1 Corintios 2:4 - Li Santil hu

⁴ Nak xinchꞌolob xya̱lal che̱ru incꞌaꞌ xina̱tinac riqꞌuin a̱tin joꞌ nequeꞌxba̱nu li cuanqueb xnaꞌleb saꞌ ruchichꞌochꞌ. Xinchꞌolob ban xya̱lal che̱ru joꞌ quixcꞌut chicuu li Santil Musikꞌej, ut li Santil Musikꞌej quiqꞌuehoc xcuanquil li cua̱tin.

Q'eqchi Bible

⁴ Xin'aatinak ut xinch'olob' xyaalal moko rik'in ta xchaq'alil ru aatin neke'q'unb'esink ch'oolej, rik'in b'an li xk'utb'esinkil rib' xwankil li Musiq'ej,

1 Corintios 2:4 ပူးပေါင်းရင်းမြစ်များ

1 Corintios 4:20

Lix nimajcual cuanquilal li Dios, tento ta̱cꞌutu̱nk saꞌ li kayuꞌam. Moco caꞌaj cuiꞌ ta riqꞌuin ka̱tin ta̱cꞌutu̱nk xcuanquil li Dios.

1 Ts 1:5

Nakanau aꞌan xban nak ma̱cuaꞌ caꞌaj cuiꞌ riqꞌuin a̱tin quicuulac li resil li evangelio e̱riqꞌuin. Riqꞌuin aj ban cuiꞌ lix cuanquil li Santil Musikꞌej ut xenau nak tzꞌakal ya̱l li xkachꞌolob che̱ru. Ac xeqꞌue retal chanru li kanaꞌleb nak xocuan saꞌ e̱ya̱nk che̱tenkꞌanquil.

1 Corintios 1:17

Li Cristo incꞌaꞌ quinixtakla chak chi cubsi̱nc haꞌ. Quinixtakla ban chak chixjulticanquil resil li colba-ib. Abanan ma̱cuaꞌ riqꞌuin a̱tin chꞌaꞌaj xtaubal ru xya̱lal quina̱tinac. Cui ta riqꞌuin a̱tin chꞌaꞌaj xtaubal ru quina̱tinac, cuan raj incꞌaꞌ queꞌtaꞌoc ru ut ta̱cana̱k raj chi ma̱cꞌaꞌ rajbal xcamic li Cristo chiruheb.

1 Corintios 2:1

Joꞌcan ut ex herma̱n, nak xincuulac e̱riqꞌuin chixchꞌolobanquil xya̱lal li ra̱tin li Dios, incꞌaꞌ xina̱tinac riqꞌuin a̱tin chꞌaꞌaj xtaubal ru ut incꞌaꞌ xina̱tinac re xcꞌutbal nak cuan innaꞌleb.

Romanos 15:19

Xinjultica resil li Jesucristo chiruheb riqꞌuin li milagros ut li sachba chꞌo̱lej ut riqꞌuin xcuanquil li Santil Musikꞌej. Yalak bar quinbeni xyebal resil li colba-ib. Quintiquib Jerusalén, ut quinsuti chixjunileb li naꞌajej toj retal quincuulac Ilírico.

2 Pedro 1:16

Li cꞌaꞌru yo̱quin chixyebal e̱re chirix lix cuanquilal li Jesucristo ut lix cꞌulunic, ma̱cuaꞌ yal yoꞌobanbil a̱tin. Chꞌolchꞌo nak xkil riqꞌuin xnakꞌ ku lix nimajcual cuanquilal.

1 Corintios 2:13

Incꞌaꞌ yo̱co chi a̱tinac chirix li naꞌleb aꞌin riqꞌuin a̱tin xkacꞌoxla kajunes. Yo̱co ban chi a̱tinac riqꞌuin a̱tin quicꞌutbesi̱c chiku xban li Santil Musikꞌej. Li xya̱lal li naxcꞌut chiku li Santil Musikꞌej la̱o nakachꞌolob chiruheb li cuan li Santil Musikꞌej riqꞌuineb.

Colosenses 2:4

Nintakla xyebal e̱re aꞌin re nak incꞌaꞌ texbalakꞌi̱k xbaneb li nequeꞌtacchiꞌin e̱re. Chanchan cha̱bil a̱tin nequeꞌxye, abanan moco ya̱l ta li nequeꞌxye.

