1 Corintios 5:6 - Li Santil hu

⁶ Me̱nimobresi e̱rib riqꞌuin xcꞌoxlanquil nak us yo̱quex chixba̱nunquil. La̱ex nequexinjuntakꞌe̱ta riqꞌuin xkꞌemal li caxlan cua. La̱ex nequenau nak usta caꞌchꞌin ajcuiꞌ lix chꞌamal naqꞌueman, naxchꞌamobresi chixjunil li kꞌem. Naraj naxye nak incꞌaꞌ naru nacuan li ma̱c saꞌ xya̱nkeb laj pa̱banel re nak incꞌaꞌ teꞌxcꞌam xbeheb li jun chꞌol chic chi ma̱cobc.

Q'eqchi Bible

⁶ Maak'a' xyaalal li xnimob'resinkil eerib'! Ma ink'a' nekenaw naq kach'inaq xyu li q'em naxsipob'resi chixjunil?

1 Corintios 5:6 ပူးပေါင်းရင်းမြစ်များ

Santiago 4:16

Aꞌut la̱ex nequenimobresi e̱rib chixyebal li cꞌaꞌru nequecꞌoxla xba̱nunquil. Incꞌaꞌ us nequeba̱nu nak nequenimobresi e̱rib.

Gálatas 5:9

Usta yal caꞌchꞌin li levadura li nachꞌamobresin naqꞌueman, aꞌan naxchꞌamobresi chixjunil li kꞌem.

1 Corintios 15:33

Me̱qꞌue e̱rib chi balakꞌi̱c xbaneb li nequeꞌa̱tinac chi joꞌcan. Me̱junaji e̱rib riqꞌuineb li incꞌaꞌ useb xnaꞌleb xban nak li incꞌaꞌ useb xnaꞌleb nequeꞌxpoꞌ xchꞌo̱leb li cha̱bileb xnaꞌleb.

1 Corintios 5:2

La̱ex nequekꞌetkꞌeti e̱rib ut toj cuan li ma̱c saꞌ e̱ya̱nk. Narahoꞌ raj e̱chꞌo̱l ut nayotꞌeꞌ raj e̱chꞌo̱l xban xyibal ru li ma̱c li yo̱ xba̱nunquil saꞌ e̱ya̱nk. Li ani xma̱cob chi joꞌcan xerisi raj saꞌ e̱ya̱nk.

San Mateo 13:33

Jun chic li jaljo̱quil ru a̱tin quixye: —Jun li ixk quixqꞌue caꞌchꞌin lix chꞌamal caxlan cua saꞌ xya̱nk li oxib bisoc li cꞌaj ut quisi̱poꞌ li kꞌem xban, ut nabal chic li caxlan cua qui-el. Lix nimajcual cuanquilal li Dios chanchan ajcuiꞌ aꞌan. Nak nequeꞌrabi resil, nabal nequeꞌpa̱ban re.—

2 Timoteo 2:17

Naniman ru li tijleb li nequeꞌxcꞌut. Chanchan nak naniman ru junak yajel joꞌ li cáncer xcꞌabaꞌ. Joꞌcan queꞌxba̱nu laj Himeneo ut laj Fileto.

1 Corintios 3:21

Joꞌcan nak ma̱ ani tixnimobresi ru junak cui̱nk riqꞌuin li cꞌaꞌru naxba̱nu xban nak chixjunil li cꞌaꞌak re ru qꞌuebil e̱re xban li Dios re nak ta̱cꞌanjelak che̱ru.

San Lucas 13:21

Lix nimajcual cuanquilal li Dios, aꞌan chanchan li na-oc chokꞌ xchꞌamal li caxlan cua. Li ixk quixqꞌue caꞌchꞌin saꞌ oxib bisoc li cꞌaj ut quisipoꞌ chixjunil li kꞌem xban.—

Oseas 7:4

Ut chixjunileb nequeꞌyumbe̱tac nequeꞌcoꞌbe̱tac. Chanchaneb jun li horno li quiqꞌueheꞌ xxam chi saꞌ, abanan incꞌaꞌ quiqꞌueheꞌ xxamlel chi us toj nak ac xyokꞌi̱c ut ac xsi̱poꞌ lix kꞌemal li caxlan cua.

Romanos 6:16

Ac nequenau nak cui te̱qꞌue e̱rib chi cꞌanjelac chiru junak patrón, aꞌan chic ta̱takla̱nk e̱re. Joꞌcan ajcuiꞌ cui te̱qꞌue li ma̱c chokꞌ e̱patrón ut te̱qꞌue e̱rib chokꞌ aj cꞌanjel chiru, texca̱mk. Aban cui te̱qꞌue e̱rib chi takla̱c xban li Dios, ta̱ti̱cobresi̱k le̱ chꞌo̱l.