1 Corintios 5:13 - Li Santil hu

¹³ Abanan la̱o torakok a̱tin saꞌ xbe̱neb li kech aj pa̱banelil li yo̱queb chi ma̱cobc saꞌ kaya̱nk. Joꞌcan nak tento te̱risi saꞌ e̱ya̱nk li cui̱nk aꞌan li yo̱ chi ma̱cobc.

1 Corintios 5:13 ပူးပေါင်းရင်းမြစ်များ

Deuteronomio 17:7

Li ani teꞌyehok re nak cuan xma̱c, aꞌaneb li xbe̱n li teꞌcutuk re chi pec. Chirix aꞌan, eb li jun chꞌol chic teꞌxcut chi pec. Chi joꞌcaꞌin te̱risi saꞌ e̱ya̱nk li naꞌleb li incꞌaꞌ us.

Deuteronomio 13:5

Te̱qꞌue chi camsi̱c li profeta aj balakꞌ malaj ut li naxchꞌolob xya̱lal li matcꞌ cui teꞌxye e̱re nak te̱kꞌetkꞌeti e̱rib chiru li Ka̱cuaꞌ le̱ Dios li qui-isin chak e̱re Egipto li quexcuan cuiꞌ chokꞌ rahobtesinbil mo̱s. Incꞌaꞌ cha̱bil aꞌan xban nak quixye e̱re nak te̱tzꞌekta̱na li Ka̱cuaꞌ ut te̱canab xba̱nunquil li chakꞌrab li quixqꞌue e̱re. Tento nak te̱risi li ma̱usilal saꞌ e̱ya̱nk.

Deuteronomio 21:21

Ut chixjunileb li cui̱nk li cuanqueb saꞌ li tenamit aꞌan teꞌxcuti chi pec toj retal ta̱ca̱mk. Chi joꞌcaꞌin te̱risi li ma̱usilal saꞌ e̱ya̱nk. Ut chixjunileb laj Israel teꞌrabi resil ut teꞌxucuak xban.

San Mateo 18:17

Ut cui incꞌaꞌ naraj ta̱rabiheb aꞌan, ta̱ye re li iglesia re nak li herma̱n teꞌxchꞌolob xya̱lal chiru. Ut cui incꞌaꞌ ajcuiꞌ naraj abi̱nc chiruheb aꞌan, aꞌan chic ta̱cua̱nk che̱ru joꞌ chanchan li ma̱cuaꞌak aj pa̱banel ut chanchanak laj titzꞌol toj li incꞌaꞌ us nequeꞌxba̱nu.

Deuteronomio 22:24

aꞌaneb tento nak teꞌcꞌamekꞌ chi xcabichaleb chiruheb laj rakol a̱tin saꞌ li oqueba̱l re li tenamit ut teꞌcutekꞌ chi pec toj retal teꞌcamsi̱k. Ta̱camsi̱k li ixk xban nak incꞌaꞌ quixjap re saꞌ li tenamit chixcolbal rib. Ut li cui̱nk ta̱camsi̱k xban nak quixmux ru li rixakil li ras ri̱tzꞌin. Chi joꞌcaꞌin te̱risi li ma̱usilal saꞌ e̱ya̱nk.

Deuteronomio 17:12

Cui cuan junak naxkꞌetkꞌeti rib chiruheb laj tij ut laj rakol a̱tin ut incꞌaꞌ tixba̱nu li teꞌxye eb aꞌan li yo̱queb chi cꞌanjelac chiru li Ka̱cuaꞌ le̱ Dios, tento nak ta̱teneba̱k ca̱mc saꞌ xbe̱n aꞌan. Tento nak te̱risi li ma̱usilal saꞌ e̱ya̱nk la̱ex aj Israel.

1 Corintios 5:5

Isihomak li cui̱nk aꞌan saꞌ e̱ya̱nk. Nak cua̱nk chic saꞌ rukꞌ laj tza tixcꞌul li raylal ut riqꞌuin li raylal tixcꞌul, tixcanab taxak xba̱nunquil li ma̱usilal re nak naru ta̱colekꞌ nak tol-e̱lk cuiꞌchic li Jesucristo.

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

1 Corintios 5:7

Canabomak chi junaj cua li najteril naꞌleb re nak ma̱cꞌaꞌak chic li ma̱c e̱riqꞌuin. Chanchanakex chic lix kꞌemal li caxlan cua ma̱cꞌaꞌ xchꞌamal xban nak li Jesucristo quirisi le̱ ma̱c. Eb laj judío queꞌxmayeja li carner re xjulticanquil li pascua ut joꞌcan ajcuiꞌ li Jesucristo aꞌan lix carner li Dios li quixmayeja rib re risinquil li kama̱c.

1 Corintios 5:1

Yalak bar x-abiman resil nak cuan li joꞌ ma̱joꞌil naꞌleb saꞌ e̱ya̱nk xban nak jun li cui̱nk quixmakꞌ rixakil lix yucuaꞌ. Cꞌajoꞌ xyibal ru li yo̱queb chixba̱nunquil saꞌ e̱ya̱nk. Eb li ma̱cuaꞌeb aj pa̱banel incꞌaꞌ nequeꞌxba̱nu chi joꞌcan. ¿Ma tojaꞌ ta chic la̱ex texba̱nu̱nk re chi joꞌcan?

Romanos 2:16

Xakabanbil li Jesucristo xban li Dios re ta̱rakok a̱tin saꞌ xbe̱neb chixjunileb nak ta̱cuulak xkꞌehil. Li Cristo naxnau chanru lix chꞌo̱l li junju̱nk usta mukmu chiku la̱o. Joꞌcan naxye resilal li colba-ib li ninjultica la̱in.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Hechos 17:31

Li Dios ac xxakab jun li cutan re ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ. Ut quixxakab li ani ta̱rakok a̱tin saꞌ ti̱quilal. Quixcꞌut chiku nak tzꞌakal ya̱l xban nak quixcuaclesi cuiꞌchic chi yoꞌyo saꞌ xya̱nkeb li camenak, chan laj Pablo.

Eclesiastés 9:18

Kꞌaxal us nak cua̱nk kanaꞌleb chiru nak cua̱nk kacꞌanjeleba̱l re pletic. Li ani incꞌaꞌ us xnaꞌleb naxpoꞌ ru li us.

Salmos 50:6

Ut li cuanqueb saꞌ choxa teꞌxchꞌolob xya̱lal nak ti̱c xchꞌo̱l li Dios ut aꞌan li narakoc a̱tin saꞌ ti̱quilal.

Jueces 20:13

Kꞌaxtesihomakeb saꞌ kukꞌ eb li cui̱nk aj Gabaa, li xeꞌxba̱nu li ma̱usilal. Takacamsiheb re nak ta̱e̱lk li ma̱usilal saꞌ li katenamit Israel, chanqueb. Abanan eb li ralal xcꞌajol laj Benjamín incꞌaꞌ queꞌraj rabinquil li cꞌaꞌru queꞌxye li rech aj Israelil.

1 Corintios 5:2

La̱ex nequekꞌetkꞌeti e̱rib ut toj cuan li ma̱c saꞌ e̱ya̱nk. Narahoꞌ raj e̱chꞌo̱l ut nayotꞌeꞌ raj e̱chꞌo̱l xban xyibal ru li ma̱c li yo̱ xba̱nunquil saꞌ e̱ya̱nk. Li ani xma̱cob chi joꞌcan xerisi raj saꞌ e̱ya̱nk.