1 Corintios 4:11 - Li Santil hu

¹¹ Toj chalen anakcuan yo̱co chixcuybal kasaꞌ ut ta̱chakik ke. Ma̱cꞌaꞌ chic kakꞌ. Sacꞌbilo ut ma̱cꞌaꞌ kochoch.

Q'eqchi Bible

¹¹ Chalen toj anaqwan yooko chi xkuyb'al tz'okaak, chaqi'eel, t'usam; sak'b'ilo ut maak'a' qochoch.

1 Corintios 4:11 ပူးပေါင်းရင်းမြစ်များ

Romanos 8:35

¿Cꞌaꞌru ta̱ru̱k ta̱isi̱nk ke riqꞌuin li Cristo li narahoc ke? Ma̱cꞌaꞌ. Li ra xi̱cꞌ incꞌaꞌ naru torisi, chi moco li raylal, chi moco li chꞌaꞌajquilal, chi moco li xi̱cꞌ ilecꞌ, chi moco li cueꞌej, chi moco li cua̱nc saꞌ nebaꞌil, chi moco li camsi̱c. Ma̱cꞌaꞌ naru ta̱isi̱nk ke riqꞌuin li Cristo li narahoc ke.

Filipenses 4:12

Xincꞌay chi cuan chi ma̱cꞌaꞌ cꞌaꞌru cue ut xincꞌay ajcuiꞌ chi nabal cꞌaꞌru cue. Ac ninnau chanru li cua̱nc. Sa saꞌ inchꞌo̱l nak cuan incua ut sa ajcuiꞌ saꞌ inchꞌo̱l nak ma̱cꞌaꞌ incua. Cꞌaynakin chi cua̱nc chi sa saꞌ inchꞌo̱l usta cuan nabal cꞌaꞌru cue, usta ma̱cꞌaꞌ.

2 Timoteo 3:11

Ac xaqꞌue retal chanru nak xincuy xnumsinquil li ra xi̱cꞌ ut li raylal li xincꞌul xban xyebal resil li evangelio aran saꞌ eb li tenamit Antioquía, Iconio ut Listra. Chixjunil li raylal quilajincuy xnumsinquil ut li Ka̱cuaꞌ xcoloc cue chiruheb chixjunil li raylal aꞌan.

San Mateo 8:20

Ut li Jesús quichakꞌoc ut quixye re: —Cꞌoxla chi us ma ta̱cuy inta̱kenquil. Li yac cuanqueb xjul saꞌ pec, ut li xul li nequeꞌrupupic chiru choxa cuanqueb xsoc, abanan la̱in li Cꞌajolbej ma̱cꞌaꞌ innaꞌaj bar ta̱ru̱k tinyocob cuiꞌ cuib, chan.

2 Corintios 4:8

Qꞌuila pa̱y chi raylal nachal saꞌ kabe̱n, abanan nakacuy xnumsinquil. Cuan nak incꞌaꞌ nakatau ru li yo̱co chixcꞌulbal abanan incꞌaꞌ nachꞌinan kachꞌo̱l.

1 Corintios 9:4

¿Ma incꞌaꞌ ta biꞌ raj tento ajcuiꞌ nak tine̱tenkꞌa la̱in riqꞌuin lin tzacae̱mk?

Hechos 23:2

Laj Ananías li xyucuaꞌil aj tij quixye reheb li cuanqueb chixcꞌatk laj Pablo nak teꞌxsacꞌ saꞌ re.

Hechos 16:23

Nak ac xeꞌtacuasi̱c chi us, queꞌqꞌueheꞌ saꞌ tzꞌalam. Ut eb laj rakol a̱tin queꞌxye reheb laj ilol tzꞌalam nak teꞌril chi us laj Pablo ut laj Silas re nak incꞌaꞌ teꞌe̱lelik.

Hechos 14:19

Queꞌcuulac eb laj judío li queꞌchal Antioquía ut Iconio. Queꞌxtacchiꞌiheb nabaleb li tenamit. Queꞌxcuti chi pec laj Pablo ut queꞌrisi chire li tenamit. Saꞌ xchꞌo̱leb aꞌan nak camenak chic laj Pablo queꞌxcanab.

Li xHu LAJ JOB 22:6

La̱at nacapatzꞌ li prenda reheb la̱ cuas a̱cui̱tzꞌin li xaqꞌueheb xtoꞌ. Ut nacamakꞌ lix tꞌicreb chiruheb ut nacacanabeb chi ma̱cꞌaꞌ chic cuan reheb.

2 Corintios 11:20

Cui nequexrahobtesi̱c yal nequecuy. Cui namakꞌeꞌ li cꞌaꞌru e̱re che̱ru, ma̱cꞌaꞌ nequeye. Cui nequexbalakꞌi̱c, yal nequecanab chi joꞌcan. Ut cui nequeꞌxkꞌetkꞌeti rib che̱ru, aꞌan chic li nacuulac che̱ru. Ut cui nasaqꞌueꞌ saꞌ xnakꞌ e̱ru, yal nequecuy.