1 Corintios 12:7 - Li Santil hu

⁷ Riqꞌuin li ma̱tan qꞌuebil re li junju̱nk nacꞌutun nak cuan li Santil Musikꞌej riqꞌuin, ut li ma̱tan aꞌan qꞌuebil re, re xtenkꞌanquileb chixjunileb laj pa̱banel.

Q'eqchi Bible

⁷ K'eeb'il re li junjunq li xmaatan li nak'utunk wi' li Musiq'ej, re rusilankileb' chixjunil.

1 Corintios 12:7 ပူးပေါင်းရင်းမြစ်များ

1 Corintios 14:19

Aban la̱in ninye nak saꞌ xya̱nkeb laj pa̱banel kꞌaxal us raj nak tinye cuib oxibak chi a̱tin li teꞌxtau ru re nak tebintzol chi tzꞌakal chiru nak tinye laje̱bak mil chi a̱tin saꞌ jalanil a̱tin ut incꞌaꞌ teꞌxtau ru li tinye.

1 Corintios 14:12

La̱ex nequeraj xcꞌulbal li ma̱tan naxqꞌue li Santil Musikꞌej. Abanan la̱in ninye e̱re chesicꞌak li ma̱tan li natenkꞌan reheb chixjunileb laj pa̱banel.

1 Corintios 14:17

Ya̱l nak yo̱cat chixlokꞌoninquil li Dios, abanan li jun chic incꞌaꞌ ta̱tenkꞌa̱k xban la̱ tij xban nak incꞌaꞌ naxtau ru li cꞌaꞌru yo̱cat chixyebal.

1 Corintios 14:5

Nacuaj raj nak che̱junilex tex-a̱tinak ta saꞌ jalanil a̱tin li incꞌaꞌ natauman ru. Abanan kꞌaxal cuiꞌchic nacuaj raj nak che̱junilex te̱ye resil reheb le̱ ras e̱ri̱tzꞌin saꞌ le̱ ra̱tinoba̱l cꞌaꞌru quicꞌuteꞌ che̱ru xban li Dios. Kꞌaxal us nak te̱ye li ra̱tin li Dios saꞌ le̱ ra̱tinoba̱l chiru li a̱tinac saꞌ jalanil a̱tin li incꞌaꞌ natauman ru. Abanan cui junak naa̱tinac saꞌ jalanil a̱tin, tento nak ta̱jalma̱nk ru li ra̱tin re nak eb laj pa̱banel teꞌxtau ru li cꞌaꞌru tixye ut teꞌtenkꞌa̱k xban.

Éxodo 28:3

Tat-a̱tinak riqꞌuineb chixjunileb laj yi̱bom tꞌicr li xinqꞌueheb xnaꞌleb. Ta̱ye reheb nak teꞌxyi̱b li rakꞌ laj Aarón xban nak aꞌan li te̱kꞌaxtesi chi cꞌanjelac chicuu chokꞌ aj tij.

1 Corintios 12:12

Li jun chi tzꞌejcualej tzꞌakal re ru. Cuan rok rukꞌ. Cuan chixjunil. Usta jalan jala̱nk lix chaꞌal cuan, abanan jun ajcuiꞌ chi tzꞌejcualej nak cuan. Joꞌcan ajcuiꞌ la̱o aj pa̱banel. Nabalo, abanan junajo chi tzꞌejcualej riqꞌuin li Cristo.