1 Corintios 6:7 - Li Santil hu

⁷ Nak nequecꞌam le̱ rech aj pa̱banelil saꞌ rakleb a̱tin nacꞌutun nak toj ma̱jiꞌ nequetau xya̱lal. Kꞌaxal us raj nak te̱cuy li rahobtesi̱c ut li elkꞌa̱c ut incꞌaꞌ texxic riqꞌuin aj rakol a̱tin.

Q'eqchi Bible

⁷ Wi nekech'a'ajki eerib' cherib'il eerib', naraj naxye naq toj maji' neketaw xyaalal. Ma ink'a' raj us naq xekuy li rahilal? K'a'ut naq ink'a' xekuy li elq'aak?

1 Corintios 6:7 ပူးပေါင်းရင်းမြစ်များ

Proverbios 20:22

Ma̱ jun sut te̱cꞌoxla xqꞌuebal re̱kaj li raylal na-ux e̱re. Canabomak ban saꞌ rukꞌ li Ka̱cuaꞌ ut aꞌan ta̱tenkꞌa̱nk e̱re.

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.

San Lucas 6:29

Cui ani ta̱sacꞌok xnakꞌ a̱cuu, qꞌue li jun pacꞌal re, re tixsacꞌ. Cui ani ta̱raj xmakꞌbal la̱ chaque̱t, qꞌue ajcuiꞌ la̱ cami̱s re.

Oseas 10:2

Eb aꞌan aj caꞌ pacꞌal uheb xban nak nequeꞌxcꞌanjela ru li yi̱banbil dios ut nequeꞌraj ajcuiꞌ cꞌanjelac chiru li Ka̱cuaꞌ. Joꞌcan nak anakcuan li Ka̱cuaꞌ tixqꞌueheb chixtojbal rix lix ma̱queb. Tixpuqꞌui lix artaleb ut tixsacheb ru lix dioseb.

Proverbios 2:5

Cui te̱tau li naꞌleb aꞌin, te̱nau chic xxucuanquil ru li Ka̱cuaꞌ. Ut te̱nau chic chanru xnaꞌleb li Dios.

San Lucas 19:8

Nak yo̱queb chi cuaꞌac, laj Zaqueo quixakli chiru li Jesús ut quixye re: —Ka̱cuaꞌ, chalen anakcuan jalan chic tinba̱nu. Yijach lin jun cablal tinsi reheb li nebaꞌ. Ut cui cuan anihak xcuelkꞌa cꞌaꞌru re, ca̱hib cua chic xqꞌuial li re̱kaj tinqꞌue, chan.