1 Corintios 15:5 - Li Santil hu

⁵ Chirix aꞌan li Ka̱cuaꞌ Jesucristo quixcꞌut rib chiru li apóstol Pedro ut quixcꞌut ajcuiꞌ rib chiruheb chixjunileb li apóstol.

Q'eqchi Bible

⁵ kixk'ut rib' chiru laj Sefas ut moqon chik chiruheb' li Kab'laju.

1 Corintios 15:5 ပူးပေါင်းရင်းမြစ်များ

San Marcos 16:14

Mokon chic eb li junlaju chi xtzolom cuanqueb saꞌ me̱x nak quixcꞌutbesi rib li Jesús chiruheb. Ut quixkꞌuseb xban nak incꞌaꞌ queꞌpa̱ban ut xban xcacuil lix chꞌo̱leb. Incꞌaꞌ queꞌxpa̱b li cꞌaꞌru queꞌxye li queꞌiloc ru li Jesús xbe̱n cua nak ac xcuacli cuiꞌchic chi yoꞌyo saꞌ xya̱nkeb li camenak.

1 Corintios 1:12

¿Cꞌaꞌut nak jalan jala̱nk nequecꞌoxla che̱ju̱nkal? Cuan nequeꞌxye: La̱o xtzolom laj Pablo. Ut cuan nequeꞌxye: La̱o xtzolom laj Apolos. Ut cuan ajcuiꞌ li nequeꞌxye: La̱o xtzolom laj Pedro ut cuan cuiꞌchic nequeꞌxye: La̱o xtzolom li Cristo.

San Juan 1:42

Ut quixcꞌam laj Simón riqꞌuin li Jesús. Li Jesús quiril aꞌan ut quixye re: —La̱at laj Simón li ralal laj Jonás. Anakcuan Pedro chic a̱cꞌabaꞌ.— (Chi jalbil ru naraj naxye “Pec”.)

1 Corintios 9:5

Eb li ri̱tzꞌin li Ka̱cuaꞌ Jesucristo cuanqueb rixakil ut nequeꞌxcꞌam chirixeb bar nequeꞌxic. Ut joꞌcan ajcuiꞌ naxba̱nu li apóstol Pedro. ¿Ma incꞌaꞌ ta biꞌ raj ta̱ru̱k tinsumla̱k riqꞌuin junak ixk aj pa̱banel la̱in ut tincꞌam chicuix bar tinxic joꞌ nequeꞌxba̱nu eb li apóstol jun chꞌol chic?

1 Corintios 3:22

Usta laj Apolos, usta la̱in, usta laj Pedro, la̱o yal aj cꞌanjelo che̱ru. Usta li ruchichꞌochꞌ, usta li yuꞌam, usta li ca̱mc, e̱re ajcuiꞌ re nak teꞌcꞌanjelak che̱ru. Chixjunil li cuan anakcuan e̱re la̱ex ut e̱re ajcuiꞌ li toj cha̱lel chiku.

Hechos 10:41

Incꞌaꞌ quixcꞌutbesi rib chiruheb chixjunileb. Caꞌaj cuiꞌ chiruheb li quisiqꞌueꞌ ruheb junxil xban li Dios. La̱o cocuaꞌac ut co-ucꞌac riqꞌuin nak ac xcuacli cuiꞌchic chi yoꞌyo saꞌ xya̱nkeb li camenak.