1 Corintios 16:2 - Li Santil hu

² Rajlal xama̱n, saꞌ li xbe̱n cutan re li xama̱n, che̱junju̱nkalex te̱qꞌue li joꞌ qꞌuial texru̱k aꞌ yal joꞌ nimal le̱ tojbal te̱cꞌul. Ut li tumin aꞌin ac xocbilak e̱ban nak tincuulak e̱riqꞌuin re nak incꞌaꞌ yo̱kex chi xococ tumin nak tincuulak la̱in.

Q'eqchi Bible

² Rajlal domiing li junjunq sa' eeyanq chixk'uulahaq sa' rochoch jo'ch'inal jo'nimal xruhank xxokb'al, re naq ink'a' yooqex chi kub'sink naq toxin'elq laa'in.

1 Corintios 16:2 ပူးပေါင်းရင်းမြစ်များ

Hechos 20:7

Ut saꞌ xbe̱n li cutan re li xama̱n, chꞌutchꞌu̱queb laj pa̱banel chi cuaꞌac saꞌ comonil. Laj Pablo yo̱ chixtzolbaleb. Ac cuulajak naxic. Tuktu kꞌojyi̱n toj yo̱ chi a̱tinac.

San Lucas 16:10

Li ani ti̱c xchꞌo̱l chixba̱nunquil li yal caꞌchꞌin, ti̱cak ajcuiꞌ xchꞌo̱l chixba̱nunquil li nabal. Ut li ani incꞌaꞌ ti̱c xchꞌo̱l chixba̱nunquil li yal caꞌchꞌin, incꞌaꞌ ajcuiꞌ ti̱cak xchꞌo̱l chixba̱nunquil li nabal.

Deuteronomio 8:18

Chinak ban saꞌ e̱chꞌo̱l nak li Ka̱cuaꞌ, aꞌan li naqꞌuehoc le̱ cuanquil chi biomocꞌ. Naxba̱nu aꞌan re nak ta̱tzꞌaklok ru li contrato li quixba̱nu riqꞌuineb le̱ xeꞌto̱nil yucuaꞌ joꞌ yo̱ chixba̱nunquil e̱re anakcuan.

Apocalipsis 1:10

Saꞌ li cutan nak nakachꞌutub kib chixlokꞌoninquil li Ka̱cuaꞌ, riqꞌuin xcuanquil li Santil Musikꞌej, li Dios quixcꞌutbesi jun li visión chicuu. Quicuabi jun xya̱b cux chicuix. Chanchan xya̱b jun li trompeta yo̱ chi ecꞌa̱nc.

San Juan 20:19

Saꞌ li xbe̱n cutan re li xama̱n, nak ac oc re li kꞌojyi̱n, queꞌxchꞌutub ribeb lix tzolom li Jesús. Tzꞌaptzꞌo chi us lix puertil li cab li chꞌutchꞌu̱queb cuiꞌ xban nak queꞌxucuac xbaneb li nequeꞌtaklan saꞌ xbe̱neb laj judío. Xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan reheb.

San Lucas 24:1

Saꞌ li xbe̱n li cutan re li xama̱n, toj ekꞌela chi us, co̱eb li ixk cuan cuiꞌ li mukleba̱l. Queꞌxcꞌam li sununquil ban li queꞌxyi̱b. Ut cuanqueb jalaneb chic ixk rochbeneb.

2 Crónicas 31:10

Laj Azarías li xbe̱nil aj tij xcomoneb li ralal xcꞌajol laj Sadoc quixye: —Chalen nak eb li tenamit queꞌxtiquib xqꞌuebal lix mayej junelic cuan li katzacae̱mk. Nocotzacan chi us xban nak li Ka̱cuaꞌ quirosobtesiheb lix tenamit. Chixjunil li cuan arin, aꞌan li na-elaꞌan, chan.

Génesis 26:12

Saꞌ li chihab aꞌan laj Isaac qui-au saꞌ li naꞌajej aꞌan. Ut kꞌaxal cuiꞌchic nabal li ru li racui̱mk li quixxoc xban nak li Ka̱cuaꞌ Dios quirosobtesi laj Isaac.

San Juan 20:26

Ac xnumeꞌ chic cuukub cutan nak queꞌxchꞌutub cuiꞌchic ribeb lix tzolom li Jesús. Laj Tomás cuan saꞌ xya̱nkeb. Tzꞌaptzꞌo̱queb lix puertil li cab chi us. Nak queꞌril ac xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan.

San Marcos 14:8

Li ixk aꞌin xba̱nu li joꞌ qꞌuial xru xba̱nunquil. Ma̱jiꞌ nincam abanan ac xinixban re lin mukbal.

Génesis 33:11

Nintzꞌa̱ma cha̱cuu nak ta̱cꞌul li ma̱tan li xinqꞌue a̱cue. Anakcuan xinbiomoꞌ xban li Ka̱cuaꞌ Dios. Numtajenak li cꞌaꞌru cue, chan. Laj Jacob quirelaji ru laj Esaú re nak tixcꞌul li ma̱tan toj retal quixcꞌul.

Génesis 32:10

La̱in ma̱cuaꞌ incꞌulub chixjunil li usilal xaba̱nu cue. Ma̱cꞌaꞌ cuan cue nak xinnumeꞌ saꞌ li nimaꞌ Jordán. Caꞌaj cuiꞌ lin xukꞌ natelnac saꞌ cuukꞌ. Ut anakcuan nabal lin biomal cuan xban nak la̱at xatqꞌuehoc re.

Génesis 30:30

Julticak a̱cue nak xincꞌulun a̱cuiqꞌuin, incꞌaꞌ qꞌui li cꞌaꞌru a̱cue. Ut anakcuan numtajenakeb xqꞌuial li cꞌaꞌru a̱cue. Chalen cuoquic a̱cuiqꞌuin, li Ka̱cuaꞌ Dios xatrosobtesi inban. Ut anakcuan ¿jokꞌe naru tintiquib trabajic re nak eb li cualal incꞌajol ta̱cua̱nk cꞌaꞌru reheb? chan.

Génesis 30:27

Ut laj Labán quixye: —Ba̱nu usilal, cana̱kat cuiqꞌuin. Xinqꞌue retal nak saꞌ a̱cꞌabaꞌ la̱at ninrosobtesi li Ka̱cuaꞌ Dios.

2 Corintios 8:10

Nacuaj xyebal e̱re cꞌaꞌru nincꞌoxla chirix le̱ mayej. Us cui te̱choy xba̱nunquil li xetiquib jun haber. La̱ex li xbe̱n li queye nak textenkꞌa̱nk. Ut la̱ex ajcuiꞌ li xbe̱n li quetiquib xba̱nunquil.