1 Corintios 3:17 - Li Santil hu

¹⁷ Li rochoch li Dios aꞌan santo. Cui ani naxtiquib li jachoc ib saꞌ e̱ya̱nk, li jun aꞌan yo̱ chixjucꞌbal rochoch li Dios xban nak la̱ex aj pa̱banel rochochex chic li Dios. Ut li Dios tixsach li ani naxtiquib xjachbal ruheb laj pa̱banel.

Q'eqchi Bible

¹⁷ Wi ani naxjuk' li rochoch li Yos, a' ajwi' li Yos taajuk'uq re a'an, xb'aan naq li rochoch li Yos a'an sant ut a'anex laa'ex.

1 Corintios 3:17 ပူးပေါင်းရင်းမြစ်များ

Ezequiel 43:12

Aꞌan aꞌin li chakꞌrab chirix lin templo: chixjunil li naꞌajej li cuan saꞌ xbe̱n li tzu̱l ut li cuan chixjun sutam, aꞌan santil naꞌajej ut kꞌaxal lokꞌ, chan li Dios.

Ezequiel 7:22

Teꞌcha̱lk laj e̱lkꞌ ut teꞌoc saꞌ lin templo ut teꞌxmux ru. Ut la̱in ma̱cꞌaꞌ tinba̱nu re xcolbal lin lokꞌlaj naꞌaj.

Ezequiel 5:11

La̱in li yoꞌyo̱quil Dios ninye riqꞌuin juramento nak la̱in tinsach e̱ru xban nak xemux ru lin templo xban chixjunil li ma̱usilal xeba̱nu. La̱in incꞌaꞌ tincuy e̱ma̱c chi moco tincuil xtokꞌoba̱l e̱ru.

Números 19:20

Abanan cui incꞌaꞌ tixsantobresi rib junak li muxbil ru, tento nak li jun aꞌan ta̱isi̱k saꞌ xya̱nkeb laj Israel xban nak quixmux ru lix tabernáculo li Ka̱cuaꞌ. Muxbil ru ta̱cana̱k xban nak incꞌaꞌ quirachrachi̱c li haꞌ saꞌ xbe̱n re santobresi̱c.

Salmos 79:1

At inDios, eb li tenamit li incꞌaꞌ nequeꞌxqꞌue a̱lokꞌal, xeꞌoc chak saꞌ li katenamit li caqꞌue ke ut xeꞌxmux ru la̱ santil templo. Ut queꞌxpoꞌ li tenamit Jerusalén.

Levítico 20:3

La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Isaías 64:11

Quicꞌateꞌ li lokꞌlaj templo li cꞌajoꞌ xchꞌinaꞌusal li cateꞌxlokꞌoni cuiꞌ li kaxeꞌto̱nil yucuaꞌ. Chixjunil li lokꞌ chiku queꞌxpoꞌi li xicꞌ nequeꞌiloc ke.

Levítico 15:31

La̱ex te̱ye reheb laj Israel nak teꞌxba̱nu li chakꞌrab aꞌin re nak incꞌaꞌ muxbilak ruheb nak teꞌcha̱lk saꞌ lin tabernáculo li cuan saꞌ xya̱nkeb. Cui teꞌxmux ru lin tabernáculo teꞌca̱mk.

Éxodo 3:5

Li Ka̱cuaꞌ Dios quixye: —Matjiloc chak arin. Ta̱cuisi la̱ xa̱b cha̱cuok xban nak li naꞌajej cuancat cuiꞌ aꞌan santil naꞌajej.—

Génesis 28:17

Cꞌajoꞌ nak quixucuac laj Jacob ut quixye: —Ma̱ caꞌchꞌin nak nasach inchꞌo̱l chirilbal li lokꞌlaj naꞌajej aꞌin. Kꞌaxal lokꞌ. Aꞌin xmuheba̱l li Ka̱cuaꞌ Dios ut aꞌin ajcuiꞌ li oqueba̱l re li choxa, chan.

Salmos 99:9

Chelokꞌonihak li Ka̱cuaꞌ li kaDios. Cheqꞌuehak xlokꞌal saꞌ li tzu̱l Sión lix santil naꞌaj xban nak li Ka̱cuaꞌ li kaDios, aꞌan santo.

Salmos 93:5

At nimajcual Dios, la̱ chakꞌrab xakxo̱k xcuanquil chi junelic. Incꞌaꞌ naru xjalbal. Ut li santilal cua̱nk saꞌ la̱ templo chi junelic kꞌe cutan.

1 Crónicas 29:3

Usta ac xchꞌutla chixjunil li cꞌaꞌak re ru aꞌin, la̱in tinqꞌue lin oro ut lin plata li xocxo inban, xban nak kꞌaxal cuan jun inrahom saꞌ xbe̱n lix templo li Ka̱cuaꞌ lin Dios.

Sofonías 3:4

Lix profeteb aj ticꞌtiꞌeb ut kꞌetkꞌeteb. Ut eb laj tij queꞌxmux ru li templo ut queꞌxjal ru lix chakꞌrab li Dios ut incꞌaꞌ queꞌxba̱nu chi tzꞌakal re ru.

Salmos 74:3

Cha̱lkat chi junpa̱t chirilbal la̱ santil naꞌaj. Qꞌue retal chanru nak queꞌxjuqꞌui li templo li xicꞌ nequeꞌiloc a̱cue. Quilajeꞌxpoꞌ chixjunil li cuan aran.

1 Corintios 3:16

¿Ma incꞌaꞌ ta biꞌ nequenau nak la̱ex rochochex li Dios? ¿Ma incꞌaꞌ ta biꞌ nequenau nak li Santil Musikꞌej cuan e̱riqꞌuin?

1 Corintios 3:18

Ma̱ ani taxak tixbalakꞌi rib xjunes. Cui cuan junak saꞌ e̱ya̱nk narecꞌa nak cuan xnaꞌleb saꞌ li ruchichꞌochꞌ aꞌin, chixcubsihak rib ut tixba̱nu joꞌ li ma̱cꞌaꞌ naxnau re nak tixtau xnaꞌleb chi tzꞌakal.