1 Corintios 15:1 - Li Santil hu

¹ Anakcuan ex inherma̱n, tinchꞌolob cuiꞌchic che̱ru li resil li colba-ib. Li resil aꞌan, aꞌan li ac xinye e̱re ut xecꞌu̱luban saꞌ e̱chꞌo̱l ut riqꞌuin aꞌan cau chic e̱chꞌo̱l saꞌ le̱ pa̱ba̱l.

Q'eqchi Bible

¹ Ex was wiitz'in, ninjultika eere li Chaab'il Esilal xinpuktesi cheru, li xek'ulub'a ut kaw wi' leech'ool.

1 Corintios 15:1 ပူးပေါင်းရင်းမြစ်များ

1 Pedro 5:12

Laj Silvano, aꞌan jun tzꞌakal aj pa̱banel. Aꞌan ta̱cꞌamok re li hu aꞌin xintzꞌi̱ba chokꞌ e̱re. Moco qꞌui ta li a̱tin xintzꞌi̱ba e̱re. Riqꞌuin li a̱tin aꞌin yo̱quin chixqꞌuebal e̱naꞌleb. Xinchꞌolob xya̱lal che̱ru chanru li rusilal li Dios. Aꞌin taxak chiqꞌuehok xcacuil e̱chꞌo̱l.

1 Ts 1:6

Xetzol e̱rib kiqꞌuin ut riqꞌuin li Ka̱cuaꞌ Jesucristo. Usta nabal li raylal xecꞌul, abanan xerabi li resilal riqꞌuin li sahil chꞌo̱lejil li quiqꞌueheꞌ e̱re xban li Santil Musikꞌej.

2 Corintios 1:24

Moco yo̱co ta xminbal e̱ru saꞌ le̱ pa̱ba̱l. Ac cau e̱chꞌo̱l saꞌ le̱ pa̱ba̱l. Yo̱co ban che̱tenkꞌanquil re nak sahak e̱chꞌo̱l saꞌ le̱ pa̱ba̱l.

2 Ts 3:6

Ut nakajultica che̱ru ex herma̱n, saꞌ xcꞌabaꞌ li Jesucristo nak cherisi e̱rib riqꞌuineb li herma̱n li yal subuc cutan nequeꞌxba̱nu ut incꞌaꞌ nequeꞌxpa̱b le̱ tijbal qꞌuebil e̱re kaban.

1 Ts 4:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru saꞌ xcꞌabaꞌ li Ka̱cuaꞌ Jesucristo. Aꞌan aꞌin: nak chexcua̱nk taxak saꞌ ti̱quilal joꞌ naraj li Dios ut rajlal yo̱kex chixba̱nunquil chi joꞌcan joꞌ xkacꞌut che̱ru la̱o. Ac yo̱quex chixba̱nunquil, abanan kꞌaxal cuiꞌchic te̱ba̱nu.

1 Ts 2:13

Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

Romanos 2:16

Xakabanbil li Jesucristo xban li Dios re ta̱rakok a̱tin saꞌ xbe̱neb chixjunileb nak ta̱cuulak xkꞌehil. Li Cristo naxnau chanru lix chꞌo̱l li junju̱nk usta mukmu chiku la̱o. Joꞌcan naxye resilal li colba-ib li ninjultica la̱in.

Hechos 11:1

Ut queꞌrabi resil eb li apóstol ut eb laj pa̱banel li cuanqueb Judea nak eb li ma̱cuaꞌeb aj judío yo̱queb ajcuiꞌ chixpa̱banquil li ra̱tin li Dios.

San Juan 12:48

Tento nak ta̱rakekꞌ a̱tin saꞌ xbe̱neb li nequeꞌtzꞌekta̱nan cue, li incꞌaꞌ nequeꞌpa̱ban re li cꞌaꞌru ninye. Li a̱tin li xinye, aꞌan ajcuiꞌ li ta̱qꞌuehok reheb chixtojbal rix lix ma̱queb saꞌ rosoꞌjiqueb li cutan.

1 Corintios 3:6

Chanchano aj acuinel nak nococꞌanjelac chiru li Dios. Chanchan a̱uc xinba̱nu nak xinye resil li colba-ib e̱re. Ut chanchan tꞌakresi̱nc quixba̱nu laj Apolos nak quixchꞌolob lix ya̱lal che̱ru. Abanan aꞌ li Dios quiqꞌuehoc lix mokic.

Romanos 5:2

Xban nak nakapa̱b li Jesucristo nakacꞌul lix nimal rusilal li Dios. Joꞌcan nak cau kachꞌo̱l saꞌ li kapa̱ba̱l. Ut nasahoꞌ kachꞌo̱l xban nak nakanau nak totzꞌako̱nk ajcuiꞌ saꞌ lix nimal xlokꞌal li Dios.

Hechos 2:41

Ut chixjunileb li queꞌpa̱ban re li ra̱tin queꞌcubsi̱c xhaꞌ. Oxib mil tana li queꞌpa̱ban saꞌ li cutan aꞌan ut queꞌoc chokꞌ xcomoneb.

Romanos 11:20

Ya̱l ajcuiꞌ nequeye, aban xban nak incꞌaꞌ nequeꞌpa̱ban joꞌcan nak queꞌisi̱c. Ut la̱ex chic quexletzeꞌ saꞌ xnaꞌajeb aꞌan xban nak nequexpa̱ban. Joꞌcan nak chexucua ru li Dios ut me̱nimobresi e̱rib.

1 Corintios 4:15

Usta cuan laje̱bak mil li nequeꞌchꞌoloban xya̱lal li Cristo che̱ru, abanan la̱in li xinyehoc e̱re resil li colba-ib junxil nak xexpa̱ban. Joꞌcan nak la̱in le̱ yucuaꞌ saꞌ xcꞌabaꞌ li Jesucristo.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.