1 Corintios 13:4 - Li Santil hu

⁴ Li ani narahoc, naxcuy li raylal ut kꞌaxal cha̱bil. Li ani narahoc incꞌaꞌ nacakalin, incꞌaꞌ naxnimobresi rib ut incꞌaꞌ naxkꞌetkꞌeti rib.

Q'eqchi Bible

⁴ Li rahok wank xkuyum sa' chixjunil; a'an chaab'il. Li rahok ink'a' nakaqalik, ink'a' naxk'e xwankil xjunes, ink'a' naxq'etq'eti rib',

1 Corintios 13:4 ပူးပေါင်းရင်းမြစ်များ

1 Pedro 4:8

Li cꞌaꞌru tento te̱ba̱nu, aꞌan xra̱bal e̱rib che̱ribil e̱rib ut chi anchal e̱chꞌo̱l. Ut xban nak nequera e̱rib che̱ribil e̱rib, nequecuy ajcuiꞌ e̱ma̱c che̱ribil e̱rib.

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Colosenses 3:12

Li Dios kꞌaxal nequexra ut quixsicꞌ e̱ru chokꞌ ralal xcꞌajol. Joꞌcan nak chexcua̱nk saꞌ ti̱quilal. Chetokꞌoba ruheb le̱ ras e̱ri̱tzꞌin ut chetenkꞌaheb. Me̱kꞌetkꞌeti e̱rib. Chexcua̱nk saꞌ tu̱lanil ut checuyak li raylal.

Proverbios 10:12

Li ani xicꞌ na-iloc nayoꞌoban ple̱t. Abanan li ani narahoc, aꞌan nacuyuc ma̱c.

1 Juan 4:11

Ex herma̱n, xban nak kꞌaxal nocoxra li Dios, tento ajcuiꞌ nak takara kib chi kibil kib la̱o.

Proverbios 17:9

Li ani incꞌaꞌ naa̱tinac chirix lix paltil li rami̱g nacꞌutun nak naxra li rami̱g. Ut li ani naa̱tinac chirix lix paltil naxqꞌue chꞌaꞌajquilal saꞌ xya̱nkeb li rami̱g.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

1 Ts 5:14

Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

2 Pedro 1:7

Ma̱cuaꞌ caꞌaj cuiꞌ aꞌan takaba̱nu. Chisahokꞌ ban ajcuiꞌ kachꞌo̱l riqꞌuineb li kas ki̱tzꞌin ut chikaraheb.

Efesios 4:2

Checubsihak e̱rib ut chexcua̱nk saꞌ tu̱lanil ut cha̱bilakex. Checuyak e̱rib chi ribil e̱rib ut cherahak e̱rib chiribil e̱rib.

2 Corintios 6:6

Riqꞌuin aꞌin nequenau nak la̱o aj cꞌanjelo chiru li Dios. Saꞌ ti̱quilal yo̱co chixba̱nunquil. Nakanau lix ya̱lal. Nabal li raylal nakacuy ut cuanco saꞌ usilal. Li Santil Musikꞌej cuan kiqꞌuin ut chi anchal kachꞌo̱l nocorahoc.

Proverbios 19:22

Cuan xsahil xchꞌo̱leb li nequeꞌuxta̱nan u. Joꞌcan nak kꞌaxal us li nebaꞌil chiru li balakꞌic.

Colosenses 1:11

Nakatzꞌa̱ma chiru li Dios re nak cua̱nk xcacuil e̱chꞌo̱l xban xnimal xcuanquil li Dios. Chisahokꞌ saꞌ e̱chꞌo̱l ut checuyak xnumsinquil li cꞌaꞌak re ru nachal saꞌ e̱be̱n ut incꞌaꞌ ta̱chꞌina̱nk e̱chꞌo̱l.

Gálatas 5:26

Mikaba̱nu kib nak kꞌaxal nim kacuanquil ut incꞌaꞌ chic chikajoskꞌi kib ut incꞌaꞌ chic chikacakali kib.

1 Corintios 4:6

Ex herma̱n, chixjunil li xinye chirix laj Apolos ut chicuix re e̱tenkꞌanquil nak xinye. Nacuaj nak te̱tau ru li cꞌaꞌru xinye. Chetzol e̱rib kiqꞌuin re nak te̱ba̱nu joꞌ tzꞌi̱banbil saꞌ li Santil Hu. Incꞌaꞌ naru te̱nimobresi e̱rib xban nak nequeta̱ke li jun ut nequetzꞌekta̱na li jun chic.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

2 Timoteo 3:10

Abanan la̱at, Timoteo, ac nacanau li tijleb ninchꞌolob xya̱lal. Xaqꞌue retal chanru nincuan ut li cꞌaꞌru nincꞌoxla xba̱nunquil. Xaqꞌue retal lin pa̱ba̱l ut chanru nak nincuyuc ut chanru ninrahoc. Ut xaqꞌue ajcuiꞌ retal chanru xcacuilal lin chꞌo̱l.

