1 Corintios 12:8 - Li Santil hu

⁸ Cuan li qꞌuebileb xma̱tan xban li Santil Musikꞌej re qꞌuehoc cha̱bil naꞌleb ut cuan li qꞌuebileb xma̱tan xban li Santil Musikꞌej re xchꞌolobanquil li ya̱l. Abanan jun ajcuiꞌ li Santil Musikꞌej li naqꞌuehoc re xma̱tan li junju̱nk.

Q'eqchi Bible

⁸ Wan xmaatani rik'in li Musiq'ej xnimal xk'a'uxl re aatinak; jun chik xmaatani aatinak chirix chaab'il k'a'uxl li nachalk rik'in ajwi' li Musiq'ej;

1 Corintios 12:8 ပူးပေါင်းရင်းမြစ်များ

Proverbios 2:6

Li Ka̱cuaꞌ naqꞌuehoc kanaꞌleb ut li ra̱tin naxcutanobresi li kacꞌaꞌux ut nocoxtenkꞌa chixtaubal ru lix ya̱lal.

2 Corintios 8:7

La̱ex cau e̱chꞌo̱l saꞌ le̱ pa̱ba̱l. Nequenau lix ya̱lal ut nequenau xchꞌolobanquil li ya̱l. Nequeqꞌue e̱chꞌo̱l chi cꞌanjelac joꞌ naraj li Dios, ut nocoe̱ra. Joꞌcan nak nakatzꞌa̱ma che̱ru nak cheqꞌue le̱ mayej chi anchal e̱chꞌo̱l.

1 Corintios 1:5

Xban nak junajex chic riqꞌuin li Cristo, xema̱tani li rusilal li Dios. Cha̱bil chic nequex-a̱tinac ut cha̱bil chic le̱ naꞌleb xban nak nequenau chic lix ya̱lal.

Salmos 143:10

Ta̱cꞌut taxak chicuu cꞌaꞌru ta̱cuaj la̱at tinba̱nu xban nak la̱at lin Dios. Aꞌ taxak la̱ santil musikꞌ chitenkꞌa̱nk cue chi cua̱nc saꞌ ti̱quilal.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

Nehemías 9:20

Caqꞌue chak la̱ Santil Musikꞌ reheb re xcꞌutbal lix ya̱lal chiruheb. Incꞌaꞌ quipaltoꞌ chiruheb lix cuaheb. Junelic catakla chak li maná re teꞌxcuaꞌ. Joꞌcan ajcuiꞌ li rucꞌaheb, incꞌaꞌ quipaltoꞌ chiruheb.

1 Corintios 13:8

Li rahoc ta̱cua̱nk chi junelic. Ta̱cuulak xkꞌehil nak incꞌaꞌ chic ta̱cꞌanjelak li ma̱tan re cua̱nc chi profetil ut ta̱cuulak xkꞌehil nak incꞌaꞌ chic ta̱cꞌanjelak li ma̱tan re a̱tinac saꞌ jalanil a̱tin. Ut ta̱cuulak xkꞌehil nak incꞌaꞌ chic ta̱cꞌanjelak li ma̱tan re xtaubal ru chixjunil. Abanan li rahoc incꞌaꞌ nalaj, incꞌaꞌ na-osoꞌ. Cua̱nk ban chi junelic.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

Isaías 59:21

Li Ka̱cuaꞌ quixye: —La̱in tinba̱nu jun li contrato e̱riqꞌuin. La̱in ninye nak lin musikꞌ ta̱cua̱nk e̱riqꞌuin. Ut li cua̱tin quinqꞌue e̱re ta̱cua̱nk saꞌ e̱chꞌo̱l chi junelic. Junelic te̱chꞌolob lix ya̱lal chiruheb le̱ ralal e̱cꞌajol ut eb le̱ ralal e̱cꞌajol teꞌxchꞌolob xya̱lal chiruheb li ralal xcꞌajoleb li teꞌcua̱nk mokon, chan li Dios.

Isaías 50:4

Li Ka̱cuaꞌ Dios naqꞌuehoc innaꞌleb ut naxqꞌue cua̱tin re nak tinnau xcꞌojobanquil xchꞌo̱leb li tacuajenakeb. Rajlal cutan nak nasake̱u ninxqꞌue chirabinquil li ra̱tin li naxcꞌut chicuu.

Li xHu LAJ JOB 32:8

Relic chi ya̱l nak chixjunileb li cui̱nk cuanqueb xnaꞌleb xban nak li nimajcual Dios quixqꞌue lix musikꞌ reheb.

