1 Corintios 14:3 - Li Santil hu

³ Ut li ani naxye resil li nacꞌuteꞌ chiru xban li Dios, li jun aꞌan naxtenkꞌaheb li rech aj pa̱banelil saꞌ lix pa̱ba̱leb. Naxchꞌolob xya̱lal chiruheb ut naxcꞌojobeb xchꞌo̱l.

Q'eqchi Bible

³ Ab'an li na'aatinak jo' propeet naraatinaheb' li tenamit re xkab'lankil li komonil, re xwaklesinkil ut xk'ojob'ankil xch'ooleb'.

1 Corintios 14:3 ပူးပေါင်းရင်းမြစ်များ

1 Corintios 14:12

La̱ex nequeraj xcꞌulbal li ma̱tan naxqꞌue li Santil Musikꞌej. Abanan la̱in ninye e̱re chesicꞌak li ma̱tan li natenkꞌan reheb chixjunileb laj pa̱banel.

1 Timoteo 4:13

Roybeninquil tincuulak e̱riqꞌuin, qꞌue a̱chꞌo̱l chi rilbal xsaꞌ li Santil Hu chiruheb laj pa̱banel. Qꞌueheb xnaꞌleb ut ta̱chꞌolob xya̱lal chiruheb.

San Judas 1:20

Aꞌut la̱ex, ex inherma̱n, cauhak taxak e̱chꞌo̱l saꞌ le̱ santil pa̱ba̱l. Ut chextijok riqꞌuin xcuanquil li Santil Musikꞌej.

Tito 1:9

Incꞌaꞌ nachꞌinan xchꞌo̱l saꞌ lix pa̱ba̱l. Naxpa̱b ban chi anchal xchꞌo̱l lix ya̱lal li quicꞌuteꞌ chiru re nak tixnau xchꞌolobanquil lix ya̱lal chiruheb li rech aj pa̱banelil ut tixnau xqꞌuebal xnaꞌlebeb li nequeꞌcuechꞌin re li cꞌaꞌru naxye.

Efesios 6:22

Yo̱quin chixtaklanquil laj Tíquico e̱riqꞌuin re xserakꞌinquil e̱re chanru cuanco arin. Ut nak te̱nau chanru cuanco, chicꞌojla̱k taxak e̱chꞌo̱l riqꞌuin aꞌan.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

Tito 2:6

Ut chaqꞌueheb ajcuiꞌ xnaꞌlebeb li sa̱j cui̱nk re nak teꞌxcꞌoxla chi us li cꞌaꞌru teꞌxba̱nu re nak teꞌcua̱nk saꞌ ti̱quilal.

1 Corintios 14:31

Che̱junju̱nkalex ta̱ru̱k te̱ye li cꞌaꞌru xcꞌuteꞌ che̱ru xban li Dios re nak chixjunileb laj pa̱banel teꞌxtzol rib ut ta̱cacuu̱k xchꞌo̱leb saꞌ lix pa̱ba̱leb.

1 Corintios 14:26

Ex herma̱n, aꞌan aꞌin li nacuaj xyebal e̱re. Nak te̱chꞌutub e̱rib chixlokꞌoninquil li Dios, jalan jala̱nk te̱ba̱nu che̱ju̱nkalex. Cuan tixcꞌam chak junak bich; cuan li ta̱qꞌuehok naꞌleb; cuan li ta̱yehok re li quicꞌuteꞌ chiru xban li Dios; cuan li ta̱yehok junak naꞌleb riqꞌuin jalanil a̱tin ut cuan ajcuiꞌ li ta̱jalok ru li ta̱yema̱nk saꞌ li jalanil a̱tin. Abanan chixjunil li te̱ba̱nu, cheba̱nuhak re xtenkꞌanquileb laj pa̱banel chi qꞌui̱c saꞌ lix pa̱ba̱leb.

Romanos 14:19

Joꞌcan nak chikaqꞌuehak kachꞌo̱l chi cua̱nc saꞌ tuktu̱quil usilal riqꞌuineb li kas ki̱tzꞌin. Ut chikatenkꞌa kib chi kibil kib re nak toqꞌui̱k saꞌ li kapa̱ba̱l.

Hechos 13:15

Eb laj cꞌamol be queꞌril xsaꞌ li chakꞌrab ut queꞌril ajcuiꞌ xsaꞌ li hu li queꞌxtzꞌi̱ba li profeta. Ut chirix aꞌan queꞌxye re laj Pablo: —Ex kas ki̱tzꞌin, cui cuan li cꞌaꞌru te̱ye re xqꞌuebal xcacuil xchꞌo̱leb li tenamit, takaj rabinquil anakcuan, chanqueb.

Tito 2:9

Chaqꞌueheb ajcuiꞌ xnaꞌlebeb li mo̱s re nak cheꞌabi̱nk chiruheb lix patroneb. Incꞌaꞌ teꞌsume̱nk. Cheꞌxba̱nuhak ban li cꞌaꞌru ta̱yehekꞌ reheb re nak sahakeb saꞌ xchꞌo̱l lix patrón riqꞌuineb.

