1 Corintios 15:2 - Li Santil hu

² Aꞌan aꞌin lix ya̱lal li xinchꞌolob che̱ru, li xexcoleꞌ cuiꞌ. La̱ex colbilex chic cui nequexpa̱ban chi tzꞌakal ut incꞌaꞌ nequecanab xpa̱banquil. Abanan cui incꞌaꞌ nequepa̱b chi anchal e̱chꞌo̱l, ma̱cꞌaꞌ rajbal nak xexpa̱ban.

Q'eqchi Bible

² Xb'aan ajwi' a'an kolb'ilex, wi nekek'uula sa' leech'ool jo' chanru xinpuktesi cheru. Wi ut ink'a', maak'a' rajb'al naq xex'ok chi paab'ank.

1 Corintios 15:2 ပူးပေါင်းရင်းမြစ်များ

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

Hebreos 2:1

Xban nak li Cristo kꞌaxal lokꞌ chiruheb li ángel, joꞌcan nak takaqꞌue kachꞌo̱l chixpa̱banquil li cꞌaꞌru xkabi, re nak incꞌaꞌ ta̱sachk saꞌ kachꞌo̱l lix ya̱lal.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

2 Timoteo 1:9

Aꞌan quicoloc ke ut quixsicꞌ chak ku re nak tocꞌanjelak saꞌ ti̱quilal. Ma̱cuaꞌ xban kayehom kaba̱nuhom nak quixsicꞌ ku. Yal xban li rusilal ban, xban nak joꞌcan quiraj. Saꞌ xcꞌabaꞌ li Jesucristo nak quiruxta̱na ku, xban nak ac joꞌcan chak saꞌ xchꞌo̱l junxilaj nak toj ma̱jiꞌ quixyi̱b li ruchichꞌochꞌ.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

Efesios 2:8

Ya̱l nak xepa̱b li Jesucristo ut colbilex chic. Abanan yal xban rusilal li Dios nak colbilex. Ma̱cuaꞌ xban e̱yehom e̱ba̱nuhom. Yal e̱ma̱tan ban xban li Dios.

1 Corintios 1:18

Nak nequeꞌrabi resil lix camic li Cristo chiru li cruz, ma̱cꞌaꞌ na-oc cuiꞌ chiruheb li teꞌxic saꞌ xbalba. To̱ntil naꞌleb aꞌan chanqueb. Aban chiku la̱o li ac xocoleꞌ kꞌaxal lokꞌ aꞌan xban nak aꞌan xcuanquil li Dios.

Santiago 2:26

Junak tzꞌejcualej ma̱cꞌaꞌ chic xmusikꞌ, ma̱cꞌaꞌ na-oc cuiꞌ xban nak camenak chic. Joꞌcan ajcuiꞌ li kapa̱ba̱l. Cui incꞌaꞌ nakaba̱nu li us, ma̱cꞌaꞌ na-oc cuiꞌ.

Santiago 2:14

Ex inherma̱n, ¿cꞌaꞌru aj e nak tixye junak nak aꞌan aj pa̱banel cui incꞌaꞌ yo̱ chixba̱nunquil li us? Cui joꞌcan yo̱ chixba̱nunquil, ma̱cꞌaꞌ na-oc cuiꞌ lix pa̱ba̱l. Moco naru ta ta̱colekꞌ xban.

Hebreos 10:23

Joꞌcan nak cauhak taxak kachꞌo̱l saꞌ li kapa̱ba̱l xban nak li Dios naxqꞌue li cꞌaꞌru naxyechiꞌi ke.

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

Santiago 2:17

Joꞌcan ajcuiꞌ nakacꞌul riqꞌuin li kapa̱ba̱l. Cui nakaye nak nakapa̱b li Cristo ut incꞌaꞌ nakaba̱nu li us, camenak li kapa̱ba̱l. Ma̱cꞌaꞌ na-oc cuiꞌ.

Hebreos 4:14

Li Ka̱cuaꞌ Jesucristo, li Ralal li Dios, aꞌan lix yucuaꞌil aj tij chokꞌ ke. Quitakeꞌ saꞌ choxa ut cuan chak riqꞌuin li Dios Acuabej. Yo̱ chak chi oque̱nc chikix chiru li Dios. Joꞌcan nak cauhak taxak kachꞌo̱l saꞌ li kapa̱ba̱l.