Éxodo 31:3

La̱in xinqꞌue lin musikꞌ re ut xinqꞌue xnaꞌleb re xjolominquil li cꞌanjel aꞌin. Cuan xnaꞌleb ut naxnau xcꞌoxlanquil chanru tixyi̱b chixjunil chi cha̱bil.

1 Corintios 13:2

Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

Daniel 2:21

Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

Hechos 6:3

Ex herma̱n, sicꞌomak saꞌ e̱ya̱nk cuukubak chi cui̱nk cha̱bilakeb xnaꞌleb ut nujenakeb chi Santil Musikꞌej riqꞌuineb. Cha̱bilak xyehom xba̱nuhomeb. Aꞌaneb li teꞌqꞌuehekꞌ saꞌ li cꞌanjel aꞌin.

Romanos 15:14

Ex herma̱n, la̱in ninnau nak cha̱bilex ut nequenau lix ya̱lal ut nequeqꞌue ajcuiꞌ e̱naꞌleb chi ribil e̱rib.

1 Corintios 2:11

Ma̱ ani nanaꞌoc re cꞌaꞌru cuan saꞌ xchꞌo̱l li junju̱nk. Caꞌaj cuiꞌ li junju̱nk nanaꞌoc re. Joꞌcan ajcuiꞌ lix cꞌaꞌux li Dios. Ma̱ ani nanaꞌoc re. Caꞌaj cuiꞌ li Santil Musikꞌej nanaꞌoc re.

1 Corintios 2:16

Joꞌcaꞌin tzꞌi̱banbil saꞌ li Santil Hu: Ma̱ ani nanaꞌoc re lix cꞌaꞌux li Ka̱cuaꞌ. Ma̱ ani naru naqꞌuehoc xnaꞌleb. Ma̱ ani naxnau lix cꞌaꞌux li Dios yal xjunes. Abanan xban nak la̱o cuan li Santil Musikꞌej kiqꞌuin, cuan ajcuiꞌ lix cꞌaꞌux li Cristo kiqꞌuin.

1 Corintios 14:6

Ex inherma̱n, ¿cꞌaꞌru ta̱oc cuiꞌ e̱re nak tincuulak e̱riqꞌuin ut tina̱tinak e̱riqꞌuin saꞌ jalanil a̱tin li incꞌaꞌ natauman ru? Ma̱cꞌaꞌ aj e. Abanan cui tina̱tinak e̱riqꞌuin saꞌ le̱ ra̱tinoba̱l, texintenkꞌa nak tinchꞌolob xya̱lal che̱ru joꞌ quicꞌuteꞌ chicuu xban li Dios. Ut ta̱cꞌanjelak che̱ru cui tinye e̱re li ra̱tin li Dios ut tinye e̱re cꞌaꞌru ta̱cꞌulma̱nk joꞌ tzꞌi̱banbil saꞌ li Santil Hu.

1 Corintios 14:26

Ex herma̱n, aꞌan aꞌin li nacuaj xyebal e̱re. Nak te̱chꞌutub e̱rib chixlokꞌoninquil li Dios, jalan jala̱nk te̱ba̱nu che̱ju̱nkalex. Cuan tixcꞌam chak junak bich; cuan li ta̱qꞌuehok naꞌleb; cuan li ta̱yehok re li quicꞌuteꞌ chiru xban li Dios; cuan li ta̱yehok junak naꞌleb riqꞌuin jalanil a̱tin ut cuan ajcuiꞌ li ta̱jalok ru li ta̱yema̱nk saꞌ li jalanil a̱tin. Abanan chixjunil li te̱ba̱nu, cheba̱nuhak re xtenkꞌanquileb laj pa̱banel chi qꞌui̱c saꞌ lix pa̱ba̱leb.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

2 Corintios 2:14

Nakabantioxi re li Dios xban nak yalak bar nocoxic li Cristo nacꞌamoc be chiku ut naxqꞌue kacuanquilal chi e̱lc chi us riqꞌuin chixjunil. Nak nakachꞌolob xya̱lal li Cristo, chanchan xbo̱c li sununquil ban li naxic yalak bar.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

2 Corintios 6:6

Riqꞌuin aꞌin nequenau nak la̱o aj cꞌanjelo chiru li Dios. Saꞌ ti̱quilal yo̱co chixba̱nunquil. Nakanau lix ya̱lal. Nabal li raylal nakacuy ut cuanco saꞌ usilal. Li Santil Musikꞌej cuan kiqꞌuin ut chi anchal kachꞌo̱l nocorahoc.

2 Corintios 11:6

Ma̱re incꞌaꞌ ninnau a̱tinac chi cha̱bil, abanan ninnau chi tzꞌakal lix ya̱lal li ra̱tin li Dios. Ut junelic nincꞌut che̱ru chi tzꞌakal lix ya̱lal.