1 Corintios 15:3 - Li Santil hu

³ Li cꞌaꞌru quixcꞌut li Ka̱cuaꞌ chicuu, aꞌan ajcuiꞌ li xinchꞌolob che̱ru. Lix ya̱lal aꞌan kꞌaxal nim xcuanquil ut aꞌan aꞌin: nak li Ka̱cuaꞌ Jesucristo quicam re xtojbal rix li kama̱c joꞌ tzꞌi̱banbil najter saꞌ li Santil Hu xbaneb li profeta.

Q'eqchi Bible

³ Xb'een xb'een xinnumsi cheru li k'aru xink'ul ajwi' laa'in: naq li Kriist kikamk xb'aan li qamaak, jo' ak yeeb'il chaq resil chi junxilaj xb'aan li Santil Hu;

1 Corintios 15:3 ပူးပေါင်းရင်းမြစ်များ

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Gálatas 1:4

Li Jesucristo quixkꞌaxtesi rib chi ca̱mc saꞌ xcꞌabaꞌ li kama̱c xban nak joꞌcan quiraj li Dios Acuabej. Quixba̱nu aꞌan re kacolbal chiru li ma̱usilal saꞌ li ruchichꞌochꞌ.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

Gálatas 1:12

Ma̱cuaꞌ yal riqꞌuin junak cui̱nk quicuabi, chi moco riqꞌuin ta junak cui̱nk quintzol cuib. Aꞌ ban li Ka̱cuaꞌ Jesucristo, aꞌan li quicꞌutbesin re chicuu.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

Romanos 4:25

Li Jesucristo quixkꞌaxtesi rib chi ca̱mc xban li kama̱c ut quicuacli cuiꞌchic chi yoꞌyo saꞌ xya̱nkeb li camenak re xti̱cobresinquil li kachꞌo̱l chiru li Dios.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Ezequiel 3:17

—At ralal cui̱nk, la̱in xatinxakab chi cꞌanjelac joꞌ aj ilol reheb li tenamit Israel. La̱at ta̱cuabi li cꞌaꞌru tinye a̱cue ut ta̱chꞌolob lix ya̱lal chiruheb.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

1 Corintios 11:23

Ac xincꞌut che̱ru lix ya̱lal li cuaꞌac re xjulticanquil lix camic li Jesucristo. Aꞌan ajcuiꞌ li quixcꞌut chicuu li Ka̱cuaꞌ. Saꞌ ajcuiꞌ li kꞌojyi̱n nak toj ma̱jiꞌ quikꞌaxtesi̱c li Ka̱cuaꞌ Jesucristo quixchap li caxlan cua.

Hechos 3:18

Riqꞌuin aꞌin quitzꞌakloc ru li queꞌxye chak li profeta najter nak queꞌxye nak tento tixcꞌul li rahobtesi̱c li Cristo li Mesías, xban nak joꞌcan quixye li Dios.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

1 Pedro 1:11

Eb li profeta queꞌxye resil li raylal tixcꞌul li Cristo ut lix nimal xlokꞌal li ta̱cꞌutbesi̱k mokon. Queꞌxqꞌue xchꞌo̱l chixsiqꞌuinquil ani tzꞌakal li Cristo. Queꞌxsicꞌ xya̱lal jokꞌe ut cꞌaꞌru chi cutanil ta̱cꞌulma̱nk li yo̱ chi cꞌutbesi̱c chiruheb xban li Santil Musikꞌej.

Efesios 1:7

Kꞌaxal numtajenak li rusilal li Dios li quixqꞌue ke xban nak riqꞌuin xcamic li Jesucristo, cuan kacolbal ut cuybil sachbil chic li kama̱c.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

Romanos 3:25

Li Dios quixtakla chak li Ka̱cuaꞌ Jesucristo chi ca̱mc re xcuybal xma̱queb li teꞌpa̱ba̱nk re. Riqꞌuin li quixba̱nu quicꞌutun lix ti̱quilal xchꞌo̱l li Dios. Xban lix nimal xcuyum, incꞌaꞌ quixqꞌue saꞌ xchꞌo̱l lix ma̱queb li tenamit li queꞌma̱cob chak junxil.

San Mateo 26:28

xban nak aꞌan aꞌin lin quiqꞌuel li ta̱hoyekꞌ re nak ta̱cuyekꞌ xma̱queb nabal chi tenamit. Ut aꞌan ta̱xakaba̱nk xcuanquil li Acꞌ Contrato.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

Hebreos 5:3

Xban nak yal cui̱nk li xyucuaꞌil aj tij, joꞌcan nak rajlal namayejac re xtojbal rix lix ma̱c aꞌan. Ut namayejac ajcuiꞌ re xtojbal rix lix ma̱queb chixjunileb li tenamit.

Hebreos 5:1

Saꞌ xya̱nkeb laj judío cuanqueb xyucuaꞌil aj tij. Li junju̱nk sicꞌbil ru saꞌ xya̱nkeb li cui̱nk chi cꞌanjelac chiru li Dios. Naxtenkꞌaheb li tenamit riqꞌuin xqꞌuebal li mayej quicꞌ ut li cꞌaꞌak chic re ru chi mayejil re xtojbal rix lix ma̱queb.

1 Corintios 11:2

Ex inherma̱n, cꞌajoꞌ nasahoꞌ saꞌ inchꞌo̱l nak ninjulticoꞌ e̱re ut yo̱quex chixba̱nunquil li tijleb xexintzol cuiꞌ.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

San Mateo 26:24

Relic chi ya̱l la̱in li Cꞌajolbej tincamsi̱k joꞌ tzꞌi̱banbil retalil chicuix saꞌ li Santil Hu. Abanan raylal cuan saꞌ xbe̱n li cui̱nk aꞌan li ta̱kꞌaxtesi̱nk cue. Kꞌaxal us raj chokꞌ re li cui̱nk aꞌan nak incꞌaꞌ raj quiyoꞌla, chan li Jesús.

San Lucas 24:25

Ut li Jesús quixye reheb: —¡La̱ex ma̱cꞌaꞌ e̱naꞌleb ut a̱l le̱ chꞌo̱l chixpa̱banquil chixjunil li cꞌaꞌru queꞌxye chak li profeta!

Hechos 8:32

Ut li hu li yo̱ chirilbal xsaꞌ, aꞌan li quixtzꞌi̱ba li profeta Isaías. Naxye chi joꞌcaꞌin: Nak yo̱ xrahobtesinquil, quixcubsi rib ut ma̱ jun a̱tin quixye joꞌ jun carner nak quicꞌameꞌ chi camsi̱c. Chanchan nak naxcanab rib li carner chi besecꞌ li rix chiruheb li nequeꞌbesoc re, joꞌcan quixba̱nu aꞌan. Ut ma̱ jun a̱tin quixye.

Hechos 17:2

Laj Pablo qui-oc saꞌ li cab li nequeꞌxchꞌutub cuiꞌ ribeb laj judío joꞌ cꞌaynak chixba̱nunquil. Oxib li hiloba̱l cutan quixnumsi aran ut yo̱ chixchꞌolobanquil chiruheb lix ya̱lal li naxye saꞌ li Santil Hu.