1 Corintios 13:7 - Li Santil hu

⁷ Li ani narahoc incꞌaꞌ narahoꞌ xchꞌo̱l xban li cꞌaꞌru na-ux re xbaneb li ras ri̱tzꞌin. Junelic ban cau xchꞌo̱l chirixeb. Li ani narahoc incꞌaꞌ nachꞌinan xchꞌo̱l. Naxcuy ban xnumsinquil chixjunil li raylal.

Q'eqchi Bible

⁷ Li rahok chixjunil nariiqani, chixjunil naxpaab', chixjunil naroyb'eni, chixjunil naxkuy.

1 Corintios 13:7 ပူးပေါင်းရင်းမြစ်များ

1 Pedro 4:8

Li cꞌaꞌru tento te̱ba̱nu, aꞌan xra̱bal e̱rib che̱ribil e̱rib ut chi anchal e̱chꞌo̱l. Ut xban nak nequera e̱rib che̱ribil e̱rib, nequecuy ajcuiꞌ e̱ma̱c che̱ribil e̱rib.

1 Corintios 13:4

Li ani narahoc, naxcuy li raylal ut kꞌaxal cha̱bil. Li ani narahoc incꞌaꞌ nacakalin, incꞌaꞌ naxnimobresi rib ut incꞌaꞌ naxkꞌetkꞌeti rib.

2 Timoteo 2:24

Junak aj cꞌanjel chiru li Ka̱cuaꞌ ma̱cuaꞌak aj sicꞌol ra xi̱cꞌ. Tu̱lanak ban riqꞌuineb chixjunileb. Cua̱nk xnaꞌleb re xcꞌutbal lix ya̱lal chiruheb li ras ri̱tzꞌin ut nimak xcuyum.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Proverbios 10:12

Li ani xicꞌ na-iloc nayoꞌoban ple̱t. Abanan li ani narahoc, aꞌan nacuyuc ma̱c.

1 Corintios 9:12

Cui la̱ex nequetenkꞌa li jun chꞌol chic li kech aj cꞌanjelil, ¿ma tojaꞌ ta chic la̱o incꞌaꞌ toe̱tenkꞌa? La̱o incꞌaꞌ xkatzꞌa̱ma e̱re nak toe̱tenkꞌa. Xkacuy ban xnumsinquileb li cutan yal chi joꞌcan xban nak la̱o incꞌaꞌ xkaj nak ta̱chꞌina̱nk e̱chꞌo̱l chirabinquil li resil li Cristo.

Gálatas 6:2

Chetenkꞌahak e̱rib chi ribil e̱rib chixnumsinquil li chꞌaꞌajquilal nachal saꞌ e̱be̱n. Chi joꞌcan yo̱kex chixba̱nunquil li cꞌaꞌru taklanbilex cuiꞌ xban li Jesucristo.

2 Timoteo 4:5

Aꞌut la̱at, Timoteo, chaqꞌuehak retal chi us li cꞌaꞌru ta̱ba̱nu. Chacuyak xnumsinquil li raylal ut chajultica̱k resil li santil evangelio ut chaba̱nuhak la̱ cꞌanjel chi tzꞌakal.

Santiago 1:12

Us xak reheb li nequeꞌxcuy xnumsinquil li raylal ut incꞌaꞌ nequeꞌchꞌinan xchꞌo̱l. Li ani naxcuy xnumsinquil li yalecꞌ teꞌxcꞌul lix ma̱tan li naxyechiꞌi li Dios reheb li nequeꞌrahoc re. Ut lix ma̱taneb, aꞌan li yuꞌam chi junelic.

Salmos 119:66

Chaqꞌue taxak innaꞌleb re nak tinqꞌue retal bar cuan li us. Ninnau nak ya̱l li naxye la̱ chakꞌrab.

2 Ts 1:4

Joꞌcan nak kꞌaxal sa saꞌ kachꞌo̱l chixserakꞌinquil resil le̱ pa̱ba̱l reheb li nequeꞌpa̱ban re li Dios yalak bar. Nakaye reheb chanru nak nequexpa̱ban chi anchal e̱chꞌo̱l ut cau e̱chꞌo̱l nak yo̱quex chixcuybal xnumsinquil li raylal ut li ra xi̱cꞌ.

2 Timoteo 3:11

Ac xaqꞌue retal chanru nak xincuy xnumsinquil li ra xi̱cꞌ ut li raylal li xincꞌul xban xyebal resil li evangelio aran saꞌ eb li tenamit Antioquía, Iconio ut Listra. Chixjunil li raylal quilajincuy xnumsinquil ut li Ka̱cuaꞌ xcoloc cue chiruheb chixjunil li raylal aꞌan.

Romanos 15:1

La̱o, li ac cau kachꞌo̱l saꞌ li kapa̱ba̱l, chikacuyeb xma̱c li toj kꞌuneb xchꞌo̱l saꞌ xpa̱ba̱leb ut takatenkꞌaheb saꞌ li chꞌaꞌajquilal. Incꞌaꞌ chikasicꞌ li us caꞌaj cuiꞌ chokꞌ ke la̱o.

San Mateo 10:22

Ut chixjunileb xicꞌ teꞌilok e̱re saꞌ incꞌabaꞌ. Abanan li ani teꞌcuyuk xcꞌulbal li raylal toj saꞌ rosoꞌjic lix yuꞌam, eb aꞌan teꞌcolekꞌ.

Hebreos 13:13

Kacanabak li kanajter naꞌleb ut chikata̱kehak li Jesucristo usta toj yo̱ko chi cꞌuluc raylal saꞌ xcꞌabaꞌ aꞌan.

Romanos 8:24

Xban nak nocopa̱ban, colbilo. Aban cuan ajcuiꞌ li ma̱tan toj ma̱jiꞌ nakacꞌul ut aꞌan li toj yo̱co chiroybeninquil. Cui ta ac xkacꞌul chixjunil, incꞌaꞌ raj chic yo̱co chi oybeni̱nc.

Li xHu LAJ JOB 13:15

Usta tinixcamsi, abanan cauhak inchꞌo̱l riqꞌuin. Tina̱tinak riqꞌuin re xcolbal cuib.

Génesis 29:20

Cuukub chihab tzꞌakal quitrabajic laj Jacob re nak tixcꞌam lix Raquel chokꞌ rixakil. Laj Jacob incꞌaꞌ quirecꞌa nak quinumeꞌ li cuukub chihab xban nak cꞌajoꞌ nak naxra lix Raquel.

Deuteronomio 1:9

Laj Moisés quixye reheb: —Nak toj cuanquex chak saꞌ li tzu̱l Sinaí la̱in quinye e̱re nak incꞌaꞌ chic nincuy cꞌamoc be che̱ru injunes.

San Marcos 9:23

Li Jesús quixye: —¿Cꞌaꞌut nak nacaye “cui naru”? ¿Ma incꞌaꞌ nacanau nak cui nacatpa̱ban chixjunil naru xba̱nunquil? chan.

Deuteronomio 22:27

xban nak li cui̱nk quixcꞌul li xkaꞌal saꞌ cꞌaleba̱l ut ma̱ ani quiru quicoloc re, usta quixjap re.