1 Corintios 3:16 - Li Santil hu

¹⁶ ¿Ma incꞌaꞌ ta biꞌ nequenau nak la̱ex rochochex li Dios? ¿Ma incꞌaꞌ ta biꞌ nequenau nak li Santil Musikꞌej cuan e̱riqꞌuin?

Q'eqchi Bible

¹⁶ Ma ink'a' nekenaw naq laa'ex rochoch li Yos ut li xMusiq' li Yos nawank eerik'in?

1 Corintios 3:16 ပူးပေါင်းရင်းမြစ်များ

1 Corintios 6:19

¿Ma incꞌaꞌ nequenau nak la̱ex rochochex li Santil Musikꞌej xban nak li Santil Musikꞌej li quixqꞌue e̱re li Dios cuan e̱riqꞌuin? Joꞌcan nak moco la̱ex ta nequetakla e̱rib e̱junes. La̱ex rehex chic li Dios.

Ezequiel 36:27

Ut la̱in tinqꞌue e̱re lin musikꞌ. Texinqꞌue chixpa̱banquil lin chakꞌrab ut te̱ba̱nu li cꞌaꞌru ninye. Te̱ba̱nu li cꞌaꞌru texintakla cuiꞌ.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Romanos 8:11

Li Santil Musikꞌej, aꞌan li quicuaclesin cuiꞌchic re chi yoꞌyo li Cristo saꞌ xya̱nkeb li camenak. Cui li Santil Musikꞌej quicuaclesin re li Cristo, aꞌan ajcuiꞌ ta̱cuaclesi̱nk re le̱ tzꞌejcual chi yoꞌyo re li junelic yuꞌam xban nak li Santil Musikꞌej cuan e̱riqꞌuin.

San Juan 14:17

Ut aꞌan ajcuiꞌ li Santil Musikꞌej li ta̱cꞌutuk re lix ya̱lal che̱ru chirix li Dios. Li incꞌaꞌ niquineꞌxpa̱b incꞌaꞌ naru nacuan li Santil Musikꞌej riqꞌuineb xban nak incꞌaꞌ nequeꞌxnau ani aꞌan, chi moco nequeꞌxqꞌue retal li cꞌaꞌru naxba̱nu li Santil Musikꞌej. Abanan la̱ex nequenau ani aꞌan xban nak aꞌan cuan saꞌ e̱ya̱nk anakcuan ut ta̱cua̱nk e̱riqꞌuin chi junelic.

Romanos 8:9

Abanan la̱ex incꞌaꞌ chic yo̱quex chixba̱nunquil li naxrahi ru le̱ chꞌo̱l. Yo̱quex ban chixba̱nunquil li cꞌaꞌru naraj li Santil Musikꞌej cui ya̱l nak cuan li Santil Musikꞌej e̱riqꞌuin. Li ani ma̱cꞌaꞌ li Santil Musikꞌej riqꞌuin, aꞌan ma̱cuaꞌ re li Cristo.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

2 Timoteo 1:14

Riqꞌuin xcuanquil li Santil Musikꞌej li cuan a̱cuiqꞌuin, chacꞌu̱lahak saꞌ a̱chꞌo̱l lix ya̱lal li lokꞌlaj colba-ib kꞌaxtesinbil a̱cue xban li Dios.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

1 Juan 4:12

Ma̱ jun qui-iloc ru li Dios. Abanan cui nakara kib chi kibil kib, li Dios cuan kiqꞌuin chi junelic. Ut lix rahom li Dios tzꞌaklojenak ru kiqꞌuin.

Romanos 6:3

Relic chi ya̱l nequenau nak la̱o xkacꞌul li cubi haꞌ xban nak xkapa̱b li Jesucristo. Nak xkacꞌul li cubi haꞌ chanchan nak xocam kochben li Jesucristo xban nak xkacanab xba̱nunquil li kanajter naꞌleb.

1 Corintios 9:24

Nequexinjuntakꞌe̱ta riqꞌuineb li nequeꞌxyal xkꞌe chi a̱linac. ¿Ma incꞌaꞌ ta biꞌ nequenau nak eb li nequeꞌa̱linac chixjunileb nequeꞌxyal xkꞌe chi a̱linac? Abanan jun ajcuiꞌ naxcꞌul xma̱tan. Joꞌcan ut la̱ex cheqꞌuehak e̱chꞌo̱l chi pa̱ba̱nc re nak te̱cꞌul e̱ma̱tan riqꞌuin li Dios.

