1 Corintios 3:5 - Li Santil hu

⁵ ¿Ani ta biꞌ laj Apolos? Ut, ¿anihin ta biꞌ la̱in? La̱o yal aj cꞌanjelo chiru li Ka̱cuaꞌ. Xkachꞌolob xya̱lal che̱ru nak xepa̱b li Ka̱cuaꞌ. Ut chi kacabichalo nococꞌanjelac joꞌ taklanbilo cuiꞌ xban li Ka̱cuaꞌ.

Q'eqchi Bible

⁵ Ani laj Apolo? Ani laj Pablo? Yal aj k'anjeleb'. Sa' xk'ab'a'eb' a'an xex'ok chi paab'ank, ut li junjunq xb'aanu li xk'anjel a' yaal chanru xk'ehe'k re xb'aan li Qaawa'.

1 Corintios 3:5 ပူးပေါင်းရင်းမြစ်များ

2 Corintios 6:4

Chixjunil li nakaba̱nu, aꞌan nacꞌutuc re nak la̱o aj cꞌanjelo chiru li Dios. Nakacuy xnumsinquil chixjunil li raylal, li rahobtesi̱c ut li rahil chꞌo̱lejil li nakacꞌul.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

1 Pedro 4:10

Chikajunilo jalan jala̱nk li cꞌaꞌru ta̱ru̱k takaba̱nu. Ac kama̱tan kama̱tan qꞌuebil ke chikaju̱nkal xban li Dios. Tento nak takatenkꞌa li kas ki̱tzꞌin riqꞌuin li cꞌaꞌru nocoru chixba̱nunquil re nak incꞌaꞌ ta̱cana̱k chi ma̱cꞌaꞌ rajbal li ma̱tan qꞌuebil ke xban li Dios.

2 Corintios 3:6

Li Dios naxqꞌue kacuanquilal chixchꞌolobanquil lix ya̱lal li acꞌ contrato, li natauman cuiꞌ li acꞌ yuꞌam. Li acꞌ yuꞌam incꞌaꞌ natauman riqꞌuin xba̱nunquil li cꞌaꞌru tzꞌi̱banbil saꞌ li chakꞌrab xban nak li chakꞌrab naxteneb li ca̱mc saꞌ kabe̱n. Li acꞌ yuꞌam qꞌuebil ke xban li Santil Musikꞌej.

2 Corintios 11:23

Tinnimobresi caꞌchꞌinak cuib anakcuan ut tina̱tinak joꞌ nequeꞌxba̱nu li ma̱cꞌaꞌeb xnaꞌleb. Nequeꞌxye nak aj cꞌanjeleb chiru li Cristo. ¿Ma aꞌaneb ta biꞌ li kꞌaxal aj cꞌanjel chiru li Cristo chicuu la̱in? Incꞌaꞌ, xban nak la̱in tzꞌakalin x-apóstol li Jesucristo. Nabal li raylal nincꞌul saꞌ xcꞌabaꞌ li Cristo. Nintacuasi cuib chi cꞌanjelac. Nabal sut xinqꞌueheꞌ saꞌ tzꞌalam. Nabal sut xinsaqꞌueꞌ ut cuanqueb li nequeꞌraj incamsinquil.

2 Corintios 4:7

La̱o chanchano li chꞌochꞌ ucꞌal li naxocman cuiꞌ li terto xtzꞌak. La̱o yal tzꞌejcualo. Abanan li Dios naxcutanobresi li kacꞌaꞌux re nak ta̱cꞌutu̱nk nak lix nimajcual cuanquilal li Dios li cuan kiqꞌuin, moco ke ta. Re ban li Dios.

2 Corintios 4:5

Incꞌaꞌ yo̱co chixchꞌolobanquil che̱ru nak la̱o toe̱pa̱b. Yo̱co ban chixchꞌolobanquil xya̱lal nak li Jesucristo aꞌan li Ka̱cuaꞌ. Ut la̱o yal aj cꞌanjelo che̱ru saꞌ xcꞌabaꞌ li Jesucristo.

2 Corintios 3:3

Le̱ yuꞌam la̱ex chanchan jun li hu tzꞌi̱banbil xban li Cristo. Ut la̱o xkachꞌolob lix ya̱lal che̱ru. Li hu aꞌin moco tzꞌi̱banbil ta chiru pec chi moco tzꞌi̱banbil ta riqꞌuin tinta. Tzꞌi̱banbil ban saꞌ le̱ ra̱m xban lix Musikꞌ li yoꞌyo̱quil Dios.

1 Corintios 3:10

Xban nak sicꞌbil cuu xban li Dios chi cꞌanjelac chiru joꞌ jun aj tzꞌac cha̱bil, joꞌcan nak xinnau xjolominquil li cꞌanjel. Chanchan nak xinyi̱b xcimiento li cab nak xinye resil li colba-ib ut jalan chic teꞌcablak saꞌ xbe̱n nak teꞌxchꞌolob lix ya̱lal che̱ru. Ut li junju̱nk chixqꞌuehak retal nak tzꞌakal re ru lix cꞌanjel tixba̱nu.

