1 Corintios 6:8 - Li Santil hu

⁸ Abanan la̱ex incꞌaꞌ nequecuy. La̱ex ban chic li nequex-elkꞌac ut nequeba̱nu li ma̱usilal reheb le̱ rech aj pa̱banelil.

Q'eqchi Bible

⁸ Laa'ex b'an chik nekexrahob'tesink ut nekex'elq'ak, ut a'an reheb' leeras eeriitz'in nekeb'aanu.

1 Corintios 6:8 ပူးပေါင်းရင်းမြစ်များ

1 Ts 4:6

Ma̱ ani tixmux rib riqꞌuin xmakꞌbal rixakil junak cui̱nk ut ma̱ ani tixmux rib riqꞌuin xmakꞌbal xbe̱lom junak ixk. Incꞌaꞌ teꞌxba̱nu chi joꞌcan xban nak li Ka̱cuaꞌ Jesucristo ta̱rakok a̱tin saꞌ xbe̱n chixjunileb li nequeꞌba̱nun re li naꞌleb aꞌan, joꞌ ac yebil e̱re kaban.

Colosenses 3:25

Li ani tixba̱nu li incꞌaꞌ us tixcꞌul xtojbal xma̱c aꞌ yal cꞌaꞌru lix ma̱c xban nak li Dios incꞌaꞌ naxsicꞌ ru ani tixqꞌue chixtojbal xma̱c.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

San Marcos 10:19

La̱at nacanau cꞌaꞌru naxye li chakꞌrab: Matmuxuc caxa̱r. Ma̱camsi a̱cuas a̱cui̱tzꞌin. Mat-elkꞌac. Matyoꞌoban a̱tin chirix a̱cuas a̱cui̱tzꞌin. Matbalakꞌic. Cha-oxlokꞌi la̱ naꞌ a̱yucuaꞌ.—

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Miqueas 2:2

Nequeꞌxrahi ru li chꞌochꞌ jalan aj e toj retal nequeꞌxmakꞌ chiruheb. Ut nequeꞌxmakꞌ li rochocheb ut nequeꞌxcꞌam chokꞌ reheb. Nequeꞌxrahobtesi laj e̱chal re joꞌqueb ajcuiꞌ li ralal xcꞌajol ut nequeꞌxcꞌam chixjunil li cꞌaꞌru cuan reheb.

Levítico 19:13

Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

San Mateo 20:13

Ut quichakꞌoc li patrón ut quixye re jun reheb li queꞌoc xbe̱n cua: —At cuami̱g, la̱in xatintoj chi tzꞌakal. ¿Ma incꞌaꞌ ta biꞌ xasume cꞌanjelac chi jun denario li cutan?