1 Corintios 3:1 - Li Santil hu

¹ Ex inherma̱n, nak cuanquin e̱riqꞌuin incꞌaꞌ quiru quina̱tinac e̱riqꞌuin joꞌ nina̱tinac riqꞌuineb li ac cauheb xchꞌo̱l saꞌ lix pa̱ba̱leb. La̱ex chanchan ma̱cꞌaꞌ li Santil Musikꞌej e̱riqꞌuin. Joꞌcan nak nina̱tinac e̱riqꞌuin joꞌ nak nina̱tinac riqꞌuineb li toj kꞌun xchꞌo̱leb saꞌ lix pa̱ba̱leb.

Q'eqchi Bible

¹ Ex was wiitz'in, laa'in ink'a' xinru cheraatinankil jo' aj paab'anel wank tz'aqal li Musiq'ej rik'ineb', xexwaatina b'an jo' li toj q'uneb' xch'ool, toj k'uula'alex chi xpaab'ankil li Kriist.

1 Corintios 3:1 ပူးပေါင်းရင်းမြစ်များ

Hebreos 5:13

La̱ex nequenau nak junak cꞌulaꞌal toj natuꞌuc toj ma̱cꞌaꞌ xnaꞌleb. Incꞌaꞌ naxnau bar cuan li us ut bar cuan li incꞌaꞌ us.

1 Corintios 2:6

Li ac cauheb xchꞌo̱l saꞌ lix pa̱ba̱leb, nequeꞌka̱tina riqꞌuin a̱tin moco yalak ani ta ta̱taꞌok ru. Aꞌin ma̱cuaꞌ xnaꞌleb li ruchichꞌochꞌ chi moco xnaꞌlebeb li nequeꞌtaklan saꞌ ruchichꞌochꞌ. Lix naꞌlebeb na-osoꞌ joꞌ nak nequeꞌosoꞌ eb aꞌan.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

Romanos 7:14

Nakanau nak li chakꞌrab musikꞌanbil xban li Dios. Aban la̱in yal cui̱nkin. Joꞌcan nak ninma̱cob.

1 Juan 2:12

Nintzꞌi̱bac e̱riqꞌuin, ex herma̱n, xban nak cuybil sachbil chic le̱ ma̱c xban li Dios saꞌ xcꞌabaꞌ li Jesucristo.

Gálatas 6:1

Ex inherma̱n, ma̱re cuan junak e̱rech aj pa̱banelil ta̱oc cuiꞌchic chi ma̱cobc. La̱ex li cuanquex chic rubel xcuanquil li Santil Musikꞌej te̱tenkꞌa saꞌ tu̱lanil re nak ta̱cacuu̱k xchꞌo̱l saꞌ xpa̱ba̱l. Ut cheqꞌuehak retal chi us le̱ yuꞌam re nak la̱ex incꞌaꞌ tex-a̱le̱k.

San Mateo 16:23

Ut li Jesús quixsukꞌisi rib chirilbal laj Pedro ut quixye re: —Elen arin saꞌ xnakꞌ cuu. La̱at chanchanat laj tza. Michꞌinan inchꞌo̱l a̱ban chixba̱nunquil li cꞌaꞌru tento tinba̱nu. La̱at incꞌaꞌ yo̱cat chixcꞌoxlanquil joꞌ naxcꞌoxla li Dios. Yo̱cat ban chixcꞌoxlanquil joꞌ naxcꞌoxla li cui̱nk, chan.

1 Corintios 14:37

Ma̱re cuan saꞌ e̱ya̱nk li naxcꞌoxla nak aꞌan profeta malaj naxcꞌoxla nak cuan jun chic xma̱tan qꞌuebil re xban li Santil Musikꞌej. Cui joꞌcan naxcꞌoxla, chixnauhak nak li yo̱quin chixtzꞌi̱banquil saꞌ li hu aꞌin, aꞌan ajcuiꞌ li chakꞌrab qꞌuebil cue xban li Dios.