1 Corintios 3:9 - Li Santil hu

⁹ La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

Q'eqchi Bible

⁹ Laa'o nokook'anjelak qochb'een li Yos ut cho'q re A'an; ut laa'ex xk'aleb'aalex li Yos, xkab'lahomex li Yos.

1 Corintios 3:9 ပူးပေါင်းရင်းမြစ်များ

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

1 Corintios 3:16

¿Ma incꞌaꞌ ta biꞌ nequenau nak la̱ex rochochex li Dios? ¿Ma incꞌaꞌ ta biꞌ nequenau nak li Santil Musikꞌej cuan e̱riqꞌuin?

San Marcos 16:20

Ut eb lix tzolom queꞌco̱eb saꞌ chixjunil li naꞌajej chixchꞌolobanquil xya̱lal li colba-ib. Ut li Ka̱cuaꞌ yo̱ chi tenkꞌa̱nc reheb. Ut qꞌuebil xcuanquil li ra̱tineb xban li Dios riqꞌuin li milagro quilajeꞌxba̱nu chiruheb li tenamit. Joꞌcan taxak.

San Mateo 9:37

Tojoꞌnak quixye reheb lix tzolom, —Relic chi ya̱l nabaleb li incꞌaꞌ nequeꞌxnau lix ya̱lal. Abanan moco qꞌuiheb ta li teꞌxye lix ya̱lal reheb. Chanchaneb li ru li acui̱mk li ma̱cꞌaꞌ aj sicꞌol re.

Isaías 61:11

Joꞌ nak li Ka̱cuaꞌ naxqꞌue chi mokc ut chi qꞌui̱c li iyaj, joꞌcan ajcuiꞌ nak tixxakab xcuanquil li ti̱quilal ut li lokꞌoni̱c saꞌ chixjunil li ruchichꞌochꞌ.

1 Corintios 3:6

Chanchano aj acuinel nak nococꞌanjelac chiru li Dios. Chanchan a̱uc xinba̱nu nak xinye resil li colba-ib e̱re. Ut chanchan tꞌakresi̱nc quixba̱nu laj Apolos nak quixchꞌolob lix ya̱lal che̱ru. Abanan aꞌ li Dios quiqꞌuehoc lix mokic.

Colosenses 2:7

Chexpa̱ba̱nk chi anchal e̱chꞌo̱l ut chetzolak e̱rib riqꞌuin li Cristo. Cauhak e̱chꞌo̱l chixpa̱banquil li cꞌaꞌru tzolbilex cuiꞌ ut junelic chexbantioxi̱nk chiru li Dios.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

1 Corintios 6:19

¿Ma incꞌaꞌ nequenau nak la̱ex rochochex li Santil Musikꞌej xban nak li Santil Musikꞌej li quixqꞌue e̱re li Dios cuan e̱riqꞌuin? Joꞌcan nak moco la̱ex ta nequetakla e̱rib e̱junes. La̱ex rehex chic li Dios.

Hechos 4:11

Li Jesús aꞌan chanchan li cha̱bil pec tzꞌekta̱nanbil xbaneb laj cablanel. La̱ex xetzꞌekta̱na li Jesús. Chanchanex laj cablanel li queꞌtzꞌekta̱nan re li cha̱bil pec li quiqꞌueheꞌ chokꞌ xxuc li cab mokon.

3 Juan 1:8

Joꞌcan nak tento takatenkꞌaheb li cui̱nk aꞌin xban nak kech aj cꞌanjeleb chixchꞌolobanquil lix ya̱lal.

1 Timoteo 3:15

Abanan ma̱re tinba̱yk chi cuulac. Joꞌcan nak yo̱quin chi tzꞌi̱bac a̱cuiqꞌuin re nak ta̱nau chanru teꞌcꞌanjelak li teꞌxakaba̱k chi cꞌanjelac saꞌ xya̱nkeb li nequeꞌpa̱ban re li yoꞌyo̱quil Dios. Ut la̱o aj pa̱banel, la̱o li nakaqꞌue xcuanquil ut nakacol rix li katijbal li tzꞌakal ya̱l.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Jeremías 2:21

La̱in xinsicꞌ e̱ru ut xexinqꞌue chi cua̱nc saꞌ le̱ naꞌaj. Chanchan nak nasiqꞌueꞌ ru li cha̱bil iyaj ut na-aueꞌ. ¿Chanru nak xejal e̱naꞌleb? Chanchanex chic li acui̱mk li ma̱cꞌaꞌ na-oc cuiꞌ.

Salmos 118:22

Li pec li quitzꞌekta̱na̱c xbaneb laj cablanel, aꞌan li pec li kꞌaxal cha̱bil li quiqꞌueheꞌ chokꞌ xxuc li cab.

Salmos 72:16

Chie̱lk taxak chi nabal li trigo saꞌ li naꞌajej. Numtajenakak ta li acui̱mk saꞌ eb li tzu̱l. Incꞌaꞌ ta chic ta̱cꞌutu̱nk li chꞌochꞌ xban xqꞌuialil. Chiu̱chi̱nk ta chi nabal li acui̱mk joꞌ xqꞌuial li cheꞌ li cuan Líbano. Ut cheꞌqꞌuia̱nk ta li tenamit joꞌ xqꞌuial li pim saꞌ cꞌaleba̱l.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

Isaías 61:5

Eb li jalan xtenamit teꞌcꞌanjelak che̱ru. Aꞌaneb teꞌilok reheb le̱ queto̱mk. Teꞌxtrabaji le̱ chꞌochꞌ ut teꞌxcꞌacꞌale le̱ racui̱mk.

Isaías 32:20

abanan la̱ex sahak le̱ chꞌo̱l. Tex-a̱uk saꞌ li naꞌajej cuan cuiꞌ nabal li haꞌ. Ut eb le̱ bo̱yx ut le̱ bu̱r teꞌxic yalak bar chi ichajibc.

Proverbios 9:1

Li ixk li cuan xnaꞌleb quixyi̱b li rochoch ut quixyi̱b ajcuiꞌ cuukub li rokechal li nacu̱tun re.

San Mateo 15:13

Quichakꞌoc li Jesús ut quixye reheb: —Chixjunil li acui̱mk incꞌaꞌ aubil xban lin Yucuaꞌ cuan saꞌ choxa, aꞌan ta̱michꞌma̱nk.