1 Corintios 13:6 - Li Santil hu

⁶ Li ani narahoc incꞌaꞌ nasahoꞌ xchꞌo̱l nak eb li ras ri̱tzꞌin nequeꞌxba̱nu li incꞌaꞌ us. Nasahoꞌ ban xchꞌo̱l nak cuanqueb saꞌ xya̱lal.

Q'eqchi Bible

⁶ ink'a' nasaho'k sa' xch'ool rik'in li xmaak'a'il li tiikilal, nasaho'k b'an rik'in li yaal.

1 Corintios 13:6 ပူးပေါင်းရင်းမြစ်များ

Romanos 12:9

Mexrahoc chi yal xcab rix e̱chꞌo̱l. Chera ban e̱rib chi ribil e̱rib chi anchal e̱chꞌo̱l. Chetzꞌekta̱na chi junaj cua li incꞌaꞌ us ut cheqꞌuehak e̱chꞌo̱l chixba̱nunquil li us.

2 Juan 1:4

Cꞌajoꞌ nak nasahoꞌ saꞌ inchꞌo̱l chirilbaleb la̱ cualal a̱cꞌajol nak cuanqueb saꞌ xya̱lal. Joꞌcaꞌin li kataklanquil xban li Dios Acuabej.

Romanos 1:32

Ac chꞌolchꞌo chiruheb li cꞌaꞌru quixye li Dios. Nequeꞌxnau nak lix tojbal rix li ma̱c, aꞌan li ca̱mc. Aban toj yo̱queb ajcuiꞌ chixba̱nunquil li ma̱c. Ut ma̱cuaꞌ caꞌaj cuiꞌ aꞌan nequeꞌxba̱nu. Nequeꞌsahoꞌ ajcuiꞌ saꞌ xchꞌo̱l chirilbaleb li ras ri̱tzꞌin nak yo̱queb chixba̱nunquil li incꞌaꞌ us.

2 Ts 2:12

Li Dios quixba̱nu chi joꞌcaꞌin riqꞌuineb re nak teꞌxcꞌul xtojbal xma̱queb chixjunileb li incꞌaꞌ queꞌpa̱ban re li ya̱l. Aꞌ ban chic li ma̱usilal quicuulac chiruheb xba̱nunquil.

Oseas 4:8

Nequetzaca li nequeꞌxmayeja lin tenamit re xtojbal rix lix ma̱queb. Joꞌcan nak chokꞌ e̱re la̱ex aj tij kꞌaxal us nak yo̱keb chi ma̱cobc.

Proverbios 14:9

Li ma̱cꞌaꞌeb xnaꞌleb ma̱cꞌaꞌ nequeꞌraj re nak nequeꞌxba̱nu li ma̱usilal. Abanan eb li cha̱bileb nasahoꞌ saꞌ xchꞌo̱leb chixba̱nunquil li us.

Miqueas 7:8

La̱ex, li xicꞌ nequex-iloc ke, misahoꞌ e̱chꞌo̱l chikilbal nak yo̱co chixcꞌulbal li raylal. Usta totꞌanekꞌ, abanan la̱o tocuacli̱k cuiꞌchic. Usta chanchan nak cua̱nko saꞌ kꞌojyi̱n xban li ma̱c, abanan li Dios tixcutanobresi cuiꞌchic li kabe.

Jeremías 13:17

Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Filipenses 3:18

Nabal sut ac xinye e̱re nak cuanqueb li incꞌaꞌ us yo̱queb chixba̱nunquil. Riqꞌuin li incꞌaꞌ us nequeꞌxba̱nu, nequeꞌxtzꞌekta̱na lix camic li Cristo chiru li cruz. Nayotꞌeꞌ inchꞌo̱l riqꞌuin li yo̱queb chixba̱nunquil ut ninya̱bac xban xrahil inchꞌo̱l nak ninye cuiꞌchic e̱re.

Filipenses 1:18

Abanan ma̱cꞌaꞌ naxye. Usta chi anchal xchꞌo̱leb, usta incꞌaꞌ, yo̱queb chixyebal resil li Jesucristo. Ut nasahoꞌ inchꞌo̱l riqꞌuin aꞌan.

Filipenses 1:4

Ut junelic nintijoc che̱rix chi sa saꞌ inchꞌo̱l.

San Lucas 22:5

Queꞌsahoꞌ xchꞌo̱leb chirabinquil li quixye ut queꞌxyechiꞌi xtumin.

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Salmos 119:136

Cꞌajoꞌ nak ninya̱bac xban nak incꞌaꞌ nequeꞌxqꞌue xcuanquil la̱ cua̱tin.

Salmos 10:3

Li incꞌaꞌ useb xnaꞌleb nequeꞌxnimobresi ribeb riqꞌuin li cꞌaꞌru nequeꞌxrahi ru lix chꞌo̱leb. Ut nequeꞌxqꞌue xlokꞌal li naxrahi ru cꞌaꞌak re ru, aban nequeꞌxtzꞌekta̱na li Dios.

Éxodo 18:9

Laj Jetro quisahoꞌ xchꞌo̱l chirabinquil li usilal li quixba̱nu li Ka̱cuaꞌ Dios reheb laj Israel nak quirisiheb chak saꞌ rukꞌeb laj Egipto.

Oseas 7:3

Nasahoꞌ saꞌ xchꞌo̱l li rey joꞌqueb ajcuiꞌ li nequeꞌcꞌanjelac chiru riqꞌuin li ma̱usilal ut li balakꞌi̱nc nequeꞌxba̱nu li tenamit.

San Mateo 18:13

Relic chi ya̱l tinye e̱re nak tixtau chak li sachenak, kꞌaxal ta̱sahokꞌ saꞌ xchꞌo̱l riqꞌuin li jun aꞌan chiruheb li bele̱laju roꞌcꞌa̱l li incꞌaꞌ queꞌsach.