1 Corintios 6:2 - Li Santil hu

² ¿Ma incꞌaꞌ nequenau nak saꞌ jun cutan la̱o aj pa̱banel torakok a̱tin saꞌ xbe̱neb chixjunileb li cuanqueb saꞌ ruchichꞌochꞌ? Ut cui la̱o torakok a̱tin saꞌ xbe̱neb li cuanqueb saꞌ ruchichꞌochꞌ, ¿cꞌaꞌut nak incꞌaꞌ ta̱ru̱k takayi̱b ru li kachꞌaꞌajquilal saꞌ xya̱lal chi kibil kib?

Q'eqchi Bible

² Ma ink'a' nekenaw naq eb' laj paab'anel te'raqoq aatin sa' xb'een li ruuchich'och'? Ut wi laa'ex texraqoq aatin sa' xb'een li ruuchich'och', ma ink'a' tab'i' eek'ulub' raqok aatin sa' xb'een li kok' na'leb'?

1 Corintios 6:2 ပူးပေါင်းရင်းမြစ်များ

San Mateo 19:28

Ut li Jesús quixye reheb: —Relic chi ya̱l tinye e̱re nak la̱in li Cꞌajolbej tincꞌojla̱k saꞌ lin lokꞌlaj cꞌojariba̱l saꞌ li acꞌ ruchichꞌochꞌ, la̱ex li xexta̱ken cue, texcꞌojla̱k ajcuiꞌ saꞌ li cablaju chi cꞌojariba̱l re texrakok a̱tin saꞌ xbe̱neb li cablaju xte̱paleb laj Israel.

San Lucas 22:30

La̱ex texcuaꞌak ut tex-ucꞌak saꞌ lin me̱x nak cua̱nkin saꞌ lin cuanquil. Ut la̱ex texcꞌojla̱k saꞌ le̱ cꞌojariba̱l ut texrakok a̱tin saꞌ xbe̱neb li cablaju xte̱paleb laj Israel, chan li Jesús.

Daniel 7:22

Ut quicuil ajcuiꞌ nak quichal li Ti̱xil Cui̱nk li cuan chi junelic ut Aꞌan quirakoc a̱tin saꞌ xbe̱neb chixjunileb ut quixcoleb li ralal xcꞌajol. Quicuulac xkꞌehil nak queꞌqꞌueheꞌ xcuanquileb xban li Dios.

Apocalipsis 20:4

Ut quicuileb li cꞌojariba̱l li queꞌcꞌojla cuiꞌ li queꞌqꞌueheꞌ xcuanquil chi rakoc a̱tin. Queꞌcuil li queꞌcamsi̱c xban nak queꞌxchꞌolob resil li Jesús ut xban nak queꞌxchꞌolob ra̱tin li Dios. Incꞌaꞌ queꞌxlokꞌoni li joskꞌ aj xul chi moco lix jalam u̱ch. Ut incꞌaꞌ quiqꞌueheꞌ retalil li xul saꞌ xpe̱quemeb chi moco chi rukꞌeb. Queꞌcuacli cuiꞌchic chi yoꞌyo ut queꞌcuan xcuanquil rochbeneb li Cristo chiru jun mil (1,000) chihab.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

Daniel 7:18

Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

2 Corintios 4:18

Incꞌaꞌ nakaqꞌue kachꞌo̱l chirix li cuan arin saꞌ ruchichꞌochꞌ, li na-ilman ru. Nakaqꞌue ban kachꞌo̱l chirix li cuan aran saꞌ choxa, li incꞌaꞌ na-ilman ru. Li cꞌaꞌru na-ilman ru nalaj na-osoꞌ. Abanan li incꞌaꞌ na-ilman ru cuan chi junelic.

1 Corintios 6:4

Cui cuan li ple̱t saꞌ e̱ya̱nk, ¿cꞌaꞌut nak nequeqꞌue chi rakoc a̱tin saꞌ e̱be̱n li ma̱cuaꞌeb aj pa̱banel?

Salmos 49:14

Li ca̱mc aꞌan tenebanbil saꞌ xbe̱neb chixjunileb. Chanchaneb li carner re camsi̱c. Ut lix tibeleb ta̱kꞌa̱k saꞌ li mukleba̱l. Ut li mukleba̱l aꞌanak chic li rochocheb. Ut saꞌ jun cutan li ti̱queb xchꞌo̱l, aꞌan eb chic li teꞌqꞌuehekꞌ xlokꞌal.

1 Ts 3:13

Aꞌ taxak li Dios li kaYucuaꞌ chiqꞌuehok xcacuil e̱chꞌo̱l. Tzꞌakalak taxak re ru le̱ pa̱ba̱l. Ma̱cꞌaꞌak taxak e̱ma̱c chiru li Dios nak ta̱cha̱lk li Jesucristo rochbeneb li ac colbileb.

Zacarías 14:5

La̱ex tex-e̱lelik ut texxic saꞌ li ru takꞌa li cuan saꞌ xya̱nk li tzu̱l xban nak li ru takꞌa aꞌan kꞌaxal nimak ut ta̱cuulak toj saꞌ li tenamit Azal. La̱ex tex-e̱lelik joꞌ nak queꞌe̱lelic le̱ xeꞌto̱nil yucuaꞌ nak quixqꞌue li hi̱c najter nak toj cua̱nk laj Uzías chokꞌ rey aran Judá. Ut nak ta̱cha̱lk li Ka̱cuaꞌ li kaDios, rochbenak chak chixjunileb lix ángel.

Romanos 6:16

Ac nequenau nak cui te̱qꞌue e̱rib chi cꞌanjelac chiru junak patrón, aꞌan chic ta̱takla̱nk e̱re. Joꞌcan ajcuiꞌ cui te̱qꞌue li ma̱c chokꞌ e̱patrón ut te̱qꞌue e̱rib chokꞌ aj cꞌanjel chiru, texca̱mk. Aban cui te̱qꞌue e̱rib chi takla̱c xban li Dios, ta̱ti̱cobresi̱k le̱ chꞌo̱l.

1 Corintios 1:20

Chiru li Dios ma̱cꞌaꞌ nequeꞌoc cuiꞌ li cuanqueb xnaꞌleb xjuneseb. Ma̱cꞌaꞌ nequeꞌoc cuiꞌ laj tzolonel. Ut ma̱cꞌaꞌ nequeꞌoc cuiꞌ li nequeꞌxnau a̱tinac chirix lix naꞌleb li ruchichꞌochꞌ. Lix naꞌleb li ruchichꞌochꞌ to̱ntil naꞌleb ut ma̱cꞌaꞌ na-oc cuiꞌ chiru li Dios.

1 Corintios 1:21

Li Dios naxnau chixjunil. Ac cuan saꞌ xchꞌo̱l li Dios nak li cuanqueb saꞌ ruchichꞌochꞌ ma̱ jaruj teꞌxtau ru xnaꞌleb li Dios yal xjuneseb rib. Joꞌcan nak quiraj xcolbaleb li teꞌpa̱ba̱nk re li resil li colba-ib usta cuan li nequeꞌyehoc re nak to̱ntil naꞌleb li yo̱co chixjulticanquil che̱ru chirix li Cristo.