1 Corintios 4:12 - Li Santil hu

¹² Cau nocotrabajic re xnumsinquil li cutan junju̱nk. Nak nequeꞌxba̱nu ma̱usilal ke, la̱o nakaba̱nu usilal reheb. Ra nequeꞌxba̱nu ke li xicꞌ nequeꞌiloc ke ut nakacuy xnumsinquil li raylal li nequeꞌxba̱nu ke.

Q'eqchi Bible

¹² Naqatawasi qib' chi k'anjelak rik'in quq'. Nokoohe'xhob', ut naqusilaheb'. Nokoohe'xsik' re qarahob'tesinkil, ut naqakuy.

1 Corintios 4:12 ပူးပေါင်းရင်းမြစ်များ

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

San Mateo 5:11

Us xak e̱re nak texhobekꞌ ut texrahobtesi̱k saꞌ incꞌabaꞌ ut ta̱yehekꞌ e̱re cꞌaꞌak re ru chi ma̱usilal chi yal ticꞌtiꞌ.

Romanos 12:14

Chetzꞌa̱ma rusilal li Dios saꞌ xbe̱neb li xicꞌ nequeꞌiloc e̱re. Me̱tzꞌa̱ma raylal saꞌ xbe̱neb.

Romanos 12:20

Joꞌcan nak cui li xicꞌ na-iloc e̱re ta̱tzꞌoca̱k, cheqꞌue chi cuaꞌac. Cui ta̱chakik re, qꞌuehomak chi ucꞌac. Cheba̱nuhak usilal reheb ut riqꞌuin aꞌan teꞌxqꞌue retal nak xuta̱nal li yo̱queb chixba̱nunquil.

Hechos 18:3

Ut quicana rochbeneb chi cꞌanjelac xban nak juntakꞌe̱t li cꞌanjel nequeꞌxba̱nu. Nequeꞌyi̱ban tꞌicr re muheba̱l.

San Lucas 6:28

Chetzꞌa̱ma̱k rusilal li Dios saꞌ xbe̱neb li nequeꞌma̱usilan e̱re. Ut chextijok ajcuiꞌ chirixeb li nequeꞌhoboc e̱re.

1 Pedro 3:14

Abanan cui cuan junak ta̱rahobtesi̱nk e̱re xban nak yo̱quex chixba̱nunquil li usilal, osobtesinbilex xban li Dios. Me̱xucuaheb ru li teꞌrahobtesi̱nk e̱re ut mi-oc e̱cꞌaꞌux xbaneb.

1 Pedro 2:23

Nak quihobeꞌ li Cristo, incꞌaꞌ quixsume ru. Ut nak yo̱ chixcꞌulbal li raylal, ma̱cꞌaꞌ quixye. Incꞌaꞌ quixmajecuaheb. Quixkꞌaxtesi ban rib saꞌ rukꞌ li Dios, li narakoc a̱tin saꞌ ti̱quilal.

San Lucas 23:34

Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re.

San Mateo 5:44

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

Hechos 7:60

Quixcuikꞌib rib, quixjap re chi cau ut quixye: —At Ka̱cuaꞌ, ma̱qꞌue li ma̱c aꞌin saꞌ xbe̱neb.— Ut nak quixye aꞌan, quicam.

San Juan 15:20

Chijulticokꞌ e̱re nak xinye e̱re nak ma̱ jun aj cꞌanjel naxkꞌax ru xcuanquil lix patrón. Cui xineꞌxrahobtesi la̱in, texrahobtesi̱k ajcuiꞌ la̱ex. Cui ta xeꞌxba̱nu li cꞌaꞌru xinye la̱in, teꞌxba̱nu aj raj cuiꞌ li cꞌaꞌru te̱ye la̱ex.

San Judas 1:9

Ut li ángel Miguel, li kꞌaxal nim xlokꞌal, incꞌaꞌ quixqꞌue rib chokꞌ aj rakol a̱tin saꞌ xbe̱n laj tza. Nak li ángel queꞌxcuechꞌi rib riqꞌuin laj tza chirix lix tzꞌejcual laj Moisés, li ángel incꞌaꞌ quixhob chi moco quiraj xrakbal a̱tin saꞌ xbe̱n. Quixye ban re: Li Ka̱cuaꞌ Dios chikꞌusuk a̱cue, chan.

1 Timoteo 4:10

Xban nak li yoꞌyo̱quil Dios, aꞌan li kayoꞌon, joꞌcan nak yo̱co xyalbal kakꞌe chi cꞌanjelac chiru. Aꞌan naxyechiꞌi li colba-ib reheb chixjunileb. Abanan, caꞌaj cuiꞌ li ani teꞌpa̱ba̱nk re, aꞌaneb li teꞌcolekꞌ.

2 Ts 3:8

Incꞌaꞌ xocuaꞌac yal chi ma̱tan. Incꞌaꞌ xkacꞌul katenkꞌanquil nak xocuan saꞌ e̱ya̱nk. Xkatacuasi ban kib chi cꞌanjelac chi kꞌek chi cutan re nak ta̱cua̱nk cꞌaꞌru ke re xnumsinquil li cutan junju̱nk ut ma̱ ani xkachꞌiꞌchꞌiꞌi saꞌ e̱ya̱nk.

1 Ts 2:9

La̱ex herma̱n, ac nequenau chanru nak xocꞌanjelac chi kꞌek chi cutan re nak incꞌaꞌ texkachꞌiꞌchꞌiꞌi riqꞌuin li cꞌaꞌru ke ut re nak xru xkaye e̱re resil li colba-ib li naxqꞌue li Dios.

1 Corintios 9:6

Malaj ut nequecꞌoxla nak caꞌaj cuiꞌ la̱in ut laj Bernabé cau totrabajik re nak takasicꞌ katzacae̱mk.

Hechos 20:34

Ut nequenau ajcuiꞌ nak la̱in xincꞌanjelac riqꞌuin cuukꞌ re xsicꞌbal li cꞌaꞌru cue joꞌ ajcuiꞌ li cꞌaꞌru reheb li cuanqueb cuochben.

1 Pedro 4:19

La̱ex li yo̱quex chi xcꞌulbal li raylal joꞌ naraj li Dios, cheqꞌuehak taxak e̱chꞌo̱l chixba̱nunquil li cha̱bilal. Chekꞌaxtesihak e̱rib saꞌ rukꞌ li Dios. Aꞌan li quiyoꞌobtesin ke ut ma̱ jokꞌe ta̱paltok chiku.

Romanos 8:35

¿Cꞌaꞌru ta̱ru̱k ta̱isi̱nk ke riqꞌuin li Cristo li narahoc ke? Ma̱cꞌaꞌ. Li ra xi̱cꞌ incꞌaꞌ naru torisi, chi moco li raylal, chi moco li chꞌaꞌajquilal, chi moco li xi̱cꞌ ilecꞌ, chi moco li cueꞌej, chi moco li cua̱nc saꞌ nebaꞌil, chi moco li camsi̱c. Ma̱cꞌaꞌ naru ta̱isi̱nk ke riqꞌuin li Cristo li narahoc ke.

2 Corintios 11:8

Cuan nak xincꞌul intenkꞌanquil re xnumsinquil li cutan riqꞌuin li kech aj pa̱banelil li cuanqueb saꞌ jalan tenamit. Joꞌcan nak xru xincꞌanjelac e̱riqꞌuin la̱ex. ¿Ma incꞌaꞌ ta biꞌ us li xinba̱nu?

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.