1 Corintios 14:4 - Li Santil hu

⁴ Li ani naa̱tinac saꞌ jalanil a̱tin naxtenkꞌa rib xjunes rib. Abanan li ani naxchꞌolob xya̱lal li ra̱tin li Dios, li jun aꞌan naxtenkꞌaheb li rech aj pa̱banelil saꞌ lix pa̱ba̱leb.

Q'eqchi Bible

⁴ Ani na'aatinak sa' jalanil aatin naxk'uub' xch'ool xjunes rib'; ut li na'aatinak jo' propeet naxk'uub' ru chixjunil li komonil.

1 Corintios 14:4 ပူးပေါင်းရင်းမြစ်များ

1 Corintios 14:22

Riqꞌuin a a̱tin aꞌin nakanau nak li ma̱tan re a̱tinac saꞌ jalan a̱tinoba̱l, aꞌan qꞌuebil joꞌ retalil lix cuanquilal li Dios chiruheb li ma̱cuaꞌeb aj pa̱banel. Ut li ma̱tan re xyebal li cꞌaꞌru naxcꞌutbesi li Dios, aꞌan qꞌuebil re xtenkꞌanquileb laj pa̱banel.

1 Corintios 14:26

Ex herma̱n, aꞌan aꞌin li nacuaj xyebal e̱re. Nak te̱chꞌutub e̱rib chixlokꞌoninquil li Dios, jalan jala̱nk te̱ba̱nu che̱ju̱nkalex. Cuan tixcꞌam chak junak bich; cuan li ta̱qꞌuehok naꞌleb; cuan li ta̱yehok re li quicꞌuteꞌ chiru xban li Dios; cuan li ta̱yehok junak naꞌleb riqꞌuin jalanil a̱tin ut cuan ajcuiꞌ li ta̱jalok ru li ta̱yema̱nk saꞌ li jalanil a̱tin. Abanan chixjunil li te̱ba̱nu, cheba̱nuhak re xtenkꞌanquileb laj pa̱banel chi qꞌui̱c saꞌ lix pa̱ba̱leb.

San Marcos 16:17

Aꞌan aꞌin li retalil li talajeꞌxba̱nu li teꞌpa̱ba̱nk. Saꞌ incꞌabaꞌ la̱in teꞌisi̱nk ma̱us aj musikꞌej ut teꞌa̱tinak saꞌ jalan a̱tinoba̱l.

1 Corintios 14:12

La̱ex nequeraj xcꞌulbal li ma̱tan naxqꞌue li Santil Musikꞌej. Abanan la̱in ninye e̱re chesicꞌak li ma̱tan li natenkꞌan reheb chixjunileb laj pa̱banel.

1 Corintios 14:5

Nacuaj raj nak che̱junilex tex-a̱tinak ta saꞌ jalanil a̱tin li incꞌaꞌ natauman ru. Abanan kꞌaxal cuiꞌchic nacuaj raj nak che̱junilex te̱ye resil reheb le̱ ras e̱ri̱tzꞌin saꞌ le̱ ra̱tinoba̱l cꞌaꞌru quicꞌuteꞌ che̱ru xban li Dios. Kꞌaxal us nak te̱ye li ra̱tin li Dios saꞌ le̱ ra̱tinoba̱l chiru li a̱tinac saꞌ jalanil a̱tin li incꞌaꞌ natauman ru. Abanan cui junak naa̱tinac saꞌ jalanil a̱tin, tento nak ta̱jalma̱nk ru li ra̱tin re nak eb laj pa̱banel teꞌxtau ru li cꞌaꞌru tixye ut teꞌtenkꞌa̱k xban.

1 Corintios 14:3

Ut li ani naxye resil li nacꞌuteꞌ chiru xban li Dios, li jun aꞌan naxtenkꞌaheb li rech aj pa̱banelil saꞌ lix pa̱ba̱leb. Naxchꞌolob xya̱lal chiruheb ut naxcꞌojobeb xchꞌo̱l.

1 Corintios 13:2

Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

Romanos 14:19

Joꞌcan nak chikaqꞌuehak kachꞌo̱l chi cua̱nc saꞌ tuktu̱quil usilal riqꞌuineb li kas ki̱tzꞌin. Ut chikatenkꞌa kib chi kibil kib re nak toqꞌui̱k saꞌ li kapa̱ba̱l.

1 Corintios 12:10

Cuan qꞌuebileb xma̱tan chi ba̱nu̱nc milagro ut cuan qꞌuebileb xma̱tan chi xchꞌolobanquil resil li cꞌaꞌru quicꞌutbesi̱c chiru xban li Dios. Ut cuan qꞌuebileb xma̱tan re xtaubal ru cui li Santil Musikꞌej cuan riqꞌuin junak malaj ut cuan li ma̱us aj musikꞌej riqꞌuin. Ut cuan qꞌuebileb xma̱tan chi a̱tinac saꞌ jalan a̱tin incꞌaꞌ natauman ru ut cuan ajcuiꞌ qꞌuebileb xma̱tan chi jaloc ru li jalanil a̱tin.

1 Corintios 12:28

Li xchalal li tzꞌejcualej jalan jala̱nk xcꞌanjel li junju̱nk. Joꞌcan ajcuiꞌ nak jalan jala̱nk xma̱taneb laj pa̱banel qꞌuebileb re xban li Dios re nak teꞌcꞌanjelak chiru. Xbe̱n, cuanqueb li qꞌuebileb xma̱tan chi cꞌanjelac chokꞌ apóstol. Xcab, cuanqueb li qꞌuebileb xma̱tan chi cꞌanjelac chokꞌ profeta. Rox, cuanqueb li qꞌuebileb xma̱tan chi cꞌanjelac chokꞌ aj tzolonel. Ut cuanqueb li qꞌuebileb xma̱tan chixba̱nunquileb li milagro. Cuanqueb li qꞌuebileb xma̱tan chixqꞌuirtesinquileb li yaj; cuanqueb li qꞌuebileb xma̱tan chixtenkꞌanquileb li ras ri̱tzꞌin. Cuanqueb li qꞌuebileb xma̱tan chi takla̱nc; ut cuanqueb ajcuiꞌ qꞌuebileb xma̱tan chi a̱tinac saꞌ jalanil a̱tin incꞌaꞌ natauman ru.

1 Corintios 13:1

Cui ta la̱in qꞌuebil inma̱tan xban li Dios chi a̱tinac saꞌ ra̱tinoba̱leb li cui̱nk ut cui ta cuan inma̱tan chi a̱tinac saꞌ ra̱tinoba̱leb li ángel, abanan cui incꞌaꞌ ninraheb li cuas cui̱tzꞌin, la̱in chanchanin li chꞌi̱chꞌ natamba̱c xya̱b ut chanchanin li campana natzintzot xya̱b chi ma̱cꞌaꞌ rajbal.