2 Pedro 2:18

Nequeꞌoc chi yehoc xni̱nkal ru a̱tin saꞌ lix majelal xnaꞌlebeb. Ut riqꞌuin li ma̱c naxrahi li tzꞌejcualej yo̱queb chixkꞌunbesinquileb li cristian li toj queꞌel chak saꞌ xya̱nkeb.

1 Pedro 1:12

Li cꞌaꞌru quixcꞌutbesi chak li Dios chiruheb li profeta junxil incꞌaꞌ ta̱cꞌulma̱nk nak toj cuanqueb aꞌan. Ta̱cꞌulma̱nk ban saꞌ li cutan nak cuanquex la̱ex. Eb li profeta queꞌxchꞌolob che̱ru lix ya̱lal aꞌin, li quicꞌuteꞌ chak chiruheb xban li Santil Musikꞌej li taklanbil chak xban li Dios. Ut eb li ángel queꞌraj ajcuiꞌ raj xtaubal ru chixjunil li cꞌaꞌak re ru aꞌin.

Gálatas 1:10

¿Ma yal re ta biꞌ nak teꞌsahokꞌ xchꞌo̱l li cui̱nk cuiqꞌuin nak yo̱quin chixyebal chi joꞌcaꞌin? ¿Ma incꞌaꞌ ta biꞌ yo̱quin chixyebal chi joꞌcaꞌin re nak sahak xchꞌo̱l li Dios cuiqꞌuin? ¿Ma tincuaj ta biꞌ tincꞌojob xchꞌo̱leb li cui̱nk? Ma̱ jokꞌe xban nak cui ta toj nacuaj xcꞌojobanquil xchꞌo̱leb li cui̱nk ma̱cuaꞌin raj aj cꞌanjel chiru li Jesucristo.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

Ezequiel 13:6

Eb li visión li nequeꞌril moco ya̱l ta. Nak nequeꞌkꞌehin ticꞌtiꞌ li nequeꞌxye. Nequeꞌxye nak la̱in xinyehoc re, abanan moco la̱in ta quintaklan reheb. Saꞌ xchꞌo̱leb aꞌan nak la̱in tinba̱nu li cꞌaꞌru nequeꞌxye.

Proverbios 7:21

Li ixk aꞌan quire̱chani li al riqꞌuin li a̱tin quixkꞌunbesi cuiꞌ. Quixpuersi toj retal quixqꞌue chi tꞌanecꞌ.

Hechos 26:28

Li rey Agripa quichakꞌoc ut quixye re: —Riqꞌuin li cꞌaꞌru xaye xakꞌunobresin inchꞌo̱l. Caꞌchꞌin chic ma̱ xinpa̱ban a̱ban, chan.

Jueces 16:5

Eb li nequeꞌtaklan saꞌ xbe̱neb laj filisteo queꞌxye re lix Dalila: —Balakꞌi laj Sansón re nak tixye a̱cue cꞌaꞌut nak kꞌaxal cuan xmetzꞌe̱u ut chanru nak ta̱ru̱k tonumta̱k saꞌ xbe̱n re nak takachap ut takabacꞌ. Cui ta̱ye ke, la̱o takaqꞌue a̱tumin. Jun mil riqꞌuin jun ciento chi tumin plata takaqꞌue a̱cue chikaju̱nkal, chanqueb laj filisteo.

Jueces 14:15

Saꞌ xca̱ li cutan queꞌco̱eb riqꞌuin li rixakil laj Sansón ut queꞌxye re: —Ye re la̱ be̱lom nak tixye a̱cue cꞌaꞌru xya̱lal li serakꞌ aꞌan ut ta̱ye ke la̱o. Cui incꞌaꞌ naxba̱nu, takacꞌat li rochoch la̱ yucuaꞌ ut tatkacꞌat ajcuiꞌ la̱at. ¿Ma xoe̱bok arin re xmakꞌbal chiku li cꞌaꞌru cuan ke? chanqueb.

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Proverbios 20:19

Li ani nacuulac chiru moloc a̱tin naxye resil li cꞌaꞌru cuan chi mukmu. Joꞌcan nak me̱junaji e̱rib riqꞌuineb li nequeꞌcuulac chiru jaloc a̱tin.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

2 Corintios 6:6

Riqꞌuin aꞌin nequenau nak la̱o aj cꞌanjelo chiru li Dios. Saꞌ ti̱quilal yo̱co chixba̱nunquil. Nakanau lix ya̱lal. Nabal li raylal nakacuy ut cuanco saꞌ usilal. Li Santil Musikꞌej cuan kiqꞌuin ut chi anchal kachꞌo̱l nocorahoc.