1 Corintios 12:28

Li xchalal li tzꞌejcualej jalan jala̱nk xcꞌanjel li junju̱nk. Joꞌcan ajcuiꞌ nak jalan jala̱nk xma̱taneb laj pa̱banel qꞌuebileb re xban li Dios re nak teꞌcꞌanjelak chiru. Xbe̱n, cuanqueb li qꞌuebileb xma̱tan chi cꞌanjelac chokꞌ apóstol. Xcab, cuanqueb li qꞌuebileb xma̱tan chi cꞌanjelac chokꞌ profeta. Rox, cuanqueb li qꞌuebileb xma̱tan chi cꞌanjelac chokꞌ aj tzolonel. Ut cuanqueb li qꞌuebileb xma̱tan chixba̱nunquileb li milagro. Cuanqueb li qꞌuebileb xma̱tan chixqꞌuirtesinquileb li yaj; cuanqueb li qꞌuebileb xma̱tan chixtenkꞌanquileb li ras ri̱tzꞌin. Cuanqueb li qꞌuebileb xma̱tan chi takla̱nc; ut cuanqueb ajcuiꞌ qꞌuebileb xma̱tan chi a̱tinac saꞌ jalanil a̱tin incꞌaꞌ natauman ru.

1 Corintios 9:17

Cui ta yo̱quin chixba̱nunquil yal xban nak nacuaj la̱in, tinyoꞌoni raj intojbal. Abanan yo̱quin chixba̱nunquil lin cꞌanjel xban nak tenebanbil saꞌ inbe̱n xban li Dios xyebal resil li colba-ib.

1 Corintios 3:7

Joꞌcan nak chi moco laj acuinel chi moco laj tꞌakresinel cuan xcuanquil. Caꞌaj cuiꞌ li Dios li naqꞌuehoc xmokic cuan xcuanquil.

San Juan 3:27

Quichakꞌoc laj Juan ut quixye: —Junak cui̱nk ma̱cꞌaꞌ cꞌaꞌru tixba̱nu chi incꞌaꞌ ta qꞌuebil re xban li Dios.

San Lucas 1:2

Li queꞌcꞌutuc chak chiku, aꞌan eb li tzꞌakal queꞌiloc chak re riqꞌuin xnakꞌeb ru chanru quicꞌulman chalen nak quixtiquib chak lix cꞌanjel ut queꞌxchꞌolob lix ya̱lal.

San Mateo 25:15

Quixqꞌue o̱b mil pe̱s re li jun, cuib mil re li jun chic ut quixqꞌue jun mil re li jun chic. Quixqꞌue re li junju̱nk aꞌ yal chanru lix se̱bal xchꞌo̱l chi rilbal. Tojoꞌnak co̱ chi najt.

Colosenses 1:25

Li Dios xinixqꞌue chi cꞌanjelac chiruheb laj pa̱banel. Joꞌcan nak re e̱tenkꞌanquil nak nincꞌanjelac che̱ru re xchꞌolobanquil chi tzꞌakal lix ya̱lal li ra̱tin li Dios.

Efesios 3:7

Yal rusilal li Dios nak quixqꞌue saꞌ inbe̱n xyebal resil li colba-ib ut quixqꞌue incuanquil re tinba̱nu lix cꞌanjel.

Hechos 18:24

Quicuulac Éfeso jun li cui̱nk aj judío, aj Apolos xcꞌabaꞌ. Alejandría xtenamit. Kꞌaxal naxnau a̱tinac chi cha̱bil ut naxnau chi us li tzꞌi̱banbil saꞌ li Santil Hu.

Hechos 19:1

Nak laj Apolos cuan Corinto laj Pablo quinumeꞌ saꞌ eb li naꞌajej toj quicuulac Éfeso. Ut aran quixtauheb jun chꞌu̱taleb laj pa̱banel.

Romanos 15:16

La̱in nincꞌanjelac chiru li Jesucristo saꞌ xya̱nkeb li ma̱cuaꞌeb aj judío. Lin cꞌanjel aꞌan xchꞌolobanquil xya̱lal li colba-ib re nak eb li ma̱cuaꞌeb aj judío teꞌxkꞌaxtesi rib chiru li Dios. Ut li Dios ta̱sahokꞌ saꞌ xchꞌo̱l riqꞌuineb, ut teꞌsantobresi̱k xban li Santil Musikꞌej.

1 Corintios 3:22

Usta laj Apolos, usta la̱in, usta laj Pedro, la̱o yal aj cꞌanjelo che̱ru. Usta li ruchichꞌochꞌ, usta li yuꞌam, usta li ca̱mc, e̱re ajcuiꞌ re nak teꞌcꞌanjelak che̱ru. Chixjunil li cuan anakcuan e̱re la̱ex ut e̱re ajcuiꞌ li toj cha̱lel chiku.

1 Corintios 16:12

Nabal sut xintzꞌa̱ma chiru li hermano Apolos nak ta̱xic e̱riqꞌuin rochbeneb li herma̱n. Abanan aꞌan quirecꞌa saꞌ xchꞌo̱l nak toj ma̱jiꞌ ta̱ru̱k chi xic. Nak tixqꞌue rib ta̱cuulak aran che̱rilbal.

2 Corintios 4:1

Yal xban rusilal li Dios nak quixqꞌue ke li cꞌanjel aꞌin re xchꞌolobanquil xya̱lal li acꞌ contrato. Joꞌcan nak incꞌaꞌ nachꞌinan kachꞌo̱l.

2 Corintios 5:18

Chixjunil aꞌin xkama̱tani riqꞌuin li Dios ut aꞌan ajcuiꞌ li quicꞌamoc ke saꞌ usilal riqꞌuin saꞌ xcꞌabaꞌ li Jesucristo. Ut aꞌan ajcuiꞌ li quixakaban ke chixchꞌolobanquil xya̱lal li colba-ib re nak cuan li teꞌpa̱ba̱nk ut teꞌcua̱nk saꞌ usilal riqꞌuin li Dios.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

1 Timoteo 1:12

Ninbantioxi chiru li Ka̱cuaꞌ Jesucristo xban nak aꞌan xcꞌojob xchꞌo̱l saꞌ inbe̱n ut xinixxakab chi cꞌanjelac chiru. Ut aꞌan naqꞌuehoc incuanquil chixba̱nunquil.