Proverbios 31:26

Riqꞌuin li cꞌaꞌru naxye nacꞌutun nak cuan xnaꞌleb. Ut riqꞌuin cha̱bilal naqꞌuehoc naꞌleb.

Proverbios 31:20

Rajlal naxtenkꞌaheb li teꞌraj tenkꞌa̱c ut naxtenkꞌaheb ajcuiꞌ li ma̱cꞌaꞌ cuan reheb.

Proverbios 17:14

Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.

Nehemías 9:17

Incꞌaꞌ queꞌraj xba̱nunquil li cꞌaꞌru caye reheb chi moco queꞌjulticoꞌ reheb li xni̱nkal ru milagro caba̱nu chak reheb junxil. Queꞌxcacuubresi ban xchꞌo̱leb ut queꞌxkꞌetkꞌeti ribeb cha̱cuu. Xban xcacuil xchꞌo̱leb queꞌoc xsicꞌbal junak re ta̱cꞌamok be chiruheb re teꞌsukꞌi̱k cuiꞌchic Egipto. Abanan la̱at, at Dios, kꞌaxal nim la̱ cuyum. Incꞌaꞌ nacatjoskꞌoꞌ saꞌ junpa̱t. Kꞌaxal cha̱bilat ut nacat-uxta̱nan u. Joꞌcan nak incꞌaꞌ catzꞌekta̱naheb.

1 Pedro 2:1

Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

1 Corintios 3:3

Incꞌaꞌ texru̱k xtaubal ru anakcuan xban nak toj nequeba̱nu li cꞌaꞌru naxrahi ru le̱ chꞌo̱l. Nak toj cuan li cakali̱nc ib ut li cuechꞌi̱nc ib saꞌ e̱ya̱nk, ¿ma incꞌaꞌ ta biꞌ yo̱quex chixba̱nunquil li cꞌaꞌru naxrahi ru le̱ chꞌo̱l? Ut la̱ex nequejuntakꞌe̱ta e̱rib riqꞌuineb li toj ma̱cꞌaꞌ li Santil Musikꞌej riqꞌuineb.

Hechos 7:9

Eb li ralal laj Jacob cꞌajoꞌ nak queꞌxcakali laj José li ri̱tzꞌineb. Joꞌcan nak queꞌxcꞌayi laj José ut quicꞌameꞌ aran Egipto. Abanan nak ac cuan aran Egipto, li Dios yo̱ chi tenkꞌa̱nc re.

Eclesiastés 10:4

Cui li cuan xcuanquil ta̱joskꞌokꞌ cha̱cuu, incꞌaꞌ ta̱sume ru, xban nak naru nequeyi̱b ru li chꞌaꞌajquilal saꞌ xya̱lal.

Proverbios 13:10

Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

Salmos 10:5

Junelic incꞌaꞌ us nequeꞌxba̱nu. Incꞌaꞌ nequeꞌxpa̱b nak li Dios ta̱rakok a̱tin saꞌ xbe̱neb. Ut nequeꞌxtzꞌekta̱na li xicꞌ nequeꞌril.

2 Timoteo 2:25

Ut saꞌ tu̱lanil chixchꞌolobak xya̱lal reheb li nequeꞌcuechꞌin rix lix ya̱lal. Ma̱re chan nak li Dios ta̱tenkꞌa̱nk reheb chixyotꞌbal xchꞌo̱leb, chixjalbal xcꞌaꞌuxeb re teꞌxnau ru li ya̱l.

1 Timoteo 6:4

Eb li cui̱nk aꞌan ma̱cꞌaꞌ nequeꞌxnau. Junes xnimobresinquil rib nequeꞌxba̱nu. Caꞌaj cuiꞌ xcuechꞌinquil ribeb chirix a̱tin nacuulac chiruheb. Ut riqꞌuin aꞌan nachal li cakali̱nc, li hoboc, li kꞌaba̱nc ut li cuiba̱nc chꞌo̱lej.

1 Corintios 8:1

Cuan cuib oxib cua̱tin tinye e̱re chirix li tzacae̱mk mayejanbil chiruheb li yi̱banbil dios. Nakanau nak chikajunilo ac xkatzol kib chirix aꞌin. Abanan toj cuan saꞌ e̱ya̱nk nequeꞌxcꞌoxla nak nequeꞌxnau chixjunil ut riqꞌuin aꞌan nequeꞌxkꞌetkꞌeti rib. Aban li ani narahoc, aꞌan naxtenkꞌa li rech aj pa̱banelil chi qꞌui̱c saꞌ lix pa̱ba̱l.

