1 Corintios 6:9 - Li Santil hu

⁹ ¿Ma incꞌaꞌ nequenau nak eb li incꞌaꞌ ti̱queb xchꞌo̱l incꞌaꞌ teꞌre̱chani lix nimajcual cuanquilal li Dios? Me̱balakꞌi e̱rib. Eb laj coꞌbe̱t ut eb laj yumbe̱t incꞌaꞌ teꞌre̱chani lix nimajcual cuanquilal li Dios, chi moco li nequeꞌlokꞌonin re li jalanil dios, chi moco eb laj muxul caxa̱r. Ut eb li cui̱nk li nequeꞌma̱cob riqꞌuineb li rech cui̱nkilal incꞌaꞌ ajcuiꞌ teꞌre̱chani lix nimajcual cuanquilal li Dios. Joꞌcan nak me̱balakꞌi e̱rib chi xcꞌoxlanquil nak us yo̱quex cui toj yo̱quex chixba̱nunquil li ma̱usilal aꞌin.

Q'eqchi Bible

⁹ Ma ink'a' nekenaw naq li ink'a' tiikeb' xch'ool ink'a' te'reechani li xnimajwal awab'ejihom li Yos? Meeb'alaq'i eerib'! Eb' laj ko'b'eet aj yumb'eet, eb' laj loq'oninel li yal k'oxlanb'il yos, eb' laj muxul sumlaak, eb' li ixqiwinq, eb' li neke'xb'aanu li maa'usilal rik'ineb' li rech winqilal rech ixqilal,

1 Corintios 6:9 ပူးပေါင်းရင်းမြစ်များ

Levítico 20:13

Cui junak li cui̱nk tixchꞌic rib riqꞌuin li rech cui̱nkilal, nimla ma̱c li queꞌxba̱nu. Chixcabichaleb teꞌcamsi̱k. Ut eb aꞌan cuanqueb xma̱c nak teꞌcamsi̱k.

Levítico 18:22

Junak cui̱nk incꞌaꞌ naru naxchꞌic rib riqꞌuin li rech cui̱nkilal joꞌ naxba̱nu riqꞌuin junak ixk. Nimla ma̱c xba̱nunquil aꞌan.

1 Corintios 6:10

Eb laj e̱lkꞌ ut eb li nequeꞌxrahi ru li biomal incꞌaꞌ teꞌre̱chani lix nimajcual cuanquilal li Dios, chi moco laj calajenak, chi moco laj majecuanel, chi moco laj balakꞌ teꞌre̱chani lix nimajcual cuanquilal li Dios.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

1 Corintios 6:19

¿Ma incꞌaꞌ nequenau nak la̱ex rochochex li Santil Musikꞌej xban nak li Santil Musikꞌej li quixqꞌue e̱re li Dios cuan e̱riqꞌuin? Joꞌcan nak moco la̱ex ta nequetakla e̱rib e̱junes. La̱ex rehex chic li Dios.

1 Corintios 5:10

Nak xinye e̱re chi joꞌcan moco yo̱quin ta chi a̱tinac chirixeb laj coꞌbe̱t ut laj yumbe̱t li toj ma̱jiꞌ nequeꞌpa̱ban. Yo̱quin ban chi a̱tinac chirixeb li nequeꞌxye rib nak aj pa̱baneleb ut toj nequeꞌxra ru biomal ut nequeꞌelkꞌac ut toj nequeꞌlokꞌonin jalanil dios. Cui ta xinye e̱re nak incꞌaꞌ texcua̱nk saꞌ xya̱nkeb li toj ma̱jiꞌ nequeꞌpa̱ban, incꞌaꞌ raj naru texcua̱nk saꞌ ruchichꞌochꞌ.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Deuteronomio 22:5

Junak ixk incꞌaꞌ naru ta̱rocsi li rakꞌ li cui̱nk, chi moco li cui̱nk ta̱ru̱k ta̱rocsi li rakꞌ li ixk xban nak aꞌan incꞌaꞌ nacuulac chiru li Ka̱cuaꞌ le̱ Dios.

Romanos 1:18

Li Dios yo̱ chak xjoskꞌil toj saꞌ choxa saꞌ xbe̱neb laj ma̱c. Riqꞌuin lix ma̱usilaleb nequeꞌxtzꞌekta̱na lix ya̱lal ut nequeꞌxmuk ajcuiꞌ chiruheb li ras ri̱tzꞌin.

Hebreos 12:14

Chexcua̱nk saꞌ tuktu̱quil usilal riqꞌuineb le̱ ras e̱ri̱tzꞌin. Chexcua̱nk saꞌ ti̱quilal ut saꞌ santilal, xban nak cui ma̱cꞌaꞌ e̱santilal ma̱ jokꞌe te̱ril ru li Dios.

1 Corintios 15:50

Ex inherma̱n, li nacuaj xyebal e̱re, aꞌan aꞌin: li katibel ut li kaquiqꞌuel incꞌaꞌ ta̱oc saꞌ lix nimajcual cuanquilal li Dios xban nak aꞌan nakꞌa. Li bar cuan nakꞌa incꞌaꞌ naru ta̱re̱chani lix nimajcual cuanquilal li Dios xban nak aꞌan incꞌaꞌ nakꞌa.

