1 Corintios 14:6 - Li Santil hu

⁶ Ex inherma̱n, ¿cꞌaꞌru ta̱oc cuiꞌ e̱re nak tincuulak e̱riqꞌuin ut tina̱tinak e̱riqꞌuin saꞌ jalanil a̱tin li incꞌaꞌ natauman ru? Ma̱cꞌaꞌ aj e. Abanan cui tina̱tinak e̱riqꞌuin saꞌ le̱ ra̱tinoba̱l, texintenkꞌa nak tinchꞌolob xya̱lal che̱ru joꞌ quicꞌuteꞌ chicuu xban li Dios. Ut ta̱cꞌanjelak che̱ru cui tinye e̱re li ra̱tin li Dios ut tinye e̱re cꞌaꞌru ta̱cꞌulma̱nk joꞌ tzꞌi̱banbil saꞌ li Santil Hu.

Q'eqchi Bible

⁶ Ex was wiitz'in, qayehaq naq laa'in tinwulaq eerik'in, yooqin chi aatinak sa' jalanil aatin li ink'a' neketaw ru: k'a' raj ru teera chirix linwulajik, wi li waatin maak'a' tixk'utb'esi cheru, chi moko tixk'e eechaab'il k'a'uxl, chi moko tixnumsi xyehom li Yos malaj eetzolb'al?

1 Corintios 14:6 ပူးပေါင်းရင်းမြစ်များ

Efesios 1:17

Nintijoc chiru li nimajcual Dios, lix yucuaꞌ li Ka̱cuaꞌ Jesucristo, ut nintzꞌa̱ma chiru nak tixqꞌue e̱naꞌleb re nak te̱tau ru chi tzꞌakal lix naꞌleb li Dios ut re nak te̱tau ru lix ya̱lal chi us.

2 Timoteo 3:16

Chixjunil li tzꞌi̱banbil saꞌ li Santil Hu, aꞌan musikꞌanbil xban li Dios ut nacꞌanjelac re xcꞌutbal chiku lix ya̱lal. Nacꞌanjelac re kakꞌusbal ut re xqꞌuebal kanaꞌleb ut naxcꞌut chiku chanru nak tocua̱nk saꞌ ti̱quilal.

Romanos 6:17

Junxil cuanquex rubel xcuanquil li ma̱c. Aꞌut anakcuan, bantiox re li Dios, chi anchal e̱chꞌo̱l nequepa̱b li tijleb li xekꞌaxtesi cuiꞌ e̱rib.

1 Corintios 14:1

Joꞌcan nak ninye e̱re, cheqꞌuehak e̱chꞌo̱l chi rahoc ut chesicꞌak le̱ ma̱tan li naxqꞌue li Santil Musikꞌej. Li ma̱tan li kꞌaxal lokꞌ, aꞌan xyebal resil li cꞌaꞌru yo̱ chi xcꞌutbal che̱ru li Dios.

2 Juan 1:9

Cui ani junak naxqꞌue xtzꞌakob li quixchꞌolob li Jesucristo, li jun aꞌan ma̱cꞌaꞌ li Dios riqꞌuin. Abanan cui nakapa̱b li cꞌaꞌru quixchꞌolob li Jesucristo, li Dios Acuabej cua̱nk kiqꞌuin ut cua̱nk ajcuiꞌ kiqꞌuin li Jesucristo li Cꞌajolbej.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

2 Pedro 1:5

Abanan incꞌaꞌ tzꞌakal cui caꞌaj cuiꞌ nocopa̱ban. Chikayalak ban kakꞌe chixba̱nunquil li cha̱bilal. Ut chikatzolak kib riqꞌuin li Dios re nak cha̱bilak li kanaꞌleb.

Hebreos 13:9

Me̱qꞌue e̱rib chi balakꞌi̱c xbaneb laj balakꞌ, xban nak jalan jala̱nk li tijleb nequeꞌxye. Ma̱cuaꞌ li cꞌaꞌru nakatzaca li najaloc re li kayuꞌam. Aꞌ ban li rusilal li Dios najaloc re ut naxqꞌue xcacuil kachꞌo̱l.

Tito 3:8

Li a̱tin aꞌin li xinye a̱cue, aꞌan li tzꞌakal ya̱l. La̱in nacuaj nak ta̱chꞌolob lix ya̱lal aꞌin chiruheb li ac xeꞌxpa̱b li Dios re nak teꞌxqꞌue xchꞌo̱l chi cꞌanjelac saꞌ cha̱bilal. Li xya̱lal aꞌin kꞌaxal cha̱bil ut ta̱cꞌanjelak chiruheb chixjunileb.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

2 Timoteo 3:10

Abanan la̱at, Timoteo, ac nacanau li tijleb ninchꞌolob xya̱lal. Xaqꞌue retal chanru nincuan ut li cꞌaꞌru nincꞌoxla xba̱nunquil. Xaqꞌue retal lin pa̱ba̱l ut chanru nak nincuyuc ut chanru ninrahoc. Ut xaqꞌue ajcuiꞌ retal chanru xcacuilal lin chꞌo̱l.

2 Timoteo 2:14

Chajultica lix ya̱lal chiruheb laj pa̱banel. Saꞌ xcꞌabaꞌ li Ka̱cuaꞌ Dios chayehak reheb nak cheꞌxcanabak xcuechꞌinquil ribeb chirix a̱tin xban nak aꞌan ma̱cꞌaꞌ na-oc cuiꞌ. Caꞌaj cuiꞌ xpoꞌbaleb xchꞌo̱l li nequeꞌabin re naxba̱nu.

