1 Corintios 15:8 - Li Santil hu

⁸ Ut chirix chixjunil aꞌan, quixcꞌut ajcuiꞌ rib chicuu la̱in, usta la̱in chanchanin jun cꞌulaꞌal toj ma̱jiꞌ naxtau xkꞌehil xyoꞌlajic xban nak la̱in toj ma̱jiꞌ ninyoꞌla saꞌ lin pa̱ba̱l nak quixcꞌut rib chicuu.

Q'eqchi Bible

⁸ Sa' roso'jik kixk'ut ajwi' rib' chiwu, li jo'kin jun k'uula'al maji' xq'ehil chi yo'laak.

1 Corintios 15:8 ပူးပေါင်းရင်းမြစ်များ

1 Corintios 9:1

¿Ma incꞌaꞌ ta biꞌ naru tinba̱nu li cꞌaꞌru nacuaj la̱in? ¿Ma incꞌaꞌ ta biꞌ la̱in apóstol? La̱in quicuil ru li Ka̱cuaꞌ Jesucristo. Ut saꞌ incꞌabaꞌ la̱in nak xexpa̱ban xban nak la̱in xinyehoc e̱re resil li colba-ib.

Hechos 26:16

Anakcuan ut cuaclin. La̱in xincꞌutbesi cuib cha̱cuu re nak tatinxakab chokꞌ aj cꞌanjel chicuu. La̱at tatchꞌoloba̱nk xya̱lal li cꞌaꞌak re ru xacuil joꞌ ajcuiꞌ li cꞌaꞌak re ru toj tincꞌutbesi cha̱cuu.

Hechos 22:18

Ut quicuil li Ka̱cuaꞌ nak quixye cue, “Se̱ba a̱cuib. Elen chi junpa̱t arin Jerusalén xban nak arin Jerusalén incꞌaꞌ teꞌraj rabinquil lix ya̱lal li ta̱chꞌolob chiruheb chicuix la̱in,” chan cue.

Hechos 18:9

Saꞌ jun li kꞌojyi̱n li Ka̱cuaꞌ quixcꞌutbesi jun li visión chiru laj Pablo ut quixye re: —Matxucuac chi a̱tinac. Chꞌolob ban lix ya̱lal chiruheb li tenamit.

Hechos 9:17

Co̱ ut laj Ananías ut qui-oc saꞌ li cab joꞌ quiyeheꞌ re. Quixqꞌue li rukꞌ saꞌ xbe̱n laj Saulo ut quixye re: —Hermano Saulo, li Ka̱cuaꞌ Jesús, li quixcꞌutbesi rib cha̱cuu saꞌ li be nak yo̱cat chi cha̱lc arin, aꞌan xtaklan chak cue arin re nak ta̱ru̱k tat-ilok cuiꞌchic ut ta̱cꞌul li Santil Musikꞌej, chan laj Ananías re.

Hechos 22:14

Ut quixye cuiꞌchic cue, “Li Dios li queꞌxlokꞌoni chak li kaxeꞌto̱nil yucuaꞌ, aꞌan quisicꞌoc chak a̱cuu re nak ta̱nau ut ta̱ba̱nu li cꞌaꞌru naraj aꞌan. Aꞌan naraj nak ta̱cuil ru li jun li Ti̱c Xchꞌo̱l ut ta̱cuabi li cꞌaꞌru tixye a̱cue.

Hechos 22:6

Ut quixye ajcuiꞌ laj Pablo: —Abanan nak ac cuulac cue Damasco, caꞌchꞌin na chic ma̱ cuaꞌleb, ma̱cꞌaꞌ saꞌ inchꞌo̱l nak quinixsut jun li chanchan xam kꞌaxal saken quichal chak saꞌ choxa.

Hechos 26:12

Aꞌin yo̱quin chixba̱nunquil nak co̱in Damasco. Qꞌuebil incuanquil ut taklanbilin xbaneb li xbe̱nil aj tij.