Romanos 1:29

Numtajenakeb xyibal ru lix naꞌlebeb ut lix ma̱usilaleb. Aj yumbe̱teb ut aj coꞌbe̱teb. Nequeꞌxra ru li cꞌaꞌru cuan reheb li ras ri̱tzꞌin ut kꞌaxal joskꞌeb. Numtajenakeb chi aj cakal, aj camsihomeb ras ri̱tzꞌin, aj ple̱teb, aj balakꞌeb ut aj molol a̱tineb.

Génesis 37:11

Eb li ras cꞌajoꞌ nak nequeꞌxcakali riqꞌuin li cꞌaꞌak re ru aꞌin. Ut lix yucuaꞌ qui-oc chi cꞌoxlac chirix li quixmatqꞌue.

Santiago 4:5

Cuan xya̱lal nak tzꞌi̱banbil chi joꞌcaꞌin saꞌ li Santil Hu: Li Santil Musikꞌej li quixqꞌue li Dios chi cua̱nc kiqꞌuin, aꞌan kꞌaxal nocoxra ut aꞌan naraj nak caꞌaj cuiꞌ li Dios takalokꞌoni.

1 Corintios 4:18

Cuan li xeꞌkꞌetkꞌetoꞌ saꞌ e̱ya̱nk. Eb aꞌan nequeꞌxye nak ninxucuac. Joꞌcan nak incꞌaꞌ chic ninxic e̱riqꞌuin.

Romanos 13:13

Xban nak cuanco chic saꞌ xcutan saken li Jesucristo, chocua̱nk saꞌ xya̱lal joꞌ junak tzꞌakal aj pa̱banel. Incꞌaꞌ chic toma̱cobk riqꞌuin li cala̱c, chi moco riqꞌuin li numcuaꞌac num ucꞌac, chi moco riqꞌuin muxuc caxa̱r, chi moco riqꞌuin coꞌbe̱tac yumbe̱tac, chi moco riqꞌuin li cꞌaꞌak chic re ru chi ma̱usilalil. Ut incꞌaꞌ chic topletik chi moco tocakcali̱nk.

Colosenses 2:18

Cuan li nequeꞌxye nak cha̱bileb ut chanchan nak nequeꞌxcubsi ribeb. Abanan moco ya̱l ta. Lix naꞌlebeb moco qꞌuebil ta xban li Dios. Li cꞌaꞌru nequeꞌxba̱nu, aꞌan yal cꞌoxlanbil. Nequeꞌxlokꞌoni li ángel ut nequeꞌxye cui incꞌaꞌ te̱ba̱nu joꞌ nequeꞌxba̱nu eb aꞌan, incꞌaꞌ te̱cꞌul li yechiꞌinbil e̱re xban li Dios. Abanan me̱pa̱b li cꞌaꞌru nequeꞌxye xban nak moco ya̱l ta.

Filipenses 1:15

Ya̱l nak cuan li nequeꞌxye resil li Cristo yal xban nak niquineꞌxcakali ut niquineꞌxcuechꞌi. Abanan cuan ajcuiꞌ li nequeꞌxye resil li Cristo chi anchal xchꞌo̱leb ut saꞌ xya̱lal.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

1 Corintios 5:2

La̱ex nequekꞌetkꞌeti e̱rib ut toj cuan li ma̱c saꞌ e̱ya̱nk. Narahoꞌ raj e̱chꞌo̱l ut nayotꞌeꞌ raj e̱chꞌo̱l xban xyibal ru li ma̱c li yo̱ xba̱nunquil saꞌ e̱ya̱nk. Li ani xma̱cob chi joꞌcan xerisi raj saꞌ e̱ya̱nk.

San Mateo 27:18

Laj Pilato naxnau nak xban xcakaleb xchꞌo̱l li xbe̱nil aj tij nak queꞌxkꞌaxtesi li Jesús saꞌ rakleb a̱tin.

Génesis 30:1

Lix Raquel quixcakali lix Lea xban nak ma̱ jun lix cocꞌal nacuan riqꞌuin laj Jacob. Lix Raquel quixye re lix be̱lom: —La̱in tincuaj nak teꞌcua̱nk incocꞌal. Cui incꞌaꞌ teꞌcua̱nk incocꞌal, ¿cꞌaꞌru aj e nak yoꞌyo̱kin? chan.