1 Ts 2:3

Moco yo̱co ta chixbalakꞌinquil kib. Tzꞌakal ya̱l ban li yo̱co xyebal e̱re. Moco cuan ta junak kacꞌaꞌux incꞌaꞌ us saꞌ e̱be̱n, chi moco yo̱co ta che̱balakꞌinquil.

1 Corintios 10:23

Cuan li nequeꞌyehoc re nak naru nakaba̱nu chixjunil li nakaj. Ya̱l nak naru nakaba̱nu, abanan moco chixjunil ta us xba̱nunquil. Ya̱l nak naru xba̱nunquil chixjunil, abanan moco chixjunil ta li cꞌaꞌru nakaba̱nu nocoxtenkꞌa chi qꞌui̱c saꞌ li kapa̱ba̱l.

1 Pedro 5:12

Laj Silvano, aꞌan jun tzꞌakal aj pa̱banel. Aꞌan ta̱cꞌamok re li hu aꞌin xintzꞌi̱ba chokꞌ e̱re. Moco qꞌui ta li a̱tin xintzꞌi̱ba e̱re. Riqꞌuin li a̱tin aꞌin yo̱quin chixqꞌuebal e̱naꞌleb. Xinchꞌolob xya̱lal che̱ru chanru li rusilal li Dios. Aꞌin taxak chiqꞌuehok xcacuil e̱chꞌo̱l.

Hebreos 13:22

Ex herma̱n, nintzꞌa̱ma jun usilal che̱ru. Checuyak rabinquil li cua̱tin re xchꞌolobanquil e̱naꞌleb. Moco qꞌui ta li a̱tin xintzꞌi̱ba saꞌ li hu aꞌin.

Hebreos 10:25

Cuanqueb li incꞌaꞌ nequeꞌxic saꞌ li chꞌutubaj ib. Abanan incꞌaꞌ takaba̱nu joꞌ nequeꞌxba̱nu eb aꞌan. Junelic ban takachꞌutub kib re xlokꞌoninquil li Dios. Chikaqꞌue xcacuub li kachꞌo̱l chi kibil kib. Tento takaba̱nu aꞌan xban nak chi se̱b tol-e̱lk li Jesucristo.

Tito 2:15

Chixjunil li naꞌleb aꞌin li yo̱quin xtzꞌi̱banquil a̱cuiqꞌuin, aꞌan li ta̱chꞌolob chiruheb. Chaqꞌueheb xnaꞌleb ut chakꞌuseb cui incꞌaꞌ us yo̱queb xban nak tenebanbil saꞌ a̱be̱n xban li Dios xba̱nunquil. Ut ma̱ ani chitzꞌekta̱na̱nk a̱cue.

1 Timoteo 6:2

Moco xban ta nak rech aj pa̱baneleb lix patrón nak incꞌaꞌ teꞌxqꞌue saꞌ xnakꞌeb ru. Tento aj ban cuiꞌ nak teꞌxqꞌue xchꞌo̱l chi trabajic xban nak rech aj pa̱banelil li nequeꞌcꞌuluc re li cha̱bil cꞌanjel nequeꞌxba̱nu ut xban nak raro̱queb ajcuiꞌ xban li Dios. At Timoteo, aꞌan aꞌin li ta̱chꞌolob xya̱lal chiruheb laj pa̱banel.

1 Timoteo 1:4

Ut ta̱ye ajcuiꞌ reheb nak cheꞌxcanabak xcuechꞌinquil rix aniheb lix xeꞌ xto̱naleb xban nak li naꞌleb aꞌan ma̱cꞌaꞌ rosoꞌjic ut ma̱cꞌaꞌ na-oc cuiꞌ. Ta̱ye reheb nak incꞌaꞌ chic teꞌxpa̱b li xeꞌto̱nil naꞌleb. Li naꞌleb aꞌin junes yoꞌoban cuechꞌi̱nc ib naxba̱nu. Incꞌaꞌ nocoxtenkꞌa xba̱nunquil li cꞌanjel qꞌuebil ke xban li Dios. Caꞌaj cuiꞌ li kapa̱ba̱l natenkꞌan ke.

2 Ts 3:12

Saꞌ xcꞌabaꞌ li Ka̱cuaꞌ Jesucristo, ninye reheb li incꞌaꞌ nequeꞌraj trabajic nak tento teꞌtrabajik saꞌ xya̱lal re nak ta̱cua̱nk cꞌaꞌru reheb re xnumsinquil li cutan junju̱nk.

1 Ts 4:18

Joꞌcan ut nak checꞌojob e̱chꞌo̱l che̱ribil e̱rib riqꞌuineb a a̱tin aꞌin.

1 Ts 4:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru saꞌ xcꞌabaꞌ li Ka̱cuaꞌ Jesucristo. Aꞌan aꞌin: nak chexcua̱nk taxak saꞌ ti̱quilal joꞌ naraj li Dios ut rajlal yo̱kex chixba̱nunquil chi joꞌcan joꞌ xkacꞌut che̱ru la̱o. Ac yo̱quex chixba̱nunquil, abanan kꞌaxal cuiꞌchic te̱ba̱nu.

