1 Corintios 4:14 - Li Santil hu

¹⁴ Ma̱cuaꞌ re xcꞌutbal e̱xuta̱n nak yo̱quin chixyebal e̱re chi joꞌcaꞌin. Re ban xqꞌuebal e̱naꞌleb xban nak chanchanex li cualal incꞌajol chicuu ut raro̱quex inban.

Q'eqchi Bible

¹⁴ Ink'a' nintz'iib'a chixjunil a'in yal re xk'utb'al eexutaan, re b'an xk'eeb'al eena'leb' jo'kex inraarookil alal.

1 Corintios 4:14 ပူးပေါင်းရင်းမြစ်များ

1 Ts 2:11

Joꞌ naxba̱nu junak li yucuaꞌbej riqꞌuineb li ralal xcꞌajol, joꞌcan ajcuiꞌ xkaba̱nu la̱o e̱riqꞌuin nak xkaqꞌue e̱naꞌleb che̱junju̱nkalex.

3 Juan 1:4

Aꞌan aꞌin li kꞌaxal nasahoꞌ cuiꞌ inchꞌo̱l nak nacuabi resil nak eb li kaherma̱n cuanqueb saꞌ xya̱lal. Eb aꞌan chanchaneb li cualal incꞌajol xban nak queꞌpa̱ban chicuu.

1 Corintios 9:15

Abanan la̱in incꞌaꞌ xintzꞌa̱ma e̱re nak tine̱tenkꞌa, chi moco yo̱quin ta chixyebal aꞌin re nak tine̱tenkꞌa. Incꞌaꞌ nacuaj tintojekꞌ xban nak nasahoꞌ saꞌ inchꞌo̱l nak ninye resil li colba-ib chi ma̱cꞌaꞌ intojbal. Us raj nak tinca̱mk xban tzꞌoca̱c chiru nak tine̱toj ut tinsach li sahil chꞌo̱lejil li nincꞌul xban xyebal resil li colba-ib chi ma̱cꞌaꞌ intojbal.

1 Corintios 4:15

Usta cuan laje̱bak mil li nequeꞌchꞌoloban xya̱lal li Cristo che̱ru, abanan la̱in li xinyehoc e̱re resil li colba-ib junxil nak xexpa̱ban. Joꞌcan nak la̱in le̱ yucuaꞌ saꞌ xcꞌabaꞌ li Jesucristo.

1 Ts 5:14

Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

Colosenses 1:28

Aꞌ li Cristo, aꞌan li nakachꞌolob xya̱lal. Nakaqꞌue xnaꞌlebeb chixjunil ut nakacꞌut xya̱lal chiruheb chi anchal li kachꞌo̱l ut chi anchal li kacꞌaꞌux re nak tzꞌakalak ru lix pa̱ba̱leb saꞌ xcꞌabaꞌ li Jesucristo.

2 Corintios 12:19

Ma̱re yal re xcolbal cuib che̱ru nak nequecꞌoxla. Abanan moco joꞌcan ta. Li Dios naxnau chi tzꞌakal nak saꞌ xcꞌabaꞌ li Cristo nina̱tinac. Ex inherma̱n, chixjunil li ninba̱nu, aꞌan re e̱tenkꞌanquil re nak texqꞌui̱k saꞌ le̱ pa̱ba̱l.

2 Corintios 11:11

¿Cꞌaꞌru xya̱lal aꞌin? ¿Ma naraj ta biꞌ naxye nak incꞌaꞌ nequexinra? Li Dios naxnau nak nequexinra.

2 Corintios 7:3

Incꞌaꞌ xinye aꞌin re e̱kꞌusbal. Ac xinye e̱re nak junelic nequexinra. Junelic cua̱nkex saꞌ inchꞌo̱l nak yoꞌyo̱kin ut chalen toj saꞌ lin camic.

1 Corintios 15:34

Checꞌoxla chi us li yo̱quex chixba̱nunquil ut mexma̱cob chic. Cuanqueb saꞌ e̱ya̱nk li toj ma̱jiꞌ nequeꞌxpa̱b li Dios. Re xcꞌutbal e̱xuta̱n nak ninye e̱re chi joꞌcaꞌin.

1 Corintios 6:5

Nequecꞌut e̱xuta̱n nak nequeqꞌue chi rakoc a̱tin saꞌ e̱be̱n li ma̱cuaꞌeb aj pa̱banel. ¿Ma ma̱cꞌaꞌ ta biꞌ junak saꞌ e̱ya̱nk cuan xnaꞌleb re ta̱rakok a̱tin saꞌ e̱be̱n la̱ex aj pa̱banel?

Hechos 20:31

Yoꞌon cua̱nkex ut chijulticokꞌ e̱re nak chiru oxib chihab, chi kꞌek chi cutan yo̱quin chi ya̱bac ut incꞌaꞌ xinhilan chixchꞌolobanquil e̱naꞌleb che̱junju̱nkal.

Ezequiel 3:21

Abanan cui la̱at ta̱qꞌue xnaꞌleb li ti̱c xchꞌo̱l ut ta̱ye re nak incꞌaꞌ ta̱ma̱cobk, aꞌan incꞌaꞌ ta̱ma̱cobk ut ta̱cua̱nk xyuꞌam xban nak qꞌuebil xnaꞌleb. La̱at ma̱cꞌaꞌ ma̱c saꞌ a̱be̱n, chan li Dios.

1 Corintios 4:17

Aꞌan aj e nak xintakla e̱riqꞌuin laj Timoteo. Aꞌan tixjultica e̱re nak li cꞌaꞌru yo̱quin chixchꞌolobanquil chirix li Cristo, aꞌan ajcuiꞌ li yo̱quin chixba̱nunquil. Ninchꞌolob chi tzꞌakal lix ya̱lal yalak bar chiruheb chixjunileb laj pa̱banel. Laj Timoteo chanchan li cualal ut raro inban. Tzꞌakal re ru lix pa̱ba̱l saꞌ xcꞌabaꞌ li Jesucristo.

2 Ts 3:14

Cui ut cuan junak saꞌ e̱ya̱nk incꞌaꞌ naraj xpa̱banquil li a̱tin aꞌin li xkatzꞌi̱ba e̱re saꞌ li hu aꞌin, cheqꞌuehak retal aꞌan. Ut me̱rochbeni e̱rib riqꞌuin re nak ta̱xuta̱na̱k.

Filemón 1:10

Li usilal nintzꞌa̱ma cha̱cuu, aꞌan chirix laj Onésimo. Chanchan li cualal chicuu nak cuan xban nak chicuu quixpa̱b li Jesucristo nak cuanquin chi pre̱xil.

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.