1 Corintios 13:9 - Li Santil hu

⁹ Usta cuanqueb li cuan xma̱taneb anakcuan re xnaubal li cꞌaꞌak re ru, abanan caꞌchꞌin ajcuiꞌ nequeꞌxnau. Usta cuanqueb li cuan xma̱taneb chixyebal li cꞌaꞌru nacꞌutbesi̱c chiruheb xban li Dios, abanan caꞌchꞌin ajcuiꞌ li nacꞌuteꞌ chiruheb.

Q'eqchi Bible

⁹ Xb'aan naq kach'in li qak'a'uxl ut kach'in ajwi' li naqanaw chi musiq'anb'il li qach'ool xb'aan li Yos.

1 Corintios 13:9 ပူးပေါင်းရင်းမြစ်များ

1 Corintios 13:12

Anakcuan caꞌchꞌin ajcuiꞌ nakanau. Chanchan nak noco-iloc saꞌ junak lem moymoy ru. Abanan saꞌ jun cutan takil ru li Dios ut takanau chic chixjunil chi tzꞌakal joꞌ nak li Dios naxnau ku la̱o.

1 Corintios 8:2

Li ani narecꞌa nak cuan xnaꞌleb, li jun aꞌan toj ma̱jiꞌ naxtau lix ya̱lal chi tzꞌakal.

1 Corintios 2:9

Joꞌcaꞌin tzꞌi̱banbil saꞌ li Santil Hu chirix li kalokꞌal: Li incꞌaꞌ na-ilman ru chi moco na-abi̱c chi moco nacꞌoxla̱c xbaneb li cui̱nk, aꞌan li quixcꞌu̱b li Dios chokꞌ reheb li nequeꞌrahoc re. (Isa. 64:4; 65:17)

Salmos 139:6

Cꞌajoꞌ la̱ naꞌleb ut kꞌaxal lokꞌ xcꞌoxlanquil. Ma̱ jokꞌe tintau ru chixjunil li nacacꞌoxla la̱at.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

Proverbios 30:4

¿Ani li quitakeꞌ toj saꞌ choxa ut quicube cuiꞌchic saꞌ ruchichꞌochꞌ? ¿Ani li quichapoc re li ikꞌ saꞌ rukꞌ? ¿Ani li quilanoc re li haꞌ saꞌ lix tꞌicr? ¿Ani li quixakaban re li ruchichꞌochꞌ saꞌ xnaꞌaj? Cui nacanau ani aꞌan, ye cue. ¿Ani xcꞌabaꞌ ut ani xcꞌabaꞌ li ralal?

Salmos 40:5

At Ka̱cuaꞌ, at kaDios, numtajenak li usilal xaba̱nu ke. Ma̱ ani naru nacatkajuntakꞌe̱ta cuiꞌ. Junelic yo̱cat chi cꞌoxlac chikix. Nacuaj raj xyebal resil joꞌ qꞌuial xaba̱nu, abanan incꞌaꞌ ninru xyebal xban nak numtajenak cuiꞌchic la̱ cuusilal.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Romanos 11:34

Joꞌcaꞌin tzꞌi̱banbil saꞌ li Santil Hu: Ma̱ ani nanaꞌoc re xcꞌaꞌux li Ka̱cuaꞌ. Ma̱ ani naru naqꞌuehoc xnaꞌleb. (Isa. 40:13-14)

Li xHu LAJ JOB 26:14

Kꞌaxal nim xcuanquil li Dios. Li cꞌaꞌru quixba̱nu riqꞌuin lix cuanquil yo̱co chirilbal anakcuan. Abanan yal caꞌchꞌin ajcuiꞌ naxcꞌut chiku. Toj cuan cuiꞌchic nabal toj ma̱jiꞌ naxcꞌutbesi chiku. La̱o ma̱ jokꞌe takatau ru lix nimal lix cuanquilal.—

1 Corintios 13:10

Ut nak ta̱tzꞌaklok ru chixjunil li naraj xba̱nunquil li Dios, incꞌaꞌ chic teꞌcꞌanjelak eb li ma̱tan aꞌin li incꞌaꞌ tzꞌakal re ru.