1 Corintios 4:6 - Li Santil hu

⁶ Ex herma̱n, chixjunil li xinye chirix laj Apolos ut chicuix re e̱tenkꞌanquil nak xinye. Nacuaj nak te̱tau ru li cꞌaꞌru xinye. Chetzol e̱rib kiqꞌuin re nak te̱ba̱nu joꞌ tzꞌi̱banbil saꞌ li Santil Hu. Incꞌaꞌ naru te̱nimobresi e̱rib xban nak nequeta̱ke li jun ut nequetzꞌekta̱na li jun chic.

Q'eqchi Bible

⁶ Ex was wiitz'in, chixjunil li xinye, chirix laj Apolo ut chiwix re eetenq'ankil naq xinye, re naq teetzol eerib' qik'in chirix xyaalal li aatin a'in: “Meeq'ax ru li ak tz'iib'anb'il”. Maa'ani chixnimob'resi rib' chirix junaq ut tixtz'eqtaana li jun chik,

1 Corintios 4:6 ပူးပေါင်းရင်းမြစ်များ

2 Corintios 11:4

Nincꞌoxlac che̱rix xban nak cuan li nequeꞌcuulac saꞌ e̱ya̱nk ut nequeqꞌue e̱chꞌo̱l chirabinquil li cꞌaꞌru nequeꞌxye, usta jalan nequeꞌxcꞌut che̱ru chirix li Jesucristo. Ut nequepa̱b li cꞌaꞌru nequeꞌxye usta jalan nequeꞌxye chirix li Santil Musikꞌej. Ut naxcꞌul e̱chꞌo̱l nak jalan nequeꞌxcꞌut che̱ru chirix li colba-ib li ac xepa̱b xbe̱n cua.

2 Corintios 12:19

Ma̱re yal re xcolbal cuib che̱ru nak nequecꞌoxla. Abanan moco joꞌcan ta. Li Dios naxnau chi tzꞌakal nak saꞌ xcꞌabaꞌ li Cristo nina̱tinac. Ex inherma̱n, chixjunil li ninba̱nu, aꞌan re e̱tenkꞌanquil re nak texqꞌui̱k saꞌ le̱ pa̱ba̱l.

2 Corintios 12:6

La̱in naru raj tinnimobresi cuib xban nak ya̱l li cꞌaꞌru quicuabi chak, abanan incꞌaꞌ ninba̱nu re nak ma̱ ani tixcꞌoxla nak kꞌaxal nim incuanquil. Caꞌaj cuiꞌ li nacuaj, aꞌan nak la̱ex te̱qꞌue retal lin yehom inba̱nuhom.

Colosenses 2:18

Cuan li nequeꞌxye nak cha̱bileb ut chanchan nak nequeꞌxcubsi ribeb. Abanan moco ya̱l ta. Lix naꞌlebeb moco qꞌuebil ta xban li Dios. Li cꞌaꞌru nequeꞌxba̱nu, aꞌan yal cꞌoxlanbil. Nequeꞌxlokꞌoni li ángel ut nequeꞌxye cui incꞌaꞌ te̱ba̱nu joꞌ nequeꞌxba̱nu eb aꞌan, incꞌaꞌ te̱cꞌul li yechiꞌinbil e̱re xban li Dios. Abanan me̱pa̱b li cꞌaꞌru nequeꞌxye xban nak moco ya̱l ta.

1 Ts 1:5

Nakanau aꞌan xban nak ma̱cuaꞌ caꞌaj cuiꞌ riqꞌuin a̱tin quicuulac li resil li evangelio e̱riqꞌuin. Riqꞌuin aj ban cuiꞌ lix cuanquil li Santil Musikꞌej ut xenau nak tzꞌakal ya̱l li xkachꞌolob che̱ru. Ac xeqꞌue retal chanru li kanaꞌleb nak xocuan saꞌ e̱ya̱nk che̱tenkꞌanquil.

Romanos 12:3

Xban ruxta̱n li Dios nak qꞌuebil cue lin cꞌanjel. Joꞌcan nak ninchꞌolob xya̱lal che̱ru re nak incꞌaꞌ te̱nimobresi e̱rib. Cheqꞌuehak ban xcuanquil le̱ cꞌanjel qꞌuebil e̱re xban li Dios saꞌ xcꞌabaꞌ le̱ pa̱ba̱l.

