1 Corintios 14:2 - Li Santil hu

² Li ani naa̱tinac saꞌ jalanil a̱tin incꞌaꞌ naa̱tinac riqꞌuin li rech cristianil. Riqꞌuin ban li Dios naa̱tinac. Ut ma̱ ani nataꞌoc ru li cꞌaꞌru naxye. Riqꞌuin xcuanquil li Santil Musikꞌej naxye lix ya̱lal li incꞌaꞌ natauman ru.

Q'eqchi Bible

² Xb'aan naq ani na'aatinak sa' jalanil aatin ink'a' naraatinaheb' li tenamit, rik'in b'an li Yos na'aatinak. Maa'ani natawok ru: yo chi xyeeb'al li muqmuukil na'leb' rik'in xwankil li Musiq'ej.

1 Corintios 14:2 ပူးပေါင်းရင်းမြစ်များ

San Marcos 16:17

Aꞌan aꞌin li retalil li talajeꞌxba̱nu li teꞌpa̱ba̱nk. Saꞌ incꞌabaꞌ la̱in teꞌisi̱nk ma̱us aj musikꞌej ut teꞌa̱tinak saꞌ jalan a̱tinoba̱l.

Hechos 19:6

Laj Pablo quixqꞌue li rukꞌ saꞌ xbe̱neb ut queꞌxcꞌul li Santil Musikꞌej. Queꞌa̱tinac saꞌ jalan a̱tinoba̱l ut queꞌxye resil li cꞌaꞌru quicꞌutbesi̱c chiruheb xban li Dios.

Hechos 10:46

Queꞌrabi nak yo̱queb chi a̱tinac saꞌ jalan a̱tinoba̱l ut yo̱queb chixnimanquil ru li Dios.

1 Corintios 13:2

Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

1 Corintios 2:10

Aban li Dios quixcꞌutbesi chiku li naꞌleb aꞌin xban li Santil Musikꞌej. Li Santil Musikꞌej naxnau chixjunil lix naꞌleb li Dios li kꞌaxal chꞌaꞌaj xtaubal ru.

Apocalipsis 10:7

Nak tixya̱basi lix trompeta li xcuuk ángel, saꞌ eb li cutan aꞌan ta̱tzꞌaklok ru lix cꞌaꞌux li Dios, li mukmu nak quicuan. Ta̱tzꞌaklok ru joꞌ quixye reheb li profeta li queꞌcꞌanjelac chiru, chan.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

1 Timoteo 3:9

Ma̱cꞌaꞌ ta̱chꞌiꞌchꞌiꞌi̱nk reheb saꞌ lix cꞌaꞌuxeb ut teꞌxqꞌue xcuanquil li kalokꞌlaj pa̱ba̱l li cꞌutbesinbil chiku xban li Dios.

Colosenses 2:2

Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin.

Efesios 6:19

Ut chextijok ajcuiꞌ chicuix la̱in re nak chixqꞌue taxak cua̱tin li Dios re xyebal resil li colba-ib ut chixqꞌue taxak xcacuilal inchꞌo̱l chixyebal resil nak li colba-ib reheb ajcuiꞌ li ma̱cuaꞌeb aj judío.

1 Corintios 15:51

Nacuaj ajcuiꞌ nak te̱nau lix ya̱lal li mukmu nak quicuan chak junxil. Aꞌan aꞌin: moco chikajunilo ta la̱o aj pa̱banel toca̱mk, abanan chikajunilo tojalanokꞌ.

1 Corintios 2:7

Abanan la̱in ninchꞌolob xya̱lal li naꞌleb li quixqꞌue li Dios. Li naꞌleb aꞌan mukmu nak quicuan chak junxil. Incꞌaꞌ natauman ru nak quicuan. Abanan chalen chak najter kꞌe cutan nak toj ma̱jiꞌ quixyi̱b li ruchichꞌochꞌ ac cuan chak saꞌ xchꞌo̱l li Dios nak tixqꞌue li kalokꞌal ut li kalokꞌal, aꞌan li kacolbal.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

Hechos 22:9

Li cuanqueb cuochben queꞌril chi tzꞌakal li chanchan xam ut cꞌajoꞌ nak queꞌxucuac. Abanan incꞌaꞌ queꞌrabi li a̱tin li quiyeheꞌ cue.

San Marcos 4:11

Ut li Jesús quixye reheb: —La̱ex qꞌuebil e̱re xnaubal xya̱lal li mukmu̱quil naꞌleb chirix lix nimajcual xcuanquilal li Dios. Aꞌut li jun chꞌol chic li incꞌaꞌ nequeꞌpa̱ban, riqꞌuin jaljo̱quil ru a̱tin ta̱yema̱nk reheb.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

Salmos 78:2

Anakcuan oc cue chixyebal e̱re lix ya̱lal li mukmu junxil.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Génesis 42:23

Eb aꞌan incꞌaꞌ queꞌxnau nak laj José yo̱ chixtaubal ru li ra̱tinoba̱leb xban nak cuan jun laj jalol a̱tin na-ochbenin re ut aꞌan najaloc re li a̱tin li naxye laj José.

