1 Corintios 4:4 - Li Santil hu

⁴ La̱in nacuecꞌa nak ma̱cꞌaꞌ inma̱c. Abanan moco xban ta aꞌan nak tinye nak ti̱c inchꞌo̱l. Aꞌ li ta̱rakok a̱tin saꞌ inbe̱n aꞌan li Ka̱cuaꞌ, ut aꞌan ta̱yehok re ma us xinba̱nu malaj incꞌaꞌ.

Q'eqchi Bible

⁴ Laa'in naweek'a naq maak'a' inmaak, ab'anan moko naraj ta naxye naq tiik linch'ool. Laj raqol aatin sa' inb'een a'an li Qaawa'.

1 Corintios 4:4 ပူးပေါင်းရင်းမြစ်များ

Salmos 143:2

Incꞌaꞌ taxak tatrakok a̱tin saꞌ inbe̱n la̱in aj cꞌanjel cha̱cuu xban nak ma̱ ani ta̱ru̱k tixye nak ma̱cꞌaꞌ xma̱c cha̱cuu.

Salmos 130:3

At Ka̱cuaꞌ, cui ta la̱at nacaqꞌue saꞌ a̱chꞌo̱l li ma̱c li nakaba̱nu, ma̱ ani raj ta̱ru̱k ta̱colekꞌ chiru li tojba ma̱c.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Proverbios 21:2

Eb li cristian nequeꞌxcꞌoxla nak us chixjunil li nequeꞌxba̱nu. Abanan li Ka̱cuaꞌ naxnau ma us malaj ut incꞌaꞌ us li cuan saꞌ lix cꞌaꞌuxeb.

Salmos 19:12

Cuan nak nocoma̱cob chi incꞌaꞌ nakaqꞌue retal. Joꞌcan nak nintzꞌa̱ma cha̱cuu nak ta̱cuy li ma̱c li ninba̱nu chi incꞌaꞌ ninqꞌue retal.

2 Corintios 5:10

Nakanau nak chikajunilo toxkacꞌut kib chiru li Cristo re nak aꞌan ta̱rakok a̱tin saꞌ kabe̱n. Ut li junju̱nk tixcꞌul lix kꞌajca̱munquil aꞌ yal chanru lix yehom xba̱nuhom nak xcuan saꞌ ruchichꞌochꞌ, ma us malaj incꞌaꞌ us quixba̱nu.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Romanos 2:13

Chiru li Dios incꞌaꞌ ti̱c xchꞌo̱l junak yal riqꞌuin xnaubal li chakꞌrab. Aban li nequeꞌba̱nun re li naxye li chakꞌrab ti̱queb xchꞌo̱l chiru li Dios.

Li xHu LAJ JOB 40:4

—At Ka̱cuaꞌ, xban xma̱cꞌaꞌil innaꞌleb xina̱tinac. Incꞌaꞌ naru tatinsume anakcuan. Ma̱cꞌaꞌ chic cua̱tin re tatinsume cuiꞌ.

Li xHu LAJ JOB 27:6

La̱in incꞌaꞌ tincanab xyebal nak ti̱c inchꞌo̱l xban nak ma̱cꞌaꞌ junak ma̱usilal xinba̱nu chak ta̱xuta̱nobresi̱nk ta cue.

Li xHu LAJ JOB 25:4

¿Chanru nak tixti̱cobresi xchꞌo̱l junak cui̱nk chiru aꞌan nak nequecꞌoxla la̱ex? Ut, ¿chanru nak tzꞌakalak re ru lix yuꞌam li cui̱nk li nayoꞌla saꞌ ruchichꞌochꞌ?

Hechos 23:1

Laj Pablo quixcaꞌyaheb li nequeꞌtaklan saꞌ xbe̱neb laj judío ut quixye reheb: —Ex cuech tenamitil, la̱in cꞌojcꞌo inchꞌo̱l riqꞌuin li xinba̱nu chiru li Dios chalen toj saꞌ li cutan anakcuan, chan.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

Li xHu LAJ JOB 15:14

Ma̱ jun cristian tzꞌakal ta re ru lix yuꞌam ut ma̱cꞌaꞌ ta xma̱c.

Li xHu LAJ JOB 9:20

Cui la̱in tinye nak cha̱bilin ut ti̱c inchꞌo̱l, aꞌ ajcuiꞌ li cꞌaꞌru tinye, aꞌan ta̱yehok re nak cuan inma̱c ut incꞌaꞌ us innaꞌleb.

Romanos 4:2

Cui ta riqꞌuin xyehom xba̱nuhom quiti̱cobresi̱c xchꞌo̱l laj Abraham, cuan raj cꞌaꞌru quixnimobresi cuiꞌ rib. Abanan ma̱cuaꞌ raj chiru li Dios.

Salmos 50:6

Ut li cuanqueb saꞌ choxa teꞌxchꞌolob xya̱lal nak ti̱c xchꞌo̱l li Dios ut aꞌan li narakoc a̱tin saꞌ ti̱quilal.

Salmos 26:12

La̱in cau inchꞌo̱l a̱cuiqꞌuin ut ninnau nak ma̱cꞌaꞌ tincꞌul. Bar nequeꞌxchꞌutub cuiꞌ ribeb la̱ cualal a̱cꞌajol, aran tinqꞌue a̱lokꞌal.

Proverbios 29:26

Nabaleb li teꞌraj ta̱uxk usilal reheb xban li acuabej. Abanan caꞌaj cuiꞌ li Ka̱cuaꞌ narakoc a̱tin saꞌ ti̱quilal.

1 Corintios 4:3

La̱in ma̱cꞌaꞌ nacuaj re cui yo̱quex chixsicꞌbal a̱tin chicuix ut ma̱cꞌaꞌ nacuaj re cui junak aj rakol a̱tin ta̱tzꞌilok a̱tin chicuix. Chi moco la̱in naru tincuechꞌ rix lin cꞌanjel.