1 Corintios 15:52 - Li Santil hu

⁵² Saꞌ rosoꞌjic li cutan nak ta̱ecꞌa̱nk chak li trompeta, tojalanokꞌ saꞌ junpa̱t saꞌ jun mutzꞌil u. Nak ta̱ecꞌa̱nk chak li trompeta eb laj pa̱banel li ac camenakeb teꞌcuacli̱k cuiꞌchic chi yoꞌyo ut incꞌaꞌ chic teꞌca̱mk. Ut eb laj pa̱banel li toj yoꞌyo̱queb teꞌjalanokꞌ.

Q'eqchi Bible

⁵² Chiru junpaat, chiru jun mutz'ul, naq taayaab'asiiq li tronpeet sa' roso'jik (xb'aan naq taayaab'asiiq li tronpeet), te'wakliiq chi yo'yo eb' li kamenaq chi ink'a' chik te'q'aaq, ut laa'o toojalano'q.

1 Corintios 15:52 ပူးပေါင်းရင်းမြစ်များ

San Mateo 24:31

Ut nak ta̱ecꞌa̱nk chak chi cau li trompeta, tintaklaheb lin ángel. Ut teꞌxchꞌutub li sicꞌbileb ru inban li cua̱nkeb yalak bar jun sut rubel choxa jun sut saꞌ ruchichꞌochꞌ.

San Juan 5:25

Chi ya̱l ninye e̱re ta̱cuulak xkꞌehil ut anakcuan ajcuiꞌ xcuulac xcutanquil, nak eb li chanchan camenakeb xban li ma̱c teꞌrabi li cua̱tin la̱in li Cꞌajolbej. Ut li teꞌabi̱nk cue teꞌcua̱nk xyuꞌam chi junelic.

San Juan 5:28

Misach e̱chꞌo̱l chirabinquil li yo̱quin chixyebal. Ta̱cuulak xkꞌehil nak chixjunileb li camenak teꞌrabi li cꞌaꞌru tinye.

Isaías 27:13

Saꞌ eb li cutan aꞌan ta̱ya̱basi̱k chi cau li trompeta. Eb laj Israel li queꞌchapeꞌ ut queꞌcꞌameꞌ saꞌ eb li tenamit Asiria ut Egipto teꞌxchꞌutub ribeb ut teꞌxic Jerusalén ut teꞌxlokꞌoni li Ka̱cuaꞌ saꞌ lix santil tzu̱l.

2 Pedro 3:10

Lix kꞌehil lix cꞌulunic li Ka̱cuaꞌ, aꞌan chanchan nak nachal laj e̱lkꞌ. Moco cuan ta resil lix cꞌulunic. Saꞌ li cutan aꞌan ta̱osokꞌ li choxa. Tenlok xya̱b nak ta̱osokꞌ. Ut li cꞌaꞌak re ru cuanqueb chiru teꞌosokꞌ xban li xam. Ta̱cꞌatk li ruchichꞌochꞌ joꞌ ajcuiꞌ chixjunil li cꞌaꞌak re ru li cuan chiru.

1 Corintios 15:42

Joꞌcan ajcuiꞌ la̱o. Jalan chic li kalokꞌal nak tocuacli̱k cuiꞌchic chi yoꞌyo chirix li kacamic. Nak nococam, nocomukeꞌ ut nakꞌa li katibel, abanan nak tocuacli̱k cuiꞌchic chi yoꞌyo jalanako chic ut incꞌaꞌ chic toca̱mk.

Zacarías 9:14

Li Ka̱cuaꞌ ta̱cꞌamok be chiruheb lix tenamit nak teꞌxic chi pletic. Chanchanak rakꞌ ca̱k nak tixcut lix flecha. Li Ka̱cuaꞌ Dios tixya̱basi lix trompeta. Chanchanak li cacuil ikꞌ li nachal saꞌ li sur nak ta̱xic chi pletic.

Apocalipsis 8:13

Ut quicuil jun chanchan nimla cꞌuch yo̱ chi rupupic chiru choxa, ut yo̱ chixjapbal re chixyebal: —Cꞌajoꞌ li raylal, cꞌajoꞌ li raylal. Cꞌajoꞌ li raylal li ta̱cha̱lk saꞌ xbe̱neb li cuanqueb saꞌ ruchichꞌochꞌ nak teꞌya̱basi̱k li oxib chic chi trompeta xbaneb li oxib chi ángel, chan.