2 Corintios 10:7

La̱ex nequeqꞌue retal caꞌaj cuiꞌ li cꞌaꞌru na-ilman ru ut incꞌaꞌ nequexcꞌoxlac chirix li cꞌaꞌru cuan saꞌ li ra̱meb li junju̱nk. ¿Ma cuan junak saꞌ e̱ya̱nk naxye nak aꞌan aj cꞌanjel chiru li Cristo? Cui cuan, us ajcuiꞌ. Abanan tento nak tixqꞌue retal nak joꞌcan ajcuiꞌ la̱o aj cꞌanjelo chiru li Cristo.

2 Corintios 4:15

Chixjunil li raylal nakacꞌul, aꞌan re e̱ra̱bal la̱ex re nak te̱cꞌul li rusilal li Dios. Cui nabaleb teꞌcꞌuluk re li rusilal li Dios, nabaleb ajcuiꞌ teꞌbantioxi̱nk chiru li Dios ut teꞌxqꞌue xlokꞌal.

1 Corintios 8:1

Cuan cuib oxib cua̱tin tinye e̱re chirix li tzacae̱mk mayejanbil chiruheb li yi̱banbil dios. Nakanau nak chikajunilo ac xkatzol kib chirix aꞌin. Abanan toj cuan saꞌ e̱ya̱nk nequeꞌxcꞌoxla nak nequeꞌxnau chixjunil ut riqꞌuin aꞌan nequeꞌxkꞌetkꞌeti rib. Aban li ani narahoc, aꞌan naxtenkꞌa li rech aj pa̱banelil chi qꞌui̱c saꞌ lix pa̱ba̱l.

1 Corintios 5:6

Me̱nimobresi e̱rib riqꞌuin xcꞌoxlanquil nak us yo̱quex chixba̱nunquil. La̱ex nequexinjuntakꞌe̱ta riqꞌuin xkꞌemal li caxlan cua. La̱ex nequenau nak usta caꞌchꞌin ajcuiꞌ lix chꞌamal naqꞌueman, naxchꞌamobresi chixjunil li kꞌem. Naraj naxye nak incꞌaꞌ naru nacuan li ma̱c saꞌ xya̱nkeb laj pa̱banel re nak incꞌaꞌ teꞌxcꞌam xbeheb li jun chꞌol chic chi ma̱cobc.

1 Corintios 3:19

Lix naꞌleb li ruchichꞌochꞌ, aꞌan to̱ntil naꞌleb chiru li Dios. Joꞌcaꞌin tzꞌi̱banbil saꞌ li Santil Hu: Li Dios naxcanabeb chixsachbaleb rib xban lix se̱baleb xchꞌo̱l li ani nequeꞌrecꞌa nak cuanqueb xnaꞌleb xjuneseb rib. (Job 5:13)

2 Timoteo 2:10

Joꞌcan nak nincuy xnumsinquil chixjunil li raylal li nincꞌul saꞌ xcꞌabaꞌeb li sicꞌbileb ru xban li Dios re nak eb aꞌan naru teꞌxtau li lokꞌlaj colba-ib li naxqꞌue li Jesucristo ut teꞌxtau ajcuiꞌ lix lokꞌal chi junelic.

2 Corintios 10:15

Incꞌaꞌ ninnimobresi cuib riqꞌuin li cꞌanjel li nequeꞌxba̱nu li jun chꞌol chic. La̱in nacuaj raj nak texqꞌui̱k saꞌ le̱ pa̱ba̱l re nak tine̱tenkꞌa chixyebal resil li colba-ib yalak bar. Abanan incꞌaꞌ tinxic bar moco qꞌuebil ta cue re tinxic.

2 Corintios 10:12

Incꞌaꞌ nakaj xba̱nunquil joꞌ nequeꞌxba̱nu li nequeꞌxnimobresi rib riqꞌuin li cꞌaꞌru nequeꞌxba̱nu. Ma̱cꞌaꞌ xnaꞌlebeb. Nequeꞌxnimobresi rib riqꞌuin lix naꞌlebeb xjuneseb rib.