2 Ts 2:15

Joꞌcan ut ex herma̱n, cauhak taxak e̱chꞌo̱l saꞌ le̱ pa̱ba̱l. Me̱canab xpa̱banquil le̱ tijbal li xkachꞌolob che̱ru nak xoa̱tinac e̱riqꞌuin. Chi moco te̱canab xpa̱banquil li cꞌaꞌru xkatakla xyebal e̱re saꞌ li hu li xkatakla e̱riqꞌuin.

Gálatas 3:4

¿Ma te̱canab chi ma̱cꞌaꞌ rajbal chixjunil li quecꞌul chi joꞌcanan? La̱in ninye nak incꞌaꞌ te̱ba̱nu chi joꞌcan.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

Romanos 1:16

Incꞌaꞌ ninxuta̱nac chixchꞌolobanquil xya̱lal li colba-ib xban nak aꞌan lix nimal xcuanquil li Dios re xcolbal chixjunil li teꞌpa̱ba̱nk re. Li colba-ib xbe̱n cua qꞌuebil reheb laj judío ut qꞌuebil ajcuiꞌ reheb li ma̱cuaꞌeb aj judío.

Proverbios 4:13

Cheqꞌuehak saꞌ e̱chꞌo̱l le̱ naꞌleb li yo̱quin chixqꞌuebal. Ut me̱canab xba̱nunquil li us, xban nak riqꞌuin aꞌan nacuan le̱ yuꞌam chi junelic.

Proverbios 3:1

Ex cualal incꞌajol, misach saꞌ e̱chꞌo̱l lin chakꞌrab. Chi anchal ban le̱ chꞌo̱l chepa̱bak le̱ taklanquil inban.

2 Corintios 2:15

Chanchano li sununquil ban li quixmayeja li Cristo chiru li Dios. Lix bo̱c nacuulac riqꞌuineb li nequeꞌcoleꞌ ut nacuulac ajcuiꞌ riqꞌuineb li nequeꞌsach.

1 Corintios 15:14

Cui ta incꞌaꞌ quicuacli cuiꞌchic chi yoꞌyo li Jesucristo, ma̱cꞌaꞌ raj xya̱lal li nakajultica resil, ut ma̱cꞌaꞌ raj rajbal li xepa̱b.

1 Corintios 1:21

Li Dios naxnau chixjunil. Ac cuan saꞌ xchꞌo̱l li Dios nak li cuanqueb saꞌ ruchichꞌochꞌ ma̱ jaruj teꞌxtau ru xnaꞌleb li Dios yal xjuneseb rib. Joꞌcan nak quiraj xcolbaleb li teꞌpa̱ba̱nk re li resil li colba-ib usta cuan li nequeꞌyehoc re nak to̱ntil naꞌleb li yo̱co chixjulticanquil che̱ru chirix li Cristo.

Romanos 11:22

Cheqꞌuehak retal nak kꞌaxal cha̱bil li Dios, abanan najoskꞌoꞌ ajcuiꞌ saꞌ xbe̱neb li nequeꞌtzꞌekta̱nan re li Cristo. Riqꞌuin cacuil a̱tin narakoc a̱tin saꞌ xbe̱neb li nequeꞌkꞌetoc re li ra̱tin. Cha̱bilak e̱riqꞌuin la̱ex cui texcua̱nk junelic saꞌ li rusilal. Cui incꞌaꞌ nequexcuan saꞌ li rusilal tex-isi̱k ajcuiꞌ la̱ex.

Hechos 8:13

Ut quipa̱ban ajcuiꞌ laj Simón ut quicubsi̱c xhaꞌ. Ut yo̱ chi xic chirix laj Felipe yalak bar. Quisach xchꞌo̱l chirilbaleb li milagro ut li sachba chꞌo̱lej li yo̱ chixba̱nunquil laj Felipe.

Hechos 2:47

Queꞌxlokꞌoni li Ka̱cuaꞌ Dios ut queꞌqꞌueheꞌ xcuanquil xbaneb chixjunileb li tenamit. Ut rajlal cutan li Dios quixtenkꞌaheb chi qꞌuia̱nc laj pa̱banel.

Proverbios 23:23

Li naꞌleb ut lix ya̱lal ut li kꞌusecꞌ kꞌaxal terto xtzꞌak. Me̱canab chi numecꞌ yal chi joꞌcan.

1 Corintios 11:2

Ex inherma̱n, cꞌajoꞌ nasahoꞌ saꞌ inchꞌo̱l nak ninjulticoꞌ e̱re ut yo̱quex chixba̱nunquil li tijleb xexintzol cuiꞌ.