1 Corintios 7:14 - Li Santil hu

¹⁴ Us cui incꞌaꞌ teꞌxjach rib. Li be̱lomej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ li rixakil. Ut li ixakilbej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ lix be̱lom li napa̱ban. Cui ta incꞌaꞌ joꞌcan, lix cocꞌal eb aꞌan chanchaneb raj lix cocꞌaleb li ma̱cuaꞌeb ralal xcꞌajol li Dios. Abanan cui incꞌaꞌ teꞌxjach rib, lix cocꞌaleb lokꞌ chiru li Dios saꞌ xcꞌabaꞌ li jun li napa̱ban.

Q'eqchi Bible

¹⁴ Xb'aan naq li b'eelomej maak'a' xpaab'aal a'an santob'resinb'il sa' xk'ab'a' li rixaqil, ut li ixaqilb'ej maak'a' xpaab'aal a'an santob'resinb'il sa' xk'ab'a' li xb'eelom aj paab'anel. Wi ta ink'a' jo'kan, eb' leeralal eek'ajol tz'aj raj ru li xyu'ameb', a'ut anaqwan santeb'.

1 Corintios 7:14 ပူးပေါင်းရင်းမြစ်များ

Tito 1:15

Li ti̱queb xchꞌo̱l, chixjunil li cꞌaꞌak re ru cha̱bil chiruheb xban nak nequeꞌxsicꞌ li cꞌaꞌru cha̱bil. Aꞌut eb li incꞌaꞌ ti̱queb xchꞌo̱l, ma̱cꞌaꞌ cꞌaꞌru us chiruheb xban nak numtajenak xyibal ru lix naꞌlebeb ut incꞌaꞌ us lix cꞌaꞌuxeb.

1 Timoteo 4:5

Ma̱cꞌaꞌ xtzꞌekta̱nanquil xban nak li Dios quixye nak us xtzacanquil ut xban nak nocotijoc saꞌ xbe̱n. Joꞌcan nak osobtesinbil chic xban.

Isaías 52:1

Chi-ajk e̱ru la̱ex li cuanquex Sión. Cacuubresihomak e̱chꞌo̱l. Qꞌuehomak le̱ cha̱bil akꞌ che̱rix xban nak eb li incꞌaꞌ useb xnaꞌleb li ma̱jiꞌ nequeꞌxcꞌul li circuncisión, incꞌaꞌ chic teꞌoc saꞌ li santil tenamit Jerusalén.

Romanos 11:16

Cui kꞌaxtesinbil saꞌ rukꞌ li Dios li xbe̱n caxlan cua na-el, kꞌaxtesinbil ajcuiꞌ lix comon. Ut cui kꞌaxtesinbil saꞌ rukꞌ li Dios lix xeꞌ li cheꞌ, kꞌaxtesinbil ajcuiꞌ chixjunil li rukꞌ. Aꞌin naraj naxye: Xban nak li Dios quixsicꞌ ru laj Abraham, joꞌcan nak sicꞌbil ajcuiꞌ ruheb li ralal xcꞌajol.

Hechos 10:23

Laj Pedro quirocsiheb ut queꞌxnumsi li kꞌojyi̱n saꞌ li cab aꞌan. Saꞌ li cutan jun chic laj Pedro co̱ chirixeb. Ut cuib oxib laj pa̱banel re Jope queꞌco̱eb chirix.

1 Corintios 7:13

Ut cui junak ixk naxpa̱b li Dios ut lix be̱lom toj ma̱jiꞌ napa̱ban, ut naxcꞌul xchꞌo̱l li cui̱nk cua̱nc riqꞌuin, li ixk aꞌan incꞌaꞌ naru tixcanab chi moco tixjach rib riqꞌuin lix be̱lom.