Génesis 11:7

Joꞌcan ut tocubek ut takajal li ra̱tinoba̱leb re nak incꞌaꞌ teꞌxtau ru li cꞌaꞌru teꞌxye chi ribileb rib, chan li Dios.

1 Corintios 14:16

Cuan li incꞌaꞌ nequeꞌxtau ru lix ya̱lal chirix li jalanil a̱tin. Cui yo̱cat chixlokꞌoninquil li Dios caꞌaj cuiꞌ riqꞌuin la̱ musikꞌ, eb aꞌan incꞌaꞌ teꞌxtau ru li ta̱ye xban nak yo̱cat chi a̱tinac saꞌ jalanil a̱tin. ¿Chan put ru nak teꞌxye “joꞌcan taxak” cui incꞌaꞌ nequeꞌxtau ru li yo̱cat chixyebal?

2 Reyes 18:26

Tojoꞌnak laj Eliaquim li ralal laj Hilcías ut laj Sebna ut laj Joa queꞌxye re laj Rabsaces: —Nakatzꞌa̱ma cha̱cuu nak toa̱cua̱tina saꞌ li a̱tinoba̱l arameo xban nak la̱o nakatau ru li a̱tin aꞌan. Moa̱cua̱tina saꞌ li ra̱tinoba̱leb laj Judá xban nak chixjunileb li tenamit li cuanqueb saꞌ xbe̱n li tzꞌac yo̱queb chirabinquil li yo̱cat chixyebal, chan.

1 Corintios 12:10

Cuan qꞌuebileb xma̱tan chi ba̱nu̱nc milagro ut cuan qꞌuebileb xma̱tan chi xchꞌolobanquil resil li cꞌaꞌru quicꞌutbesi̱c chiru xban li Dios. Ut cuan qꞌuebileb xma̱tan re xtaubal ru cui li Santil Musikꞌej cuan riqꞌuin junak malaj ut cuan li ma̱us aj musikꞌej riqꞌuin. Ut cuan qꞌuebileb xma̱tan chi a̱tinac saꞌ jalan a̱tin incꞌaꞌ natauman ru ut cuan ajcuiꞌ qꞌuebileb xma̱tan chi jaloc ru li jalanil a̱tin.

1 Corintios 12:28

Li xchalal li tzꞌejcualej jalan jala̱nk xcꞌanjel li junju̱nk. Joꞌcan ajcuiꞌ nak jalan jala̱nk xma̱taneb laj pa̱banel qꞌuebileb re xban li Dios re nak teꞌcꞌanjelak chiru. Xbe̱n, cuanqueb li qꞌuebileb xma̱tan chi cꞌanjelac chokꞌ apóstol. Xcab, cuanqueb li qꞌuebileb xma̱tan chi cꞌanjelac chokꞌ profeta. Rox, cuanqueb li qꞌuebileb xma̱tan chi cꞌanjelac chokꞌ aj tzolonel. Ut cuanqueb li qꞌuebileb xma̱tan chixba̱nunquileb li milagro. Cuanqueb li qꞌuebileb xma̱tan chixqꞌuirtesinquileb li yaj; cuanqueb li qꞌuebileb xma̱tan chixtenkꞌanquileb li ras ri̱tzꞌin. Cuanqueb li qꞌuebileb xma̱tan chi takla̱nc; ut cuanqueb ajcuiꞌ qꞌuebileb xma̱tan chi a̱tinac saꞌ jalanil a̱tin incꞌaꞌ natauman ru.

1 Corintios 13:1

Cui ta la̱in qꞌuebil inma̱tan xban li Dios chi a̱tinac saꞌ ra̱tinoba̱leb li cui̱nk ut cui ta cuan inma̱tan chi a̱tinac saꞌ ra̱tinoba̱leb li ángel, abanan cui incꞌaꞌ ninraheb li cuas cui̱tzꞌin, la̱in chanchanin li chꞌi̱chꞌ natamba̱c xya̱b ut chanchanin li campana natzintzot xya̱b chi ma̱cꞌaꞌ rajbal.

1 Corintios 14:26

Ex herma̱n, aꞌan aꞌin li nacuaj xyebal e̱re. Nak te̱chꞌutub e̱rib chixlokꞌoninquil li Dios, jalan jala̱nk te̱ba̱nu che̱ju̱nkalex. Cuan tixcꞌam chak junak bich; cuan li ta̱qꞌuehok naꞌleb; cuan li ta̱yehok re li quicꞌuteꞌ chiru xban li Dios; cuan li ta̱yehok junak naꞌleb riqꞌuin jalanil a̱tin ut cuan ajcuiꞌ li ta̱jalok ru li ta̱yema̱nk saꞌ li jalanil a̱tin. Abanan chixjunil li te̱ba̱nu, cheba̱nuhak re xtenkꞌanquileb laj pa̱banel chi qꞌui̱c saꞌ lix pa̱ba̱leb.