1 Corintios 2:6 - Li Santil hu

⁶ Li ac cauheb xchꞌo̱l saꞌ lix pa̱ba̱leb, nequeꞌka̱tina riqꞌuin a̱tin moco yalak ani ta ta̱taꞌok ru. Aꞌin ma̱cuaꞌ xnaꞌleb li ruchichꞌochꞌ chi moco xnaꞌlebeb li nequeꞌtaklan saꞌ ruchichꞌochꞌ. Lix naꞌlebeb na-osoꞌ joꞌ nak nequeꞌosoꞌ eb aꞌan.

Q'eqchi Bible

⁶ Yaal ajwi' naq sa' xyanqeb' li ak kaweb' sa' li paab'ank nokooch'olob'ank xninqal ru na'leb', ab'an maawa' xna'leb' li ruuchich'och' a'in chi moko xna'leb'eb' li neke'taqlank sa' ruuchich'och', li ak yo chi sachk xwankileb'.

1 Corintios 2:6 ပူးပေါင်းရင်းမြစ်များ

Hebreos 5:14

Eb li che̱quel cristian jalan xtzacae̱mkeb. Moco sicꞌbil ta ru li nequeꞌxtzaca. Aꞌan retalil nak ac xeꞌqꞌui saꞌ xpa̱ba̱leb ut nequeꞌxnau chic bar cuan li us ut bar cuan li incꞌaꞌ us.

Santiago 3:15

Aꞌan ma̱cuaꞌ li naꞌleb naxqꞌue li Dios. Xnaꞌleb ban li ruchichꞌochꞌ. Aꞌan yal xcꞌaꞌuxeb cui̱nk ut qꞌuebil xban laj tza.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

1 Corintios 2:8

Ma̱ jun li nequeꞌtaklan saꞌ ruchichꞌochꞌ queꞌxtau ru li naꞌleb aꞌin. Cui ta queꞌxtau ru, incꞌaꞌ raj queꞌxcamsi chiru cruz li Ka̱cuaꞌ Jesucristo, laj e̱chal re li lokꞌal.

1 Corintios 1:28

Li Dios quixsiqꞌueb ru li tzꞌekta̱nanbileb li ma̱cꞌaꞌeb xlokꞌal ut li incꞌaꞌ nequeꞌqꞌueheꞌ xcuanquil xbaneb li cuanqueb saꞌ li ruchichꞌochꞌ. Quixsiqꞌueb ban ru re xcubsinquil xcuanquileb li cuanqueb xnaꞌleb saꞌ ruchichꞌochꞌ.

Colosenses 4:12

Joꞌcan ajcuiꞌ laj Epafras naxtakla ajcuiꞌ xsahil e̱chꞌo̱l. Aꞌan e̱rech tenamitil ut aꞌan aj cꞌanjel chiru li Cristo. Junelic yo̱ chi tijoc che̱rix re nak texcua̱nk saꞌ xya̱lal ut cauhak e̱chꞌo̱l saꞌ le̱ pa̱ba̱l chixba̱nunquil chi tzꞌakal joꞌ naraj li Dios.

Efesios 2:2

Xeba̱nu chak li ma̱usilal saꞌ ruchichꞌochꞌ ut xeqꞌue e̱rib chi takla̱c xban laj tza li nataklan saꞌ xbe̱neb li ma̱us aj musikꞌej. Aꞌan li nataklan saꞌ xbe̱neb li nequeꞌkꞌetoc ra̱tin li Dios.

San Mateo 5:48

Ti̱cak biꞌ e̱chꞌo̱l joꞌ le̱ Yucuaꞌ li cuan saꞌ li choxa ti̱c xchꞌo̱l.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Salmos 33:10

Li Ka̱cuaꞌ nasach ru li cꞌaꞌru nequeꞌxcꞌoxla xba̱nunquil li tenamit li incꞌaꞌ nequeꞌpa̱ban. Naxcanab chi ma̱cꞌaꞌ na-oc cuiꞌ li cꞌaꞌru nequeꞌxcꞌu̱b ru.

Li xHu LAJ JOB 12:21

Li Dios naxba̱nu nak incꞌaꞌ chic teꞌqꞌuehekꞌ xlokꞌal li cuanqueb saꞌ xcuanquil. Ut eb li cauheb rib ma̱cꞌaꞌak chic xmetzꞌe̱uheb.

Li xHu LAJ JOB 12:19

Li Dios naxcubsi xcuanquileb laj tij joꞌqueb ajcuiꞌ li cuanqueb saꞌ xcuanquil.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

Santiago 3:2

Chikajunilo la̱o nocopaltoꞌ chi cocꞌ aj saꞌ. Cui cuan junak ma̱cꞌaꞌ xpaltil riqꞌuin li ra̱tin, aꞌan tzꞌakal re ru. Li ani naru naxcuy rib riqꞌuin li naxye, naru ajcuiꞌ naxcuy rib riqꞌuin li cꞌaꞌru naraj xba̱nunquil.

