1 Corintios 16:7 - Li Santil hu

⁷ Incꞌaꞌ nacuaj nak yal numecꞌ cue nak tincuulak e̱riqꞌuin. Nacuaj ban tincua̱nk jarubak cutan e̱riqꞌuin cui joꞌcan naraj li Ka̱cuaꞌ Dios.

Q'eqchi Bible

⁷ Xb'aan naq ink'a' nawaj naq yal tinnume'q eerik'in, twaj b'an tinwanq jarub'aq kutan sa' eeyanq, wi jo'kan naraj li Qaawa'.

1 Corintios 16:7 ပူးပေါင်းရင်းမြစ်များ

Hechos 18:21

Quixchakꞌrabiheb ban ut quixye reheb: —Tento nak tinxic chixnumsinquil li ninkꞌe Jerusalén xban nak cuulac re xkꞌehil. La̱in tincha̱lk cuiꞌchic e̱riqꞌuin cui joꞌcan naraj li Dios, chan. Ut qui-el aran Éfeso.

Santiago 4:15

Joꞌcaꞌin raj te̱ye: Cui li Dios naraj, tixqꞌue kayuꞌam ut takaba̱nu li bar cuan nakacꞌoxla xba̱nunquil.

1 Corintios 4:19

Aꞌan moco ya̱l ta. Cui li Dios naxqꞌue cue, chi se̱b tincuulak e̱riqꞌuin. Aran toxintau xya̱lal. Tincuil ma caꞌaj cuiꞌ a̱tinac nequeꞌxnau li kꞌetkꞌeteb. Toj aran tincuil ma ya̱l na nak cuan xcuanquil li Dios riqꞌuineb.

2 Corintios 1:15

Caꞌ sut raj xincꞌoxla numecꞌ e̱riqꞌuin xban nak ninnau nak xine̱cꞌul raj chi sa saꞌ e̱chꞌo̱l. Joꞌcan nak xinnumeꞌ raj e̱riqꞌuin nak xinchal arin Macedonia.

Romanos 1:10

Cui li Dios naxqꞌue cue, chi se̱b tincuulak e̱riqꞌuin. Aꞌan li nintzꞌa̱ma junelic chiru li Dios.

Jeremías 10:23

Laj Jeremías quitijoc ut quixye: —At Ka̱cuaꞌ, la̱in ninnau nak li cui̱nk incꞌaꞌ tixtakla rib xjunes. Moco aꞌan ta yal re saꞌ xbe̱n li tixba̱nu.

Proverbios 19:21

Eb li cristian nabal li cꞌaꞌak re ru nequeꞌxcꞌu̱b ru. Abanan caꞌaj cuiꞌ li Dios yal re ma ta̱uxma̱nk chixjunil li nequeꞌxcꞌu̱b ru.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.