1 Corintios 16:6 - Li Santil hu

⁶ Ma̱re tinba̱yk caꞌchꞌinak e̱riqꞌuin. Ma̱re toj tinnumsi li habalkꞌe e̱riqꞌuin re nak cua̱nk saꞌ e̱chꞌo̱l nak tine̱tenkꞌa chi xic tojaꞌ yal na bar tinxic.

Q'eqchi Bible

⁶ Mare toxinkanaaq jun k'amokaq sa' eeyanq; mare toj tinnumsi li hab'alq'e eerik'in, re naq laa'ex tineerochb'eeni kach'inaq toja' yaal tana b'ar tinxik.

1 Corintios 16:6 ပူးပေါင်းရင်းမြစ်များ

Hechos 15:3

Queꞌtakla̱c xbaneb laj pa̱banel aran Antioquía. Nak yo̱queb chi numecꞌ Fenicia ut Samaria, queꞌxye resil nak queꞌpa̱ban li ma̱cuaꞌeb aj judío. Ut cꞌajoꞌ nak queꞌsahoꞌ saꞌ xchꞌo̱leb chixjunileb laj pa̱banel rabinquil nak yo̱queb chi pa̱ba̱nc.

Romanos 15:24

Nincꞌoxla nak toxinnumekꞌ che̱rilbal nak tinxic España. Nacuaj rilbal e̱ru re nak ta̱sahokꞌ inchꞌo̱l ut nacuaj ajcuiꞌ nak tine̱tenkꞌa re nak ta̱ru̱k tinxic España.

Tito 3:12

Tintakla a̱cuiqꞌuin laj Artemas malaj ut laj Tíquico. Nak ta̱cuulak a̱cuiqꞌuin, tatxic chi junpa̱t Nicópolis. Aran toxina̱tau xban nak nincꞌoxla nak us tinnumsi li habalkꞌe aran.

2 Corintios 1:16

Ut nincꞌoxla numecꞌ e̱riqꞌuin nak tinsukꞌi̱k. Ut ninnau nak tine̱tenkꞌa la̱ex chi xic aran Judea.

1 Corintios 16:11

Joꞌcan ut ma̱ ani chitzꞌekta̱na̱nk re. Chetenkꞌa riqꞌuin li cꞌaꞌru re, re nak ta̱cha̱lk cuiꞌchic cuiqꞌuin saꞌ xya̱lal. La̱in yo̱quin chiroybeninquil nak ta̱cha̱lk cuiꞌchic cuiqꞌuin rochbeneb li herma̱n.

Hechos 28:11

Ut nak quinumeꞌ oxib po, co-oc saꞌ jun li jucub re Alejandría li yo̱ chixnumsinquil li habalkꞌe saꞌ li naꞌajej Malta. Li jucub aꞌan cuan retalil lix dioseb chiru. Cástor ut Pólux xcꞌabaꞌeb.

Hechos 27:12

Ut xban nak ma̱cꞌaꞌ junak naꞌajej bar ta̱ru̱k teꞌxnumsi cuiꞌ li habalkꞌe chi sa saꞌ xchꞌo̱leb, li xqꞌuialeb queꞌxye nak us li e̱lc aran cui ta̱ru̱k teꞌcuulak Fenice re teꞌxnumsi li habalkꞌe aran. Aꞌan jun li tenamit xcue̱nt Creta. Saꞌ li naꞌajej aꞌan cuan cuib li oqueba̱l re li jucub. Jun nacana saꞌ li suroeste ut li jun chic nacana saꞌ li noroeste.

Hechos 21:5

Nak ac xnumeꞌ li cuukub cutan, co-el saꞌ li tenamit Tiro ut co̱o. Ut queꞌco̱eb laj pa̱banel chikacanabanquil rochbeneb li rixakil ut lix cocꞌaleb. Nak cocuulac chire li palau, cocuikꞌla ut co-oc chi tijoc.

Hechos 20:38

Cꞌajoꞌ xrahil queꞌrecꞌa nak queꞌrabi li a̱tin li quixye laj Pablo nak incꞌaꞌ chic teꞌril ru. Ut nak co̱, coxeꞌxcanab chak chire li palau cuan cuiꞌ li jucub.

Hechos 17:15

Eb li queꞌco̱eb chi canaba̱nc re laj Pablo, queꞌxcꞌam toj saꞌ li tenamit Atenas. Nak queꞌsukꞌi Berea, laj Pablo quixtakla resil chirixeb nak laj Silas ut laj Timoteo teꞌxic Atenas chi junpa̱t.