1 Corintios 2:1 - Li Santil hu

¹ Joꞌcan ut ex herma̱n, nak xincuulac e̱riqꞌuin chixchꞌolobanquil xya̱lal li ra̱tin li Dios, incꞌaꞌ xina̱tinac riqꞌuin a̱tin chꞌaꞌaj xtaubal ru ut incꞌaꞌ xina̱tinac re xcꞌutbal nak cuan innaꞌleb.

Q'eqchi Bible

¹ Ex was wiitz'in, naq xinwulak sa' eeyanq, ink'a' xinwulak chi xpuktesinkil eere li xChaab'il Esil li Yos rik'in xninqal ru aatin malaj rik'in xninqal ru na'leb',

1 Corintios 2:1 ပူးပေါင်းရင်းမြစ်များ

1 Corintios 1:17

Li Cristo incꞌaꞌ quinixtakla chak chi cubsi̱nc haꞌ. Quinixtakla ban chak chixjulticanquil resil li colba-ib. Abanan ma̱cuaꞌ riqꞌuin a̱tin chꞌaꞌaj xtaubal ru xya̱lal quina̱tinac. Cui ta riqꞌuin a̱tin chꞌaꞌaj xtaubal ru quina̱tinac, cuan raj incꞌaꞌ queꞌtaꞌoc ru ut ta̱cana̱k raj chi ma̱cꞌaꞌ rajbal xcamic li Cristo chiruheb.

1 Corintios 2:13

Incꞌaꞌ yo̱co chi a̱tinac chirix li naꞌleb aꞌin riqꞌuin a̱tin xkacꞌoxla kajunes. Yo̱co ban chi a̱tinac riqꞌuin a̱tin quicꞌutbesi̱c chiku xban li Santil Musikꞌej. Li xya̱lal li naxcꞌut chiku li Santil Musikꞌej la̱o nakachꞌolob chiruheb li cuan li Santil Musikꞌej riqꞌuineb.

1 Corintios 2:4

Nak xinchꞌolob xya̱lal che̱ru incꞌaꞌ xina̱tinac riqꞌuin a̱tin joꞌ nequeꞌxba̱nu li cuanqueb xnaꞌleb saꞌ ruchichꞌochꞌ. Xinchꞌolob ban xya̱lal che̱ru joꞌ quixcꞌut chicuu li Santil Musikꞌej, ut li Santil Musikꞌej quiqꞌuehoc xcuanquil li cua̱tin.

2 Timoteo 1:8

Joꞌcan ut nak matxuta̱nac chixchꞌolobanquil resil li Ka̱cuaꞌ Jesucristo chi moco tatxuta̱na̱k inban la̱in xban nak cuanquin chi pre̱xil xban xyebal resil li Ka̱cuaꞌ. Chaqꞌue ban a̱cuib chi tzꞌako̱nc riqꞌuin li raylal nacꞌulman saꞌ xcꞌabaꞌ li evangelio. Ut li Dios ta̱qꞌuehok a̱cuanquil chixcuybal.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

Éxodo 4:10

Tojoꞌnak quichakꞌoc laj Moisés ut quixye: —At Ka̱cuaꞌ, la̱in chꞌaꞌaj li a̱tinac chicuu. Ac cue nak incꞌaꞌ ninnau a̱tinac chalen chak saꞌ incaꞌchꞌinal. Ut chalen ajcuiꞌ anakcuan nak yo̱cat chicua̱tinanquil incꞌaꞌ ninnau a̱tinac, chan laj Moisés.

2 Corintios 11:6

Ma̱re incꞌaꞌ ninnau a̱tinac chi cha̱bil, abanan ninnau chi tzꞌakal lix ya̱lal li ra̱tin li Dios. Ut junelic nincꞌut che̱ru chi tzꞌakal lix ya̱lal.

Apocalipsis 1:2

Ut aꞌan quixye resil chixjunil li quicꞌutbesi̱c chiru. Aꞌan aꞌin li quixye li Dios joꞌ quicꞌutbesi̱c chiru laj Juan xban li Jesucristo.

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

2 Ts 1:10

Chixjunil aꞌin ta̱cꞌulma̱nk saꞌ li cutan nak tol-e̱lk cuiꞌchic li Ka̱cuaꞌ Jesucristo. Saꞌ li cutan aꞌan li Jesucristo ta̱lokꞌoni̱k xbaneb chixjunileb li nequeꞌpa̱ban re. La̱ex cuanquex saꞌ xya̱nkeb aꞌan. Rehex chic li Cristo xban nak ac xepa̱b lix ya̱lal li xkachꞌolob che̱ru.

1 Corintios 1:6

Ac xema̱tani li rusilal li Dios ut nacꞌutun nak ya̱l li quinye e̱re chirix li Cristo.

Hechos 22:18

Ut quicuil li Ka̱cuaꞌ nak quixye cue, “Se̱ba a̱cuib. Elen chi junpa̱t arin Jerusalén xban nak arin Jerusalén incꞌaꞌ teꞌraj rabinquil lix ya̱lal li ta̱chꞌolob chiruheb chicuix la̱in,” chan cue.

Hechos 20:21

Yo̱quin chixjulticanquil chiruheb laj judío ut chiruheb li ma̱cuaꞌeb aj judío, nak teꞌxyotꞌ xchꞌo̱l ut teꞌxjal xcꞌaꞌux chiru li Dios ut teꞌpa̱ba̱nk saꞌ xcꞌabaꞌ li Ka̱cuaꞌ Jesucristo.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

1 Timoteo 1:11

Li katijbal aꞌan li quicꞌuteꞌ chiku xban li lokꞌlaj colba-ib li naxqꞌue ke li nimajcual Dios, li tenebanbil saꞌ inbe̱n xyebal resilal yalak bar.

2 Corintios 10:10

Cuan li nequeꞌa̱tinac chicuix ut nequeꞌxye chi joꞌcaꞌin: “Laj Pablo naxtzꞌi̱ba lix hu riqꞌuin cacuil a̱tin re nak toxucuak xban. Abanan nak cuan saꞌ kaya̱nk, yo̱ xxiu ut ma̱cꞌaꞌ na-oc cuiꞌ li cꞌaꞌru naxye,” chanqueb chicuix.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

1 Corintios 2:7

Abanan la̱in ninchꞌolob xya̱lal li naꞌleb li quixqꞌue li Dios. Li naꞌleb aꞌan mukmu nak quicuan chak junxil. Incꞌaꞌ natauman ru nak quicuan. Abanan chalen chak najter kꞌe cutan nak toj ma̱jiꞌ quixyi̱b li ruchichꞌochꞌ ac cuan chak saꞌ xchꞌo̱l li Dios nak tixqꞌue li kalokꞌal ut li kalokꞌal, aꞌan li kacolbal.