1 Corintios 2:13 - Li Santil hu

¹³ Incꞌaꞌ yo̱co chi a̱tinac chirix li naꞌleb aꞌin riqꞌuin a̱tin xkacꞌoxla kajunes. Yo̱co ban chi a̱tinac riqꞌuin a̱tin quicꞌutbesi̱c chiku xban li Santil Musikꞌej. Li xya̱lal li naxcꞌut chiku li Santil Musikꞌej la̱o nakachꞌolob chiruheb li cuan li Santil Musikꞌej riqꞌuineb.

Q'eqchi Bible

¹³ A'in tz'aqal li nokoo'aatinak wi', ink'a' rik'in aatin tzolb'il rik'in xna'leb' li ruuchich'och', rik'in b'an li aatin xqatzol rik'in li Musiq'ej: yooko chi xch'olob'ankil li k'a' re ru re li Musiq'ej, rik'in li aatin k'utb'il xb'aan li Musiq'ej.

1 Corintios 2:13 ပူးပေါင်းရင်းမြစ်များ

1 Corintios 2:4

Nak xinchꞌolob xya̱lal che̱ru incꞌaꞌ xina̱tinac riqꞌuin a̱tin joꞌ nequeꞌxba̱nu li cuanqueb xnaꞌleb saꞌ ruchichꞌochꞌ. Xinchꞌolob ban xya̱lal che̱ru joꞌ quixcꞌut chicuu li Santil Musikꞌej, ut li Santil Musikꞌej quiqꞌuehoc xcuanquil li cua̱tin.

1 Corintios 2:14

Li ani ma̱cꞌaꞌ li Santil Musikꞌej riqꞌuin incꞌaꞌ naxcꞌu̱luban lix ya̱lal li naxcꞌut li Santil Musikꞌej. Aꞌan to̱ntil naꞌleb chiru xban nak incꞌaꞌ naxtau ru. Caꞌaj cuiꞌ li ani cuan li Santil Musikꞌej riqꞌuin naru tixtau ru xban nak li Santil Musikꞌej aꞌan li nacꞌutuc re lix ya̱lal chiru.

1 Corintios 1:17

Li Cristo incꞌaꞌ quinixtakla chak chi cubsi̱nc haꞌ. Quinixtakla ban chak chixjulticanquil resil li colba-ib. Abanan ma̱cuaꞌ riqꞌuin a̱tin chꞌaꞌaj xtaubal ru xya̱lal quina̱tinac. Cui ta riqꞌuin a̱tin chꞌaꞌaj xtaubal ru quina̱tinac, cuan raj incꞌaꞌ queꞌtaꞌoc ru ut ta̱cana̱k raj chi ma̱cꞌaꞌ rajbal xcamic li Cristo chiruheb.

1 Corintios 2:1

Joꞌcan ut ex herma̱n, nak xincuulac e̱riqꞌuin chixchꞌolobanquil xya̱lal li ra̱tin li Dios, incꞌaꞌ xina̱tinac riqꞌuin a̱tin chꞌaꞌaj xtaubal ru ut incꞌaꞌ xina̱tinac re xcꞌutbal nak cuan innaꞌleb.

1 Pedro 1:12

Li cꞌaꞌru quixcꞌutbesi chak li Dios chiruheb li profeta junxil incꞌaꞌ ta̱cꞌulma̱nk nak toj cuanqueb aꞌan. Ta̱cꞌulma̱nk ban saꞌ li cutan nak cuanquex la̱ex. Eb li profeta queꞌxchꞌolob che̱ru lix ya̱lal aꞌin, li quicꞌuteꞌ chak chiruheb xban li Santil Musikꞌej li taklanbil chak xban li Dios. Ut eb li ángel queꞌraj ajcuiꞌ raj xtaubal ru chixjunil li cꞌaꞌak re ru aꞌin.

Colosenses 3:16

Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios.

2 Pedro 1:16

Li cꞌaꞌru yo̱quin chixyebal e̱re chirix lix cuanquilal li Jesucristo ut lix cꞌulunic, ma̱cuaꞌ yal yoꞌobanbil a̱tin. Chꞌolchꞌo nak xkil riqꞌuin xnakꞌ ku lix nimajcual cuanquilal.

Efesios 5:19

Cheserakꞌi chi ribil e̱rib lix lokꞌal li Dios, ut te̱ye li salmos ut texbicha̱nk re xlokꞌoninquil li Ka̱cuaꞌ. Chexbicha̱nk ut chelokꞌoni li Ka̱cuaꞌ chi anchal e̱chꞌo̱l.

1 Corintios 14:2

Li ani naa̱tinac saꞌ jalanil a̱tin incꞌaꞌ naa̱tinac riqꞌuin li rech cristianil. Riqꞌuin ban li Dios naa̱tinac. Ut ma̱ ani nataꞌoc ru li cꞌaꞌru naxye. Riqꞌuin xcuanquil li Santil Musikꞌej naxye lix ya̱lal li incꞌaꞌ natauman ru.

1 Corintios 9:11

La̱o xoyehoc resil li colba-ib e̱re. ¿Ma incꞌaꞌ ta biꞌ naru nocoe̱tenkꞌa la̱ex riqꞌuin li cꞌaꞌru takaj la̱o re xnumsinquil li cutan junju̱nk?

San Lucas 12:12

xban nak li Santil Musikꞌej tixcꞌutbesi che̱ru saꞌ li ho̱nal aꞌan chanru texsume̱nk cuiꞌ, chan li Jesús.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.