1 Corintios 13:4

Li ani narahoc, naxcuy li raylal ut kꞌaxal cha̱bil. Li ani narahoc incꞌaꞌ nacakalin, incꞌaꞌ naxnimobresi rib ut incꞌaꞌ naxkꞌetkꞌeti rib.

1 Corintios 9:23

Chixjunil aꞌin nalajinba̱nu re nak naru tinchꞌolob xya̱lal li colba-ib chiruheb li cuas cui̱tzꞌin ut re nak tintzꞌako̱nk ajcuiꞌ la̱in riqꞌuin li naxyechiꞌi li Dios.

1 Corintios 5:2

La̱ex nequekꞌetkꞌeti e̱rib ut toj cuan li ma̱c saꞌ e̱ya̱nk. Narahoꞌ raj e̱chꞌo̱l ut nayotꞌeꞌ raj e̱chꞌo̱l xban xyibal ru li ma̱c li yo̱ xba̱nunquil saꞌ e̱ya̱nk. Li ani xma̱cob chi joꞌcan xerisi raj saꞌ e̱ya̱nk.

1 Corintios 3:21

Joꞌcan nak ma̱ ani tixnimobresi ru junak cui̱nk riqꞌuin li cꞌaꞌru naxba̱nu xban nak chixjunil li cꞌaꞌak re ru qꞌuebil e̱re xban li Dios re nak ta̱cꞌanjelak che̱ru.

1 Corintios 1:31

Joꞌcan nak caꞌaj cuiꞌ li Ka̱cuaꞌ takanimobresi. Joꞌcaꞌin tzꞌi̱banbil retalil saꞌ li Santil Hu: Mikanimobresi kib. Chikanimobresihak ban xcuanquil li Ka̱cuaꞌ.

1 Corintios 1:19

Joꞌcaꞌin tzꞌi̱banbil retalil saꞌ li Santil Hu: Tinsacheb xcuanquil li cuanqueb xnaꞌleb xjuneseb rib. Tintzꞌekta̱na xcꞌaꞌuxeb li nequeꞌrecꞌa rib nak cuanqueb xnaꞌleb. (Isa. 29:14)

1 Corintios 1:12

¿Cꞌaꞌut nak jalan jala̱nk nequecꞌoxla che̱ju̱nkal? Cuan nequeꞌxye: La̱o xtzolom laj Pablo. Ut cuan nequeꞌxye: La̱o xtzolom laj Apolos. Ut cuan ajcuiꞌ li nequeꞌxye: La̱o xtzolom laj Pedro ut cuan cuiꞌchic nequeꞌxye: La̱o xtzolom li Cristo.

Isaías 2:22

Me̱cꞌojob e̱chꞌo̱l saꞌ xbe̱neb li cristian xban nak eb aꞌan ma̱cꞌaꞌ nequeꞌoc cuiꞌ. Moco najt ta nequeꞌcuan. ¿Cꞌaꞌru aj e nak te̱qꞌueheb xlokꞌal?

Salmos 146:3

Me̱cꞌojob e̱chꞌo̱l riqꞌuineb li nequeꞌtaklan chi moco riqꞌuineb li yal cui̱nk xban nak eb aꞌan incꞌaꞌ ta̱ru̱k texcol la̱ex.

Salmos 8:4

la̱in nincꞌoxla ut ninye, ¿cꞌaꞌut nak nacacꞌoxlaheb li cui̱nk? Ma̱cꞌaꞌ xcuanquileb. ¿Cꞌaꞌut nak nacaqꞌue a̱chꞌo̱l chirixeb? Eb aꞌan ma̱cꞌaꞌ xcuanquileb.

Hechos 18:24

Quicuulac Éfeso jun li cui̱nk aj judío, aj Apolos xcꞌabaꞌ. Alejandría xtenamit. Kꞌaxal naxnau a̱tinac chi cha̱bil ut naxnau chi us li tzꞌi̱banbil saꞌ li Santil Hu.

Hechos 19:1

Nak laj Apolos cuan Corinto laj Pablo quinumeꞌ saꞌ eb li naꞌajej toj quicuulac Éfeso. Ut aran quixtauheb jun chꞌu̱taleb laj pa̱banel.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.