1 Corintios 5:10 - Li Santil hu

¹⁰ Nak xinye e̱re chi joꞌcan moco yo̱quin ta chi a̱tinac chirixeb laj coꞌbe̱t ut laj yumbe̱t li toj ma̱jiꞌ nequeꞌpa̱ban. Yo̱quin ban chi a̱tinac chirixeb li nequeꞌxye rib nak aj pa̱baneleb ut toj nequeꞌxra ru biomal ut nequeꞌelkꞌac ut toj nequeꞌlokꞌonin jalanil dios. Cui ta xinye e̱re nak incꞌaꞌ texcua̱nk saꞌ xya̱nkeb li toj ma̱jiꞌ nequeꞌpa̱ban, incꞌaꞌ raj naru texcua̱nk saꞌ ruchichꞌochꞌ.

Q'eqchi Bible

¹⁰ Ab'anan ink'a' xinye: Tik ink'a' texwanq sa' xyanqeb' laj ko'b'eet ut eb' laj yumb'eet li wankatqeb' sa' li ruuchich'och' a'in malaj rik'ineb' laj rahinel ru b'ihomal, rik'ineb' laj elq', laj loq'oninel li yal k'oxlanb'il yos. Wi ta jo'kan, tento raj tex'elq sa' ruuchich'och'!

1 Corintios 5:10 ပူးပေါင်းရင်းမြစ်များ

1 Corintios 10:27

Cui junak ma̱cuaꞌ aj pa̱banel tatxbok chi cuaꞌac riqꞌuin ut cui naxcꞌul a̱chꞌo̱l xic riqꞌuin, li cꞌaꞌru tixqꞌue chatzaca, chacꞌul. Abanan incꞌaꞌ ta̱patzꞌ ma mayejanbil li tzacae̱mk aꞌan re nak ma̱cꞌaꞌak a̱cꞌaꞌux nak ta̱tzaca.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

1 Juan 5:19

Ut nakanau nak la̱o ralal xcꞌajol li Dios. Abanan li jun chꞌol chic li ma̱jiꞌ nequeꞌpa̱ban re li Dios, eb aꞌan cuanqueb rubel xcuanquil laj tza.

1 Juan 4:5

Li naꞌleb li cuan riqꞌuineb laj balakꞌ, aꞌan yal re ruchichꞌochꞌ ut junes chirix aꞌan nequeꞌa̱tinac. Ut eb li incꞌaꞌ nequeꞌxnau xya̱lal nequeꞌrabi li incꞌaꞌ ya̱l li nequeꞌxye ut nequeꞌxpa̱b.

Filipenses 2:15

Cheba̱nuhak chixjunil saꞌ xya̱lal re nak chicꞌutu̱nk nak chi anchal e̱chꞌo̱l nequexpa̱ban ut re nak ma̱ ani ta̱a̱tinak che̱rix. La̱ex ralal xcꞌajol li Dios ut ma̱cꞌaꞌak e̱ma̱c usta cuanquex saꞌ xya̱nkeb laj ma̱c, li incꞌaꞌ useb xnaꞌleb. Ut xban nak ti̱c e̱chꞌo̱l, nak yo̱kex chixyebal resil li colba-ib chiruheb, chiruheb chanchanakex li chahim li nalemtzꞌun chiru kꞌojyi̱n.

Efesios 2:2

Xeba̱nu chak li ma̱usilal saꞌ ruchichꞌochꞌ ut xeqꞌue e̱rib chi takla̱c xban laj tza li nataklan saꞌ xbe̱neb li ma̱us aj musikꞌej. Aꞌan li nataklan saꞌ xbe̱neb li nequeꞌkꞌetoc ra̱tin li Dios.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

1 Corintios 1:20

Chiru li Dios ma̱cꞌaꞌ nequeꞌoc cuiꞌ li cuanqueb xnaꞌleb xjuneseb. Ma̱cꞌaꞌ nequeꞌoc cuiꞌ laj tzolonel. Ut ma̱cꞌaꞌ nequeꞌoc cuiꞌ li nequeꞌxnau a̱tinac chirix lix naꞌleb li ruchichꞌochꞌ. Lix naꞌleb li ruchichꞌochꞌ to̱ntil naꞌleb ut ma̱cꞌaꞌ na-oc cuiꞌ chiru li Dios.

San Juan 8:23

Li Jesús quixye reheb: —La̱ex aj ruchichꞌochꞌ. Abanan la̱in ma̱cuaꞌin aj ruchichꞌochꞌ. La̱in saꞌ choxa xinchal chak.

1 Juan 4:7

Ex inherma̱n, chikara kib chi kibil kib xban nak li rahoc riqꞌuin li Dios nachal. Li ani narahoc, aꞌan ralal li Dios ut naxba̱nu li naraj li Dios.

San Juan 17:9

La̱in incꞌaꞌ yo̱quin chixtzꞌa̱manquil a̱cue nak ta̱tenkꞌaheb li incꞌaꞌ xineꞌxpa̱b. Yo̱quin ban chixtzꞌa̱manquil cha̱cuu nak ta̱tenkꞌaheb lin tzolom li xakꞌaxtesiheb cue xban nak aꞌaneb la̱ cualal a̱cꞌajol.

San Juan 17:6

Eb li xasiqꞌueb ru saꞌ ruchichꞌochꞌ xakꞌaxtesiheb cue. La̱in xincꞌut chiruheb chi tzꞌakal anihat la̱at ut xinchꞌolob lix ya̱lal chiruheb. Ut eb aꞌan xeꞌxba̱nu li cꞌaꞌru xaye reheb.

San Juan 15:19

Cui ta la̱ex incꞌaꞌ xine̱pa̱b la̱in, raro̱kex raj xbaneb li incꞌaꞌ nequeꞌpa̱ban. Abanan la̱ex ma̱cuaꞌex chic jun saꞌ xya̱nkeb xban nak la̱in xinsicꞌoc e̱ru. Joꞌcan nak xicꞌ nequex-ileꞌ xbaneb.

San Lucas 18:11

Laj fariseo quixxakab rib ut quitijoc chi cau xya̱b xcux ut quixye: “At inDios, la̱in ninbantioxi cha̱cuu nak ma̱cuaꞌin joꞌqueb li jun chꞌol chic. Aꞌan eb aj e̱lkꞌeb, aj ba̱nuhom ma̱usilal, ut aj muxuleb caxa̱r. La̱in ma̱cuaꞌin joꞌ laj titzꞌol toj aꞌan.

1 Corintios 5:9

Saꞌ li hu li quintzꞌi̱ba e̱riqꞌuin junxil, la̱in xinye e̱re nak incꞌaꞌ te̱junaji e̱rib riqꞌuineb laj coꞌbe̱t ut laj yumbe̱t.

1 Corintios 5:11

Li cꞌaꞌru xinye, aꞌan chirixeb li nequeꞌxye rib nak aj pa̱baneleb ut yo̱queb chixba̱nunquil li moco uxc ta naraj. Ma̱re naxye rib nak aj pa̱banel ut aꞌan aj yumbe̱t ut aj coꞌbe̱t malaj aj rahol ru biomal. Ma̱re nalokꞌonin jalanil dios, malaj aj hobonel. Ma̱re aj calajenak malaj aj e̱lkꞌ. Incꞌaꞌ texcua̱nk saꞌ xya̱nkeb aꞌan chi moco texcuaꞌak rochbeneb.