1 Corintios 3:7 - Li Santil hu

⁷ Joꞌcan nak chi moco laj acuinel chi moco laj tꞌakresinel cuan xcuanquil. Caꞌaj cuiꞌ li Dios li naqꞌuehoc xmokic cuan xcuanquil.

Q'eqchi Bible

⁷ Jo'kan naq maak'a' xwankil laj awinel chi moko laj t'aqresinel; ka'ajwi' li Yos li nak'iiresink wank xwankil.

1 Corintios 3:7 ပူးပေါင်းရင်းမြစ်များ

San Juan 15:5

La̱in joꞌ li xto̱nal li uvas ut la̱ex joꞌ li rukꞌ. Cui cua̱nkex cuiqꞌuin ut la̱in cua̱nkin e̱riqꞌuin, la̱ex texcua̱nk saꞌ ti̱quilal ut texqꞌui̱k saꞌ le̱ pa̱ba̱l. Yal e̱junes ma̱cꞌaꞌ naru te̱ba̱nu.

Gálatas 6:3

Li ani naxcꞌoxla nak nim xcuanquil xjunes rib, li jun aꞌan yo̱ chixbalakꞌinquil rib xjunes.

2 Corintios 12:9

Abanan li Ka̱cuaꞌ quixye cue: “Incꞌaꞌ nacuisi la̱ raylal. Abanan tatintenkꞌa re nak ta̱cuy xnumsinquil. La̱in ninqꞌue lin cuanquil re li ani naxnau nak ma̱cꞌaꞌ xcuanquil xjunes,” chan cue. Joꞌcan nak nasahoꞌ saꞌ inchꞌo̱l riqꞌuin li raylal re nak lix cuanquil li Cristo cua̱nk cuiqꞌuin.

Salmos 115:1

At Ka̱cuaꞌ, la̱at taxak chiqꞌuehekꞌ a̱lokꞌal. Ma̱cuaꞌ taxak la̱o. La̱at taxak chiqꞌuehekꞌ a̱lokꞌal xban nak la̱at li nacatcꞌutuc lix ya̱lal chiku ut la̱at li nacat-uxta̱nan ku.

1 Corintios 13:2

Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Isaías 41:29

Qꞌuehomak retal. Ma̱cꞌaꞌ naru nequeꞌxba̱nu eb aꞌan. Ma̱cꞌaꞌ nequeꞌoc cuiꞌ. Ut eb li jalam u̱ch li nequeꞌxyi̱b ma̱cꞌaꞌ nequeꞌoc cuiꞌ. Chanchaneb li ikꞌ li naxic yalak bar, chan.

Isaías 40:17

Chiru li Ka̱cuaꞌ ma̱cꞌaꞌ nequeꞌoc cuiꞌ li xni̱nkal ru tenamit. Chi ti̱c ma̱cꞌaꞌ nequeꞌoc cuiꞌ.

Salmos 90:17

Aꞌ taxak li rusilal li Dios chicua̱nk kiqꞌuin. Aꞌ taxak li Dios chi-osobtesi̱nk ke re nak us toe̱lk riqꞌuin chixjunil li cꞌaꞌru takaba̱nu. Ya̱l. Aꞌan taxak chi-osobtesi̱nk ke re nak us toe̱lk riqꞌuin chixjunil li cꞌaꞌru takaba̱nu.

1 Corintios 3:6

Chanchano aj acuinel nak nococꞌanjelac chiru li Dios. Chanchan a̱uc xinba̱nu nak xinye resil li colba-ib e̱re. Ut chanchan tꞌakresi̱nc quixba̱nu laj Apolos nak quixchꞌolob lix ya̱lal che̱ru. Abanan aꞌ li Dios quiqꞌuehoc lix mokic.

1 Corintios 3:8

Laj acuinel ut laj tꞌakresinel juntakꞌe̱teb xcuanquil chiru li Dios ut chi xju̱nkaleb teꞌxcꞌul xkꞌajca̱munquil aꞌ ya̱l chanru lix cꞌanjeleb.

2 Corintios 12:11

Chanchan nak ma̱cꞌaꞌ innaꞌleb nak ninserakꞌi e̱re chixjunil li xincꞌul. Incꞌaꞌ raj xinye e̱re. Abanan e̱ban la̱ex nak xinba̱nu xban nak la̱ex incꞌaꞌ nequeqꞌue incuanquil chokꞌ apóstol. La̱ex raj li xexqꞌuehoc incuanquil. Moco cubenak ta incuanquil la̱in chiruheb li nequeꞌxqꞌue rib chokꞌ apóstol usta ma̱cꞌaꞌ incuanquil injunes.