1 Ts 3:2

Ut xkatakla li hermano Timoteo e̱riqꞌuin. Aꞌan laj cꞌanjel chiru li Dios chixyebal resil li colba-ib saꞌ xcꞌabaꞌ li Cristo. Laj Timoteo tixqꞌue xcacuilal e̱chꞌo̱l saꞌ le̱ pa̱ba̱l ut tixqꞌue ajcuiꞌ e̱naꞌleb.

1 Ts 2:11

Joꞌ naxba̱nu junak li yucuaꞌbej riqꞌuineb li ralal xcꞌajol, joꞌcan ajcuiꞌ xkaba̱nu la̱o e̱riqꞌuin nak xkaqꞌue e̱naꞌleb che̱junju̱nkalex.

Colosenses 4:8

Aꞌan aj e nak tintakla e̱riqꞌuin. Tixye e̱re chanru nak cuanco arin ut tixqꞌue ajcuiꞌ xcacuil e̱chꞌo̱l saꞌ le̱ pa̱ba̱l.

Efesios 4:29

Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

2 Corintios 2:7

Us cui te̱cuy xma̱c anakcuan ut te̱cꞌojob xchꞌo̱l xban nak naru nachꞌinan cuiꞌchic xchꞌo̱l.

2 Corintios 1:4

Naxcꞌojob kachꞌo̱l saꞌ chixjunil li karaylal re nak ta̱ru̱k takacꞌojob xchꞌo̱leb li cuanqueb saꞌ raylal. Joꞌ nak naxcꞌojob kachꞌo̱l li Dios la̱o, joꞌcan ajcuiꞌ nak takacꞌojob xchꞌo̱leb li cuanqueb saꞌ raylal.

1 Corintios 14:17

Ya̱l nak yo̱cat chixlokꞌoninquil li Dios, abanan li jun chic incꞌaꞌ ta̱tenkꞌa̱k xban la̱ tij xban nak incꞌaꞌ naxtau ru li cꞌaꞌru yo̱cat chixyebal.

1 Corintios 8:1

Cuan cuib oxib cua̱tin tinye e̱re chirix li tzacae̱mk mayejanbil chiruheb li yi̱banbil dios. Nakanau nak chikajunilo ac xkatzol kib chirix aꞌin. Abanan toj cuan saꞌ e̱ya̱nk nequeꞌxcꞌoxla nak nequeꞌxnau chixjunil ut riqꞌuin aꞌan nequeꞌxkꞌetkꞌeti rib. Aban li ani narahoc, aꞌan naxtenkꞌa li rech aj pa̱banelil chi qꞌui̱c saꞌ lix pa̱ba̱l.

Romanos 15:2

Tento takaba̱nu li us reheb li kech aj pa̱banelil re nak teꞌqꞌui̱k saꞌ lix pa̱ba̱l ut re nak sahak saꞌ xchꞌo̱leb.

Romanos 12:8

Li ani cuan xma̱tan re qꞌuehoc naꞌleb, chiqꞌuehok naꞌleb saꞌ xya̱lal. Li ani cuan xma̱tan re sihi̱nc, chisihi̱nk chi anchal xchꞌo̱l. Li ani cuan xma̱tan chi cꞌamoc be chiruheb li ras ri̱tzꞌin, chixqꞌuehak xchꞌo̱l chixba̱nunquil saꞌ xya̱lal. Li ani cuan xma̱tan re uxta̱na̱nc u, chiruxta̱nahak ru li ras ri̱tzꞌin chi anchal xchꞌo̱l.

Hechos 15:32

Laj Judas ut laj Silas qꞌuebileb xma̱tan chixchꞌolobanquil xya̱lal li ra̱tin li Dios. Queꞌxchꞌolob xya̱lal chiruheb li chꞌutchꞌu̱queb aran ut queꞌxqꞌue xcacuilal xchꞌo̱leb ut queꞌxcꞌojob xchꞌo̱leb riqꞌuin li a̱tin li queꞌxye reheb.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

San Lucas 3:18

Joꞌcan nak yo̱ chixchꞌolobanquil xnaꞌlebeb li tenamit. Naxsicꞌ chanru nak naxchꞌolob chi tzꞌakal li cha̱bil esilal chiruheb.

Hebreos 3:13

Cheqꞌuehak ban e̱naꞌleb che̱ribil e̱rib rajlal cutan nak toj naru xba̱nunquil. Chetenkꞌa e̱rib che̱ribil e̱rib re nak ma̱ jun ta̱balakꞌi̱k xban li ma̱c, xban nak li nabalakꞌi̱c xban li ma̱c incꞌaꞌ chic naraj xba̱nunquil li cꞌaꞌru naraj li Dios.

Hechos 4:36

Quicuan jun li cui̱nk aj José xcꞌabaꞌ. Eb li apóstol queꞌxqꞌue Bernabé chokꞌ xcab xcꞌabaꞌ. Chi jalbil ru naraj naxye “Aj Cꞌojobanel Chꞌo̱lej”. Aꞌan xcomoneb li nequeꞌtenkꞌan reheb laj tij. Chipre xtenamit.