1 Corintios 7:12 - Li Santil hu

¹² La̱in nacuaj xqꞌuebal caꞌchꞌinak chic le̱ naꞌleb. Aꞌin ma̱cuaꞌ xyehom li Ka̱cuaꞌ, aban la̱in ninnau nak us xba̱nunquil. Cui junak cui̱nk naxpa̱b li Dios ut li rixakil toj ma̱jiꞌ napa̱ban ut naxcꞌul xchꞌo̱l li ixk cua̱nc riqꞌuin, li cui̱nk aꞌan incꞌaꞌ naru tixcanab chi moco tixjach rib riqꞌuin li rixakil.

Q'eqchi Bible

¹² Reheb' li junch'ol ninye a'in (maawa' xyehom li Qaawa', inyehom b'an laa'in): wi junaq aj paab'anel wank rixaqil maak'a' xpaab'aal ut a'in naxk'ul ru wank rik'in, mixkanab' li rixaqil.

1 Corintios 7:12 ပူးပေါင်းရင်းမြစ်များ

2 Corintios 11:17

Li cꞌaꞌru yo̱quin chixyebal anakcuan moco qꞌuebil ta cue xban li Ka̱cuaꞌ. Abanan tinye xban nak la̱ex incꞌaꞌ nequetau xya̱lal. Yo̱quin chi a̱tinac anakcuan joꞌ nequeꞌxba̱nu li cui̱nk li nequeꞌxnimobresi rib.

1 Corintios 7:6

La̱in yal e̱naꞌleb yo̱quin chixqꞌuebal. Moco yo̱quin ta chixyebal e̱re nak tento te̱ba̱nu. La̱ex yal e̱re chanru te̱raj te̱ba̱nu.

1 Corintios 7:25

La̱in tinye e̱re li nincꞌoxla chirixeb li sa̱j ixk ut li sa̱j cui̱nk. Usta ma̱cuaꞌ ra̱tin li Ka̱cuaꞌ, us cui tex-abi̱nk chicuu xban nak riqꞌuin xnimal ruxta̱n li Ka̱cuaꞌ naxqꞌue innaꞌleb chixyebal e̱re lix ya̱lal.

1 Corintios 7:11

Ut cui li ixakilbej tixjach rib riqꞌuin lix be̱lom, li ixk aꞌan ta̱cua̱nk xjunes ut incꞌaꞌ chic tixsicꞌ jalan cui̱nk. Abanan us raj cui tixcꞌam cuiꞌchic rib saꞌ usilal riqꞌuin lix be̱lom. Ut joꞌcan ajcuiꞌ li be̱lomej, incꞌaꞌ ajcuiꞌ naru tixjach rib riqꞌuin li rixakil.

1 Corintios 7:13

Ut cui junak ixk naxpa̱b li Dios ut lix be̱lom toj ma̱jiꞌ napa̱ban, ut naxcꞌul xchꞌo̱l li cui̱nk cua̱nc riqꞌuin, li ixk aꞌan incꞌaꞌ naru tixcanab chi moco tixjach rib riqꞌuin lix be̱lom.

1 Corintios 7:27

Abanan cui sumsu̱quex, me̱canab le̱ rixakil. Ut cui incꞌaꞌ sumsu̱quex, us ajcuiꞌ cui incꞌaꞌ te̱sicꞌ e̱rixakil.