Filipenses 3:15

Aꞌan taxak li chikara la̱o chikajunilo li ac cau kachꞌo̱l saꞌ li kapa̱ba̱l. Abanan cui la̱ex incꞌaꞌ nequecꞌoxla chi joꞌcan, li Dios ta̱cꞌutuk lix ya̱lal che̱ru.

Efesios 3:4

Nak te̱ril xsaꞌ li hu li xintzꞌi̱ba e̱riqꞌuin, te̱nau nak ninnau chi tzꞌakal lix ya̱lal chirix li Cristo, li mukmu nak quicuan.

2 Corintios 12:7

Li Dios incꞌaꞌ quiraj nak tinnimobresi cuib xban li kꞌaxal lokꞌ quilajxcꞌutbesi chak chicuu. Joꞌcan nak quiqꞌueheꞌ jun li raylal saꞌ inbe̱n. Chanchan li cuan qꞌuix saꞌ intibel nak nacuecꞌa. Aꞌan xtakl laj tza re inrahobtesinquil. Cuan li raylal aꞌin re nak incꞌaꞌ tinnimobresi cuib.

2 Corintios 12:1

Ninnau nak ma̱cꞌaꞌ tinra chirix nak tinnimobresi cuib. Abanan cui tento nak tinba̱nu, nacuaj xserakꞌinquil e̱re cꞌaꞌru quicuil chanchan matqꞌuenbil quinba̱nu. Ut nacuaj xserakꞌinquil cꞌaꞌru quixcꞌutbesi chicuu li Ka̱cuaꞌ.

2 Corintios 11:6

Ma̱re incꞌaꞌ ninnau a̱tinac chi cha̱bil, abanan ninnau chi tzꞌakal lix ya̱lal li ra̱tin li Dios. Ut junelic nincꞌut che̱ru chi tzꞌakal lix ya̱lal.

1 Corintios 10:33

Joꞌcan nak la̱in ninyal inkꞌe chixba̱nunquil li us re xtenkꞌanquil chixjunileb. La̱in incꞌaꞌ yo̱quin chixsicꞌbal li us chokꞌ cue la̱in injunes. Yo̱quin ban chixsicꞌbal li us chokꞌ reheb chixjunileb re nak ta̱ru̱k teꞌcolekꞌ.

Romanos 16:17

Ut nintzꞌa̱ma che̱ru, ex herma̱n, nak cheqꞌuehak retal li nequeꞌyoꞌoban jachoc ib saꞌ e̱ya̱nk ut nequeꞌraj xpoꞌbal ru le̱ pa̱ba̱l, li tzolbilex cuiꞌ. Me̱junaji e̱rib riqꞌuineb aꞌan.

Romanos 15:14

Ex herma̱n, la̱in ninnau nak cha̱bilex ut nequenau lix ya̱lal ut nequeqꞌue ajcuiꞌ e̱naꞌleb chi ribil e̱rib.

Hechos 2:42

Cauheb xchꞌo̱l chixpa̱banquil li tijleb li quichꞌoloba̱c chiruheb xbaneb li apóstol. Junaj xchꞌo̱leb nak cuanqueb ut saꞌ comonil queꞌtijoc ut queꞌcuaꞌac re xjulticanquil lix camic li Jesucristo.

San Mateo 16:26

¿Cꞌaꞌru tixra li cui̱nk cui ta̱re̱chani chixjunil xbiomal li ruchichꞌochꞌ ut tixsach li junelic yuꞌam xban li biomal? ¿Ma cuan ta biꞌ cꞌaꞌru tixtoj cuiꞌ li yuꞌam chi junelic?

San Mateo 16:17

Tojoꞌnak quichakꞌoc li Jesús ut quixye re: —Us xak a̱cue, at Simón, ralalat laj Jonás, xban nak moco cui̱nk ta xcꞌutbesin cha̱cuu lix ya̱lal aꞌin. Lin Yucuaꞌ cuan saꞌ choxa, aꞌan ban li xcꞌutbesin cha̱cuu.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Jeremías 23:32

Yo̱ injoskꞌil saꞌ xbe̱neb li nequeꞌa̱tinac joꞌ profeta ut nequeꞌxye lix matqꞌueb li ma̱cꞌaꞌ nequeꞌoc cuiꞌ. Nequeꞌxqꞌue lin tenamit chi ma̱cobc riqꞌuin li ticꞌtiꞌ nequeꞌxye. Ma̱cuaꞌ la̱in xina̱tinac riqꞌuineb chi moco xinxakabeb chokꞌ profeta. Incꞌaꞌ nequeꞌxtenkꞌaheb lin tenamit, chan li Ka̱cuaꞌ.

Jeremías 16:19

Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.

1 Samuel 12:21

Me̱lokꞌoni chic li jalanil dios. Eb aꞌan incꞌaꞌ naru nequextenkꞌa chi moco naru nequexcol xban nak eb aꞌan ma̱cꞌaꞌ nequeꞌoc cuiꞌ.

1 Corintios 14:7

Ut joꞌcan ajcuiꞌ li cꞌaꞌak re ru incꞌaꞌ yoꞌyo joꞌ li xo̱lb ut li arpa. Cui incꞌaꞌ nachꞌeꞌman chi tzꞌakal incꞌaꞌ nacꞌutun li cꞌaꞌru yo̱ chixya̱basinquil ut ma̱cꞌaꞌ rajbal nak nachꞌeꞌman.