1 Corintios 15:50

Ex inherma̱n, li nacuaj xyebal e̱re, aꞌan aꞌin: li katibel ut li kaquiqꞌuel incꞌaꞌ ta̱oc saꞌ lix nimajcual cuanquilal li Dios xban nak aꞌan nakꞌa. Li bar cuan nakꞌa incꞌaꞌ naru ta̱re̱chani lix nimajcual cuanquilal li Dios xban nak aꞌan incꞌaꞌ nakꞌa.

Apocalipsis 8:2

Ut quicuil cuukub li ángel xakxo̱queb chiru li Dios. Ut queꞌqꞌueheꞌ cuukub li trompeta reheb.

Ezequiel 33:6

Cui laj ilol re li tenamit ta̱ril nak yo̱keb chi cha̱lc li xicꞌ nequeꞌiloc reheb ut incꞌaꞌ tixya̱basi lix trompeta, eb li tenamit teꞌcamsi̱k xbaneb, ut laj ilol re li tenamit, aꞌan cuan xma̱c xban nak ma̱cꞌaꞌ xba̱nu re xcolbaleb.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Éxodo 19:16

Saꞌ rox li cutan toj ekꞌela, natenloc li ca̱k ut nareploc li rakꞌ ca̱k. Quicuan jun chok kꞌaxal moymo ru saꞌ xbe̱n li tzu̱l. Chixjunileb li tenamit queꞌrabi xya̱b li trompeta chi cau ut nequeꞌsicsot xbaneb xxiu.

Ezequiel 33:3

Nak laj ilol re li tenamit ta̱ril nak yo̱queb chi cha̱lc li xicꞌ nequeꞌiloc reheb, tixya̱basi li trompeta re xyebal resil re li tenamit nak xeꞌchal chi pletic.

Salmos 73:19

Saꞌ junpa̱t teꞌsachekꞌ ruheb. Cꞌajoꞌ nak teꞌxucuak.

Éxodo 20:18

Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Números 10:4

Cui jun ajcuiꞌ li trompeta ta̱ya̱basi̱k, teꞌxchꞌutub ribeb cha̱cuu eb li nequeꞌjolomin reheb li junju̱nk xte̱paleb laj Israel.

Éxodo 33:5

Ac xyehom li Dios re laj Moisés nak tixye li a̱tin aꞌin reheb li tenamit. —Ye reheb laj Israel, chan, nak kꞌaxal cauheb xchꞌo̱l. Cui tincuochbeniheb junpa̱tak naru tinsacheb chi junaj cua. Incꞌaꞌ chic teꞌrocsi lix sahob ru li rakꞌeb re nak tinnau ma yo̱queb chinpa̱banquil, chan li Dios.

Números 16:45

—Isihomak e̱rib saꞌ xya̱nkeb laj Israel re nak ta̱ru̱k tinsach ruheb chi junaj cua, chan. Ut queꞌxhupub ribeb saꞌ chꞌochꞌ.

Números 16:21

—Elenkex saꞌ xya̱nkeb li tenamit aꞌin re nak tinsach ruheb chixjunileb saꞌ junpa̱t, chan.

1 Corintios 15:23

Ut nak teꞌcuacli̱k cuiꞌchic chi yoꞌyo eb li camenak, moco jun cuaclijiqueb ta nak teꞌcuacli̱k chak. Li xbe̱n li quicuacli chak chi yoꞌyo, aꞌan li Jesucristo. Ut mokon nak tol-e̱lk cuiꞌchic li Jesucristo, teꞌcuacli̱k chak eb li queꞌpa̱ban re.

1 Ts 4:15

Aꞌin ra̱tin li Ka̱cuaꞌ Jesucristo nakaye e̱re, nak cui la̱o toj yoꞌyo̱ko saꞌ lix cꞌulunic li Ka̱cuaꞌ Jesucristo, ma̱cuaꞌ la̱o li tocꞌamekꞌ xbe̱n cua. Aꞌ li ac camenakeb, aꞌan eb li teꞌcꞌamekꞌ xbe̱n cua riqꞌuin li Ka̱cuaꞌ.