1 Corintios 7:10 - Li Santil hu

¹⁰ Anakcuan tinye reheb li ac sumsu̱queb nak li ixakilbej incꞌaꞌ naru tixjach rib riqꞌuin lix be̱lom. Li chakꞌrab aꞌin ma̱cuaꞌ la̱in xinyehoc re injunes. Qꞌuebil ban xban li Ka̱cuaꞌ.

Q'eqchi Bible

¹⁰ Reheb' li sumsuukeb' ninye a'in (moko laa'in ta nink'ehok li xtaqlankileb' a'in, a' b'an li Qaawa'): li ixaqilb'ej ink'a' chixjach rib' rik'in li xb'eelom.

1 Corintios 7:10 ပူးပေါင်းရင်းမြစ်များ

San Mateo 5:32

Abanan la̱in ninye e̱re lix ya̱lal aꞌan. Li ani naxjach rib riqꞌuin li rixakil chi incꞌaꞌ xmux ru xsumlajic li ixakilbej, aꞌ li be̱lomej cuan xma̱c nak li ixk aꞌan tixmux ru xsumlajic. Ut li ani ta̱cꞌamok re li ixk, li ac xcanaba̱c xban xbe̱lom, li cui̱nk aꞌan naxmux ru li sumsu.

San Lucas 16:18

Li ani tixjach rib riqꞌuin li rixakil ut ta̱sumla̱k riqꞌuin jalan chic ixk, aꞌan tixmux ru lix sumlajic. Ut li cui̱nk li ta̱sumla̱k riqꞌuin junak ixk li ac xjach rib riqꞌuin lix be̱lom, tixmux ru lix sumlajic.

1 Corintios 7:15

Cui li be̱lomej ma̱cuaꞌ aj pa̱banel ut incꞌaꞌ chic naraj cua̱nc riqꞌuin li rixakil xban nak aj pa̱banel chic li ixk, naru teꞌxjach rib. Ut cui li ixakilbej ma̱cuaꞌ aj pa̱banel ut incꞌaꞌ chic naraj cua̱nc riqꞌuin lix be̱lom xban nak li cui̱nk aj pa̱banel chic, naru ajcuiꞌ teꞌxjach rib. Chi joꞌcan ta̱cana̱k laj pa̱banel chi ma̱cꞌaꞌ chic ta̱chꞌiꞌchꞌiꞌi̱nk re xban nak li Dios naraj nak tocua̱nk saꞌ xya̱lal.

Jeremías 3:20

Abanan la̱ex xine̱tzꞌekta̱na. Chanchanex li ixk li xtzꞌekta̱na xbe̱lom. La̱in li Ka̱cuaꞌ yo̱quin chi yehoc re aꞌin.

1 Corintios 7:12

La̱in nacuaj xqꞌuebal caꞌchꞌinak chic le̱ naꞌleb. Aꞌin ma̱cuaꞌ xyehom li Ka̱cuaꞌ, aban la̱in ninnau nak us xba̱nunquil. Cui junak cui̱nk naxpa̱b li Dios ut li rixakil toj ma̱jiꞌ napa̱ban ut naxcꞌul xchꞌo̱l li ixk cua̱nc riqꞌuin, li cui̱nk aꞌan incꞌaꞌ naru tixcanab chi moco tixjach rib riqꞌuin li rixakil.

1 Corintios 7:25

La̱in tinye e̱re li nincꞌoxla chirixeb li sa̱j ixk ut li sa̱j cui̱nk. Usta ma̱cuaꞌ ra̱tin li Ka̱cuaꞌ, us cui tex-abi̱nk chicuu xban nak riqꞌuin xnimal ruxta̱n li Ka̱cuaꞌ naxqꞌue innaꞌleb chixyebal e̱re lix ya̱lal.

1 Corintios 7:6

La̱in yal e̱naꞌleb yo̱quin chixqꞌuebal. Moco yo̱quin ta chixyebal e̱re nak tento te̱ba̱nu. La̱ex yal e̱re chanru te̱raj te̱ba̱nu.

1 Corintios 7:40

Abanan nincꞌoxla la̱in nak kꞌaxal us raj nak li xma̱lcaꞌan ta̱cana̱k xjunes ut incꞌaꞌ chic ta̱sumla̱k. Li naꞌleb aꞌin li xinye e̱re, aꞌan qꞌuebil cue xban li Santil Musikꞌej.

San Marcos 10:2

Ut queꞌcuulac laj fariseo riqꞌuin chi patzꞌoc yal re xyalbal rix ut queꞌxye re: —¿Cꞌaꞌru nacaye la̱at? ¿Ma ta̱ru̱k tixjach rib junak cui̱nk riqꞌuin li rixakil? chanqueb re.

1 Corintios 7:11

Ut cui li ixakilbej tixjach rib riqꞌuin lix be̱lom, li ixk aꞌan ta̱cua̱nk xjunes ut incꞌaꞌ chic tixsicꞌ jalan cui̱nk. Abanan us raj cui tixcꞌam cuiꞌchic rib saꞌ usilal riqꞌuin lix be̱lom. Ut joꞌcan ajcuiꞌ li be̱lomej, incꞌaꞌ ajcuiꞌ naru tixjach rib riqꞌuin li rixakil.