1 Corintios 5:7 - Li Santil hu

⁷ Canabomak chi junaj cua li najteril naꞌleb re nak ma̱cꞌaꞌak chic li ma̱c e̱riqꞌuin. Chanchanakex chic lix kꞌemal li caxlan cua ma̱cꞌaꞌ xchꞌamal xban nak li Jesucristo quirisi le̱ ma̱c. Eb laj judío queꞌxmayeja li carner re xjulticanquil li pascua ut joꞌcan ajcuiꞌ li Jesucristo aꞌan lix carner li Dios li quixmayeja rib re risinquil li kama̱c.

Q'eqchi Bible

⁷ Isihomaq sa' eeyanq li najter ch'amal q'em re naq laa'exaq ak'il q'em, xb'aan naq laa'ex li wa maak'a' xch'amal. Li Kriist, a' li qakarneer re li Paswa, kimayejaak.

1 Corintios 5:7 ပူးပေါင်းရင်းမြစ်များ

Efesios 4:22

Joꞌcan nak chetzꞌekta̱na chi junaj cua le̱ najter naꞌleb. Me̱qꞌue chic e̱rib chi balakꞌi̱c xban li ma̱usilal li quixrahi ru le̱ chꞌo̱l junxil.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Apocalipsis 5:12

Queꞌxye chi cau xya̱b xcux: Li Jun li chanchan carner li quicamsi̱c, aꞌan xcꞌulub nak ta̱qꞌuehekꞌ xlokꞌal xban nak numtajenak xcuanquil, xbiomal, xnaꞌleb, ut xcacuilal. Ut xcꞌulub nak ta̱qꞌuehekꞌ xlokꞌal, ta̱nima̱k ru ut ta̱lokꞌoni̱k.

Éxodo 12:15

Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

1 Corintios 10:17

Usta nabalo, jun ajcuiꞌ li caxlan cua najachiman ut nakacuotzi. Aꞌan retalil nak la̱o junajo chic riqꞌuin li Cristo.

San Juan 19:14

Cuaꞌleb na re cutan nak quicꞌulman aꞌin. Li tenamit yo̱queb chixcauresinquil li ninkꞌe Pascua, li ta̱ticla̱k saꞌ li cutan jun chic. Laj Pilato quixye reheb: —Cueꞌ le̱ rey, chan.

San Marcos 14:12

Saꞌ li xbe̱n cutan re li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal, nequeꞌxmayeja jun li carner. Li ninkꞌe aꞌan re xjulticanquil li reliqueb laj Israel saꞌ li tenamit Egipto. Eb lix tzolom queꞌxye re li Jesús: —¿Bar ta̱cuaj takacauresi chak li naꞌajej re ta̱tzaca cuiꞌ li mayejanbil xul? chanqueb.

San Juan 1:36

Nak quiril li Jesús yo̱ chi numecꞌ nachꞌ cuanqueb cuiꞌ, laj Juan quixye: —Cueꞌ chak li Cristo, li chanchan carner qꞌuebil chak xban li Dios, chan.

1 Corintios 5:13

Abanan la̱o torakok a̱tin saꞌ xbe̱neb li kech aj pa̱banelil li yo̱queb chi ma̱cobc saꞌ kaya̱nk. Joꞌcan nak tento te̱risi saꞌ e̱ya̱nk li cui̱nk aꞌan li yo̱ chi ma̱cobc.

San Mateo 13:33

Jun chic li jaljo̱quil ru a̱tin quixye: —Jun li ixk quixqꞌue caꞌchꞌin lix chꞌamal caxlan cua saꞌ xya̱nk li oxib bisoc li cꞌaj ut quisi̱poꞌ li kꞌem xban, ut nabal chic li caxlan cua qui-el. Lix nimajcual cuanquilal li Dios chanchan ajcuiꞌ aꞌan. Nak nequeꞌrabi resil, nabal nequeꞌpa̱ban re.—

Romanos 3:25

Li Dios quixtakla chak li Ka̱cuaꞌ Jesucristo chi ca̱mc re xcuybal xma̱queb li teꞌpa̱ba̱nk re. Riqꞌuin li quixba̱nu quicꞌutun lix ti̱quilal xchꞌo̱l li Dios. Xban lix nimal xcuyum, incꞌaꞌ quixqꞌue saꞌ xchꞌo̱l lix ma̱queb li tenamit li queꞌma̱cob chak junxil.