2 Corintios 13:11

Anakcuan ex inherma̱n, texinchakꞌrabi riqꞌuin a a̱tin aꞌin: Jalomak le̱ cꞌaꞌux re nak tzꞌakalak e̱re e̱ru. Cheqꞌuehak retal li joꞌ qꞌuial xinye e̱re. Junajak taxak le̱ cꞌaꞌux ut chexcua̱nk saꞌ xya̱lal chi ribil e̱rib. Ut cua̱nk e̱riqꞌuin li Dios li narahoc ke ut naxqꞌue ke li tuktu̱quil usilal.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

1 Corintios 2:13

Incꞌaꞌ yo̱co chi a̱tinac chirix li naꞌleb aꞌin riqꞌuin a̱tin xkacꞌoxla kajunes. Yo̱co ban chi a̱tinac riqꞌuin a̱tin quicꞌutbesi̱c chiku xban li Santil Musikꞌej. Li xya̱lal li naxcꞌut chiku li Santil Musikꞌej la̱o nakachꞌolob chiruheb li cuan li Santil Musikꞌej riqꞌuineb.

1 Corintios 2:1

Joꞌcan ut ex herma̱n, nak xincuulac e̱riqꞌuin chixchꞌolobanquil xya̱lal li ra̱tin li Dios, incꞌaꞌ xina̱tinac riqꞌuin a̱tin chꞌaꞌaj xtaubal ru ut incꞌaꞌ xina̱tinac re xcꞌutbal nak cuan innaꞌleb.

San Lucas 16:8

Ut li patrón quisach xchꞌo̱l chirilbal nak kꞌaxal cuan xnaꞌleb li merto̱m li incꞌaꞌ us xnaꞌleb. Eb li incꞌaꞌ nequeꞌxnau lix ya̱lal kꞌaxal se̱beb xchꞌo̱l chixcꞌoxlanquil chanru tixtenkꞌa rib, usta incꞌaꞌ us tixba̱nu reheb li ras ri̱tzꞌin. Kꞌaxal se̱beb xchꞌo̱l chiruheb li ralal xcꞌajol li Dios.

San Mateo 19:21

Quixye li Jesús re: —Cui ta̱cuaj nak tzꞌakalak re ru la̱ yuꞌam, ayu ut cꞌayi li cꞌaꞌru cuan a̱cue ut si lix tzꞌak li ta̱cꞌul reheb li nebaꞌ. Ut ta̱cua̱nk a̱biomal saꞌ choxa. Ut nak ac xaba̱nu aꞌan tatcha̱lk ut tina̱ta̱ke, chan li Jesús re.

San Mateo 13:22

Ut li iyaj li quinak saꞌ xya̱nk li qꞌuix, aꞌaneb li nequeꞌabin re li ra̱tin li Dios. Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios chiruheb.

Isaías 40:23

Naxcubsi xcuanquileb li ni̱nkeb xcuanquil ut naxcanabeb chi ma̱cꞌaꞌ nequeꞌoc cuiꞌ li nequeꞌtaklan saꞌ ruchichꞌochꞌ.

Salmos 37:37

Cheqꞌuehak retal li ti̱queb xchꞌo̱l ut li cha̱bileb xnaꞌleb. Li nacuan saꞌ tuktu̱quil usilal ta̱cua̱nk ralal xcꞌajol.

Salmos 146:4

Nak nequeꞌcam, nequeꞌsukꞌi chꞌochꞌ ut saꞌ ajcuiꞌ li cutan aꞌan na-osoꞌ li cꞌaꞌru nequeꞌxcꞌoxla xba̱nunquil.

1 Corintios 3:1

Ex inherma̱n, nak cuanquin e̱riqꞌuin incꞌaꞌ quiru quina̱tinac e̱riqꞌuin joꞌ nina̱tinac riqꞌuineb li ac cauheb xchꞌo̱l saꞌ lix pa̱ba̱leb. La̱ex chanchan ma̱cꞌaꞌ li Santil Musikꞌej e̱riqꞌuin. Joꞌcan nak nina̱tinac e̱riqꞌuin joꞌ nak nina̱tinac riqꞌuineb li toj kꞌun xchꞌo̱leb saꞌ lix pa̱ba̱leb.

1 Corintios 12:8

Cuan li qꞌuebileb xma̱tan xban li Santil Musikꞌej re qꞌuehoc cha̱bil naꞌleb ut cuan li qꞌuebileb xma̱tan xban li Santil Musikꞌej re xchꞌolobanquil li ya̱l. Abanan jun ajcuiꞌ li Santil Musikꞌej li naqꞌuehoc re xma̱tan li junju̱nk.

2 Corintios 4:3

Cui incꞌaꞌ natauman ru lix ya̱lal li colba-ib li nakachꞌolob la̱o, aꞌ li incꞌaꞌ nequeꞌxtau ru, aꞌan eb li nequeꞌsach.

Colosenses 1:28

Aꞌ li Cristo, aꞌan li nakachꞌolob xya̱lal. Nakaqꞌue xnaꞌlebeb chixjunil ut nakacꞌut xya̱lal chiruheb chi anchal li kachꞌo̱l ut chi anchal li kacꞌaꞌux re nak tzꞌakalak ru lix pa̱ba̱leb saꞌ xcꞌabaꞌ li Jesucristo.

Hebreos 6:1

Joꞌcan nak incꞌaꞌ yo̱kex chi cꞌoxlac junes chirix li xetzol chak saꞌ xticlajic le̱ pa̱ba̱l. Toj cuan ban nabal te̱tzol chirix li Cristo re nak texqꞌui̱k saꞌ le̱ pa̱ba̱l. Ac nequenau nak ma̱cuaꞌ riqꞌuin kayehom kaba̱nuhom natauman li colba-ib. Riqꞌuin ban xpa̱banquil li Dios.