1 Corintios 15:33

Me̱qꞌue e̱rib chi balakꞌi̱c xbaneb li nequeꞌa̱tinac chi joꞌcan. Me̱junaji e̱rib riqꞌuineb li incꞌaꞌ useb xnaꞌleb xban nak li incꞌaꞌ useb xnaꞌleb nequeꞌxpoꞌ xchꞌo̱leb li cha̱bileb xnaꞌleb.

1 Corintios 3:16

¿Ma incꞌaꞌ ta biꞌ nequenau nak la̱ex rochochex li Dios? ¿Ma incꞌaꞌ ta biꞌ nequenau nak li Santil Musikꞌej cuan e̱riqꞌuin?

Hebreos 12:16

Ma̱ ani taxak junak saꞌ e̱ya̱nk yal tixlakꞌab rib chi incꞌaꞌ sumsu. Chi moco cheba̱nu joꞌ quixba̱nu laj Esaú nak quixtzꞌekta̱na lix lokꞌlaj ma̱tan. Laj Esaú quixcꞌul raj lix ma̱tan xban nak aꞌan li xbe̱n alalbej. Abanan quixtzꞌekta̱na lix ma̱tan xban nak quixcꞌayi yal riqꞌuin jun cuaꞌal chi cua.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

1 Corintios 5:1

Yalak bar x-abiman resil nak cuan li joꞌ ma̱joꞌil naꞌleb saꞌ e̱ya̱nk xban nak jun li cui̱nk quixmakꞌ rixakil lix yucuaꞌ. Cꞌajoꞌ xyibal ru li yo̱queb chixba̱nunquil saꞌ e̱ya̱nk. Eb li ma̱cuaꞌeb aj pa̱banel incꞌaꞌ nequeꞌxba̱nu chi joꞌcan. ¿Ma tojaꞌ ta chic la̱ex texba̱nu̱nk re chi joꞌcan?

Jueces 19:22

Nak sa saꞌ xchꞌo̱leb, queꞌcuulac jun chꞌu̱tal li cui̱nk li incꞌaꞌ useb xnaꞌleb. Queꞌxsut li cab ut yo̱queb chixtꞌochbal li puerta ut queꞌxye re li che̱quel cui̱nk, laj e̱chal re li cab: —Isi chak li cui̱nk li xacꞌul saꞌ la̱ cuochoch. Takaj ma̱cobc riqꞌuin, chanqueb.

Deuteronomio 23:17

Ma̱ jun aj Israel tixcꞌayi rib, usta ixk, usta cui̱nk, joꞌ nequeꞌxba̱nu li nequeꞌxlokꞌoni li jalanil dios.

Génesis 19:5

Queꞌxjap re chixbokbal laj Lot ut queꞌxye re: —¿Bar cuanqueb li cui̱nk li xeꞌcꞌulun saꞌ la̱ cuochoch chiru li kꞌojyi̱n aꞌin? Isiheb chak chirix cab. Takaj toma̱cobk riqꞌuineb, chanqueb.

Proverbios 22:8

Li ani naxba̱nu ma̱usilal, ma̱usilal ajcuiꞌ tixcꞌul. Ut ta̱cuulak xkꞌehil nak incꞌaꞌ chic ta̱ru̱k tixcꞌutbesi lix joskꞌil.

Santiago 1:16

Ex inherma̱n, me̱balakꞌi e̱rib chixcꞌoxlanquil nak li Dios naqꞌuehoc chak re li a̱le̱c saꞌ e̱be̱n.

1 Corintios 9:24

Nequexinjuntakꞌe̱ta riqꞌuineb li nequeꞌxyal xkꞌe chi a̱linac. ¿Ma incꞌaꞌ ta biꞌ nequenau nak eb li nequeꞌa̱linac chixjunileb nequeꞌxyal xkꞌe chi a̱linac? Abanan jun ajcuiꞌ naxcꞌul xma̱tan. Joꞌcan ut la̱ex cheqꞌuehak e̱chꞌo̱l chi pa̱ba̱nc re nak te̱cꞌul e̱ma̱tan riqꞌuin li Dios.

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

Zacarías 5:3

Ut aꞌan quixye cue: —Li cꞌaꞌru tzꞌi̱banbil chiru li hu aꞌin, aꞌan retalil nak ac xteneba̱c li tojba ma̱c saꞌ xbe̱neb chixjunileb li cuanqueb saꞌ ruchichꞌochꞌ. Jun pacꞌal tzꞌi̱banbil nak eb li nequeꞌelkꞌac teꞌxcꞌul li tojba ma̱c. Ut saꞌ li jun pacꞌal chic tzꞌi̱banbil nak eb li nequeꞌxpatzꞌ xcꞌabaꞌ li Dios chi ma̱cꞌaꞌ rajbal teꞌxcꞌul ajcuiꞌ li tojba ma̱c. Ma̱ jun reheb teꞌcana̱k chi incꞌaꞌ teꞌxcꞌul li tojba ma̱c.

Proverbios 11:1

Li Ka̱cuaꞌ sa xchꞌo̱l riqꞌuin li ani nabisoc chi tzꞌakal. Abanan xicꞌ narileb li ani incꞌaꞌ nequeꞌbisoc chi tzꞌakal.

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Éxodo 23:1

Me̱ye ticꞌtiꞌ chirix le̱ ras e̱ri̱tzꞌin chi moco chex-oque̱nk chixtenkꞌanquil li incꞌaꞌ useb xnaꞌleb riqꞌuin xyebal ticꞌtiꞌ.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

Levítico 18:20

Junak cui̱nk incꞌaꞌ naru naxchꞌic rib riqꞌuin li rixakil li ras ri̱tzꞌin. Cui tixba̱nu li ma̱usilal aꞌan, tixmux rib.

Deuteronomio 22:22

Cui junak cui̱nk natauheꞌ chi cua̱rc riqꞌuin junak ixk ac sumsu, teꞌcamsi̱k chi xcabichaleb. Chi joꞌcaꞌin ta̱sachma̱nk li ma̱usilal saꞌ e̱ya̱nk la̱ex aj Israel.

Proverbios 7:27

Li rochoch li ixk aꞌan, chanchan lix naꞌajeb li camenak. Cui la̱ex texxic aran, chanchan yo̱quex chi xic saꞌ xbehil li ca̱mc.

Ezequiel 18:11

Ut ma̱re naxtzaca li tzacae̱mk mayejanbil saꞌ eb li tzu̱l chiruheb li jalanil dios, ut naxchꞌic rib riqꞌuin li rixakil li ras ri̱tzꞌin.

San Lucas 21:8

Li Jesús quixye reheb: —Cheba̱nu cue̱nt re nak incꞌaꞌ texbalakꞌi̱k xban nak nabal teꞌcha̱lk chi balakꞌi̱nc ut teꞌxye nak saꞌ incꞌabaꞌ la̱in xeꞌchal. Teꞌxye, “La̱in li Cristo li yechiꞌinbil xban li Dios,” chaꞌkeb. Ut teꞌxye, “Anakcuan xcuulac xkꞌehil,” chaꞌkeb. Abanan me̱pa̱b li cꞌaꞌru teꞌxye eb aꞌan.

Hechos 20:32

Anakcuan ut ex herma̱n, texinkꞌaxtesi saꞌ rukꞌ li Dios ut li ra̱tin li quixqꞌue chak e̱re xban lix rahom chitenkꞌa̱nk e̱re chi qꞌui̱c saꞌ le̱ pa̱ba̱l. Ut aꞌan ajcuiꞌ ta̱qꞌuehok e̱naꞌaj saꞌ xya̱nkeb li sicꞌbileb ru xban li Dios.

1 Corintios 5:11

Li cꞌaꞌru xinye, aꞌan chirixeb li nequeꞌxye rib nak aj pa̱baneleb ut yo̱queb chixba̱nunquil li moco uxc ta naraj. Ma̱re naxye rib nak aj pa̱banel ut aꞌan aj yumbe̱t ut aj coꞌbe̱t malaj aj rahol ru biomal. Ma̱re nalokꞌonin jalanil dios, malaj aj hobonel. Ma̱re aj calajenak malaj aj e̱lkꞌ. Incꞌaꞌ texcua̱nk saꞌ xya̱nkeb aꞌan chi moco texcuaꞌak rochbeneb.

1 Corintios 6:18

Me̱ba̱nu chic li ma̱usilal. Chixjunil li cꞌaꞌak re ru chi ma̱quil kꞌaxal yibru. Abanan li coꞌbe̱tac yumbe̱tac kꞌaxal cuiꞌchic yibru xban nak li ani nama̱cob chi toj ma̱jiꞌ sumsu, li jun aꞌan naxmux rib xjunes rib.

2 Corintios 12:21

Nincꞌoxla nak tincuulak e̱riqꞌuin, te̱cꞌut inxuta̱n chiru li Dios xban li cꞌaꞌru yo̱quex chixba̱nunquil. Ma̱re tinya̱bak chirixeb li queꞌxba̱nu li incꞌaꞌ us ut toj ma̱jiꞌ nequeꞌxyotꞌ xchꞌo̱l ut toj ma̱jiꞌ xeꞌxjal xcꞌaꞌux riqꞌuin li ma̱usilal li queꞌxba̱nu joꞌ li muxuc caxa̱r, li coꞌbe̱tac yumbe̱tac ut li cꞌaꞌak chic ru chi ma̱usilal.

Gálatas 6:7

Me̱balakꞌi e̱rib. Li Dios incꞌaꞌ naru xbalakꞌinquil. Li cꞌaꞌru narau li junju̱nk, aꞌan ajcuiꞌ li tixkꞌol.

Colosenses 3:5

Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios.

1 Juan 3:7

Ex herma̱n, ma̱ ani chibalakꞌi̱nk e̱re. Li ani naba̱nun re li ti̱quilal, aꞌan ti̱c xchꞌo̱l joꞌ li Cristo ti̱c xchꞌo̱l.