1 Corintios 7:18

Cui junak ac xcꞌul li circuncisión nak ta̱pa̱ba̱nk, li jun aꞌan incꞌaꞌ tixcꞌoxla xjalbal li retalil li circuncisión. Ut cui junak ta̱pa̱ba̱nk ut toj ma̱jiꞌ naxcꞌul li circuncisión, li jun aꞌan incꞌaꞌ ajcuiꞌ tento nak tixcꞌul li circuncisión.

1 Corintios 7:7

La̱in nacuaj raj nak ma̱cꞌaꞌak e̱rixakil joꞌ la̱in ma̱cꞌaꞌ cuixakil. Abanan moco juntakꞌe̱to ta chikajunilo. Li junju̱nk cuan xma̱tan qꞌuebil re xban li Dios. Joꞌcan nak cuan li nequeꞌsumla xban nak joꞌcan naraj li Dios ut cuan li incꞌaꞌ nequeꞌsumla ut saheb saꞌ xchꞌo̱l xjuneseb xban nak joꞌcan naraj li Dios.

1 Corintios 14:33

Li Dios incꞌaꞌ naraj nak ta̱cua̱nk li poꞌoj ib saꞌ xya̱nkeb laj pa̱banel. Naraj ban nak cua̱nk li tuktu̱quil usilal saꞌ xya̱nkeb.

San Mateo 19:12

Cuanqueb cui̱nk chalen saꞌ xyoꞌlajiqueb ac reheb nak incꞌaꞌ teꞌcua̱nk rixakil, ut cuanqueb yal pokꞌbileb xbaneb li rech cui̱nkilal re incꞌaꞌ teꞌcua̱nk rixakileb, ut cuanqueb cuiꞌchic yal incꞌaꞌ nequeꞌxcꞌul xchꞌo̱leb nak teꞌxcꞌam rixakil xban nak nequeꞌxkꞌaxtesi rib chi cꞌanjelac chiru li Dios. Li ani ta̱ru̱k tixtau ru lix ya̱lal aꞌin, chixtauhak ru, chan li Jesús.

1 Corintios 16:1

Anakcuan nacuaj xyebal e̱re chanru te̱ba̱nu riqꞌuin li tumin li yo̱quex chixxocbal re xtenkꞌanquileb le̱ rech aj pa̱banelil li cuanqueb aran Jerusalén. Joꞌ xinye reheb laj pa̱banel aran Galacia, joꞌcan ajcuiꞌ tinye e̱re la̱ex.

1 Corintios 10:32

Me̱ba̱nu li cꞌaꞌak re ru napoꞌoc xchꞌo̱leb le̱ ras e̱ri̱tzꞌin usta aj judío, usta ma̱cuaꞌeb aj judío. Chi moco te̱ba̱nu li cꞌaꞌru ta̱poꞌok xchꞌo̱l le̱ rech aj pa̱banelil.

1 Corintios 11:16

Ut cui cuan junak e̱re naraj cuechꞌi̱nc chirix aꞌin, la̱in tinye re aꞌan nak la̱o li apóstol joꞌ ajcuiꞌ eb laj pa̱banel cꞌaynako chixba̱nunquil chi joꞌcan yalak bar.

1 Corintios 11:34

Cui cuan junak saꞌ e̱ya̱nk ta̱tzꞌoca̱k, chicuaꞌak chak saꞌ rochoch re nak incꞌaꞌ te̱bok raylal saꞌ e̱be̱n nak te̱chꞌutub e̱rib. Toj cuan chic cꞌaꞌak re ru incꞌaꞌ xinye e̱re. Nak tincuulak che̱rilbal tinchꞌolob xya̱lal che̱ru li toj ma̱jiꞌ xinye e̱re.

Gálatas 1:22

Ut toj ma̱jiꞌak nequeꞌxnau cuu eb laj pa̱banel saꞌ xcꞌabaꞌ li Cristo, li cuanqueb aran Judea.

1 Ts 2:14

Ut la̱ex herma̱n xecꞌul ajcuiꞌ li raylal joꞌ queꞌxcꞌul li ralal xcꞌajol li Dios li nequeꞌpa̱ban saꞌ xcꞌabaꞌ li Jesucristo li cuanqueb Judea. Xexrahobtesi̱c xban le̱ rech tenamitil joꞌ queꞌxcꞌul eb aꞌan xbaneb laj judío, li rech tenamitil.

2 Ts 1:4

Joꞌcan nak kꞌaxal sa saꞌ kachꞌo̱l chixserakꞌinquil resil le̱ pa̱ba̱l reheb li nequeꞌpa̱ban re li Dios yalak bar. Nakaye reheb chanru nak nequexpa̱ban chi anchal e̱chꞌo̱l ut cau e̱chꞌo̱l nak yo̱quex chixcuybal xnumsinquil li raylal ut li ra xi̱cꞌ.