1 Corintios 9:13

¿Ma incꞌaꞌ ta biꞌ nequenau nak eb laj judío li nequeꞌcꞌanjelac saꞌ rochoch li Dios, tento ajcuiꞌ nak nequeꞌtzꞌak li cꞌaꞌru namayeja̱c saꞌ rochoch li Dios? Aꞌan naraj naxye nak eb li nequeꞌcꞌanjelac saꞌ li artal nequeꞌtzꞌak ajcuiꞌ lix tibel li mayejanbil xul.

1 Corintios 6:9

¿Ma incꞌaꞌ nequenau nak eb li incꞌaꞌ ti̱queb xchꞌo̱l incꞌaꞌ teꞌre̱chani lix nimajcual cuanquilal li Dios? Me̱balakꞌi e̱rib. Eb laj coꞌbe̱t ut eb laj yumbe̱t incꞌaꞌ teꞌre̱chani lix nimajcual cuanquilal li Dios, chi moco li nequeꞌlokꞌonin re li jalanil dios, chi moco eb laj muxul caxa̱r. Ut eb li cui̱nk li nequeꞌma̱cob riqꞌuineb li rech cui̱nkilal incꞌaꞌ ajcuiꞌ teꞌre̱chani lix nimajcual cuanquilal li Dios. Joꞌcan nak me̱balakꞌi e̱rib chi xcꞌoxlanquil nak us yo̱quex cui toj yo̱quex chixba̱nunquil li ma̱usilal aꞌin.

1 Corintios 6:16

¿Ma incꞌaꞌ nequenau nak li ani nama̱cob riqꞌuin junak ixk aj ma̱c junajeb chi tzꞌejcualej nequeꞌcana? Tzꞌi̱banbil saꞌ li Santil Hu nak junajakeb chi tzꞌejcualej chi xcabichaleb.

1 Corintios 5:6

Me̱nimobresi e̱rib riqꞌuin xcꞌoxlanquil nak us yo̱quex chixba̱nunquil. La̱ex nequexinjuntakꞌe̱ta riqꞌuin xkꞌemal li caxlan cua. La̱ex nequenau nak usta caꞌchꞌin ajcuiꞌ lix chꞌamal naqꞌueman, naxchꞌamobresi chixjunil li kꞌem. Naraj naxye nak incꞌaꞌ naru nacuan li ma̱c saꞌ xya̱nkeb laj pa̱banel re nak incꞌaꞌ teꞌxcꞌam xbeheb li jun chꞌol chic chi ma̱cobc.

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.

Romanos 6:16

Ac nequenau nak cui te̱qꞌue e̱rib chi cꞌanjelac chiru junak patrón, aꞌan chic ta̱takla̱nk e̱re. Joꞌcan ajcuiꞌ cui te̱qꞌue li ma̱c chokꞌ e̱patrón ut te̱qꞌue e̱rib chokꞌ aj cꞌanjel chiru, texca̱mk. Aban cui te̱qꞌue e̱rib chi takla̱c xban li Dios, ta̱ti̱cobresi̱k le̱ chꞌo̱l.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

1 Corintios 3:17

Li rochoch li Dios aꞌan santo. Cui ani naxtiquib li jachoc ib saꞌ e̱ya̱nk, li jun aꞌan yo̱ chixjucꞌbal rochoch li Dios xban nak la̱ex aj pa̱banel rochochex chic li Dios. Ut li Dios tixsach li ani naxtiquib xjachbal ruheb laj pa̱banel.

1 Timoteo 3:15

Abanan ma̱re tinba̱yk chi cuulac. Joꞌcan nak yo̱quin chi tzꞌi̱bac a̱cuiqꞌuin re nak ta̱nau chanru teꞌcꞌanjelak li teꞌxakaba̱k chi cꞌanjelac saꞌ xya̱nkeb li nequeꞌpa̱ban re li yoꞌyo̱quil Dios. Ut la̱o aj pa̱banel, la̱o li nakaqꞌue xcuanquil ut nakacol rix li katijbal li